मत्ती 9:13 - बिलासपुरी नौआं नियम

¹³ इस खातर तुहें जाईने इसरा मतलब सिक्खी लौआ, भई हऊँ बलिदान नीं चाहन्दा पर दया चाँह; काँह्भई हऊँ धर्मियां जो नीं, पर पापियां जो सदणे आईरा।”

मत्ती 9:13 ပူးပေါင်းရင်းမြစ်များ

मत्ती 12:3

यीशुये तिन्हांते पुच्छया, क्या तुहें नीं पढ़या भई दाऊद कने तिसरे साथियें, ताहली जे तिन्हांजो भुख लगी क्या कित्या था?

मत्ती 12:5

या मूसा री व्यवस्था च तुहें ये नीं पढ़या भई विस्राम रे दिन मन्दरा रे याजक इ हकीकत च बिस्रामां रे दिना रिया विधिया जो तोड़ां ये, कने फेरी बी तिन्हांजो कोई किछ नीं बोलदा?

मत्ती 12:7

जे तुहें शास्त्राँ च लिखिरे रा मतलब जाणदे हुन्दे भई हऊँ लोकां च दया चाँह, बलिदान नीं, तां तुहें मेरे चेलयां जो दोषी नीं बणांदे सै जे निर्दोष ये।

मत्ती 19:4

तिने जबाब दित्या, क्या तुहें नीं पढ़या भई संसारा जो रचणे औल़े शुरु च तिन्हांजो इक नर कने नारिया रे रुपा च रचया कने गलाया,

मत्ती 21:42

यीशुये तिन्हाने गलाया, “क्या तुहें पवित्रशास्त्रा रा ये बचन नीं पढ़या: ‘राजमिस्त्रियें इक्की पत्थरा जो बेकार समझीने सटाईत्या था, पर वगत औणे पर पता लगया भई सैई पत्थर कुणे रा सबनीं ते खास पत्थर बणीग्या? येढ़ा परमेशरा रिया तरफा ते हुया, सै जे अहां रियां नज़राँ च त नोखा।’

मत्ती 3:2

“अपणे पापां ते मन फिरावा, काँह्भई परमेशरा रा राज नेड़े आईगरा।”

मत्ती 3:8

जे तू सही माईने च अपणे पापां ते मन फिराया राँ, तां अपणे भल़यां कम्मां ते तिसजो दस्स;

मत्ती 4:17

तिस बगता ते यीशुये प्रचार करना कने ये बोलणा शुरु कित्या : “अपणे पापां ते मन फिरावा काँह्भई परमेशरा रा राज नेड़े आईरा।”

मरकुस 12:26

मूईरयां चते जिऊंदा हुणे रे बारे च: क्या तुहें मूसा रिया कताबा च परमेशर जल़दिया हुईया झाड़िया चते मूसा ने गल्ल करां, तिसा जगह परमेशर बोलां भई हऊँ अब्राहमा रा परमेशर, कने इसहाका रा परमेशर, कने याकूब रा परमेशर आ?

मरकुस 12:33

कने तिसने अपणे सारे मना, कने सारिया अक्ला, कने सारिया ताकता सौगी प्रेम रखणा; कने अपणे पड़ेसिये ने अप्पूँ साई प्रेम रखणा, ये सारयां भेन्टां कने बलिदान्नां ते बधी नेआ।”

मरकुस 2:17

यीशुये ये सुणीने तिन्हांने गलाया, “भले चंगयां जो डाक्टरा री जरूरत नीं, पर बमाराँ जोई। हऊँ तिन्हां लोकां जो सदणे खातर नीं आईरा सै जे अप्पूँजो धर्मी समझां ये, पर तिन्हांजो सै जे जाणां ये भई सै पापी ये।”

लूका 10:26

यीशुये तिस्सो जवाब दित्या, “मूसा री व्यवस्था क्या बोलां? तुहें तिस्सो किस तरिके ने समझां यें?”

लूका 19:10

काँह्भई, माहणुये रा पुत्र यनि हऊँ परमेशरा ते दूर हुईगरे लोकां जो अनन्त सजा ते बचाणे, कने तिन्हारा छुटकारा करने आईरा।”

लूका 24:47

कने यरूशलेम ते लेईने सारियां जातियां च मन फिराणे रा कने पापां रिया माफिया रा प्रचार, तिसरे इ नौआं ते कित्या जाणा।

लूका 5:31

यीशुये तिन्हाजो जवाब दित्या, “डाक्टर भले चंगयां रे खातर नीं, पर बमाराँ रे खातर जरूरी आ।

लूका 5:32

कने, हऊँ धर्मियां जो नीं, पर पापियां जो मन फिराणे रे खातर सदणे आईरा।”

यूहन्ना 10:34

यीशुये तिन्हाजो जबाब दित्या, “क्या तुहांरिया व्यवस्था च लिखिरा निआं, ‘मैं गलाया, “तू ईश्वर आ?” ’

प्रेरितां 11:18

येढ़ा सुणी ने यहूदी विश्वासी चुप रै, कने परमेशरा री बडयाई करीने बोलणे लगे, “तां परमेशरे अन्यजातियां जो बी अनन्त जीवना खातर मन फराणे रा दान दित्तिरा।”

प्रेरितां 2:38

पतरसे तिन्हांने गलाया, “मन फिरावा, कने तुहां चते सब अपणे-अपणे पापां री माफिया खातर यीशु मसीह रे नौआं ते बपतिस्मा लौ; तां तुहां पवित्र आत्मा रा दान पाणा।

प्रेरितां 20:21

पर यहूदी कने यूनानी लोकां रे सामणे गवाही देन्दा रैया भई परमेशरा खौ मन फिरावा कने अहांरे प्रभु यीशु मसीह पर विश्वास करना चाहिन्दा।

प्रेरितां 3:19

इस खातर, मन फिरावा कने वापस आई जावा भई तुहांरे पाप माफ कित्ते जाओ, तिसते जे प्रभुये रे सामणे तसल्लिया ने रमान्ना रे दिन आओ,

प्रेरितां 5:31

परमेशरे यीशुये जो स्वर्गा च सद्दीने सब्बींते ऊच्चे औहदे पर बठाल़या, तिने तिस्सो अधिकार दित्या ताकि सै अहांरा छुटकारा करीने अहां पर राज करो। परमेशरे येढ़ा इस खातर कित्या भई अहें इस्राएली अपणे पापां ते मन फिराई लो ताकि सै अहांजो कने अहांरे पापां जो माफ करी दो।

2 पतरस 3:9

प्रभु अपणे बायदे पूरा करने च देर नीं लगान्दा, तियां जे भई किछ लोक सोच्चां ये। बल्कि सै अहांरे प्रति धीरज रखां, काँह्भई सै नीं चाहन्दा भई कोई बी माह्णु नाश हो, पर सै त चांह भई सारे लोक पापां ते मन फिराई लो।