मत्ती 8:9 - बिलासपुरी नौआं नियम

⁹ हऊँ ये जाणाँ काँह्भई हऊँ बी किसी रे अधीन काम्म कराँ; कने मेरे अधीन सिपाई मेरे हुक्मा रा पालन कराँ ये, कने ताहली जे इक्की जो बोलां, ‘जा,’ तां सै ‘जां,’ कने दुज्जे जो बोलां भई ‘औ’ तां सै औआं; कने अपणे किसी दास्सा ने बोलूं भई ये कर, तां सै तिस्सो कराँ।”

मत्ती 8:9 ပူးပေါင်းရင်းမြစ်များ

मत्ती 8:10

ये सुणीने यीशुये जो चम्भा हुया, कने सै जे तिसरे पिच्छे आई कराँ थे तिन्हांने बोल्या, “हऊँ तुहांजो सच्च बोलां, भई मुझे इस्राएल देश में इक बी येढ़ा माहणु नीं मिलया, सै जे गैर-यहूदी माहणुए साई माह पर भरोसा करां।

मत्ती 8:8

सेनापतिये जबाब दित्या, “नां प्रभु, नां हऊँ इस आदरा लायक निआं, भई तुहें मेरे घरें आओ, तुहें सिर्फ मुँआं ते बोल्ली देआ, कने मेरा दास्स ठीक हुई जाणा।

मरकुस 1:27

येढ़ा देखीने यहूदी सभा घरा रे लोक बड़े हैरान हुये कने अप्पूँ चियें गलाणे लगे, “ये क्या गल्ल इ? ये कोई नौआं उपदेश आ! ये तां अधिकारा ने बुरीआत्मां जो बी हुक्म देआं, कने सै तिसरे हुक्मां जो मन्नां ये।”

लूका 4:39

तिने तिसारे मंजे रे सराहणे खौ खढ़ी ने बुखारा जो थिड़क्या, कने इकदम इ तिसारा बुखार उतरीग्या। सै इकदम बिस्तरे ते उट्ठीकने तिन्हांरी सेवा च लगी गी।

लूका 7:8

हऊँ बी किसी रे अधीन काम्म कराँ; कने सिपाई मेरे हुक्मा रा पालन कराँ ये, कने ताहली जे इक्की जो बोलां, ‘जा,’ तां सै ‘जां,’ कने दुज्जे जो औणे जो बोलां भई ‘औ,’ तां सै औआं; कने अपणे किसी दास्सा जो भई ‘ये कर,’ तां सै तिस्सो कराँ।”

लूका 9:1

फेरी यीशुये अपणे बारा चेलयां जो सद्दीने कट्ठा कित्या कने तिन्हांजो सारी बुरीआत्मां कने बमारियां जो दूर करने री सामर्थ कने अधिकार दित्या,

कुलुस्सियां 3:22

सेबको, अपणे-अपणे संसारिक स्वामियां री सारी गल्लां रा पालन करा, सिर्फ लोकां जो खुश करने रे खातर तिस इ बगत नीं ताहली जे सै देक्खी रायें, बल्कि सच्चे मना ने तिसरी मन्ना, काँह्भई तुहें प्रभुरा आदर कराँ ये।

तीतुस 2:9

विश्वासी सै जे दास ए, तिन्हांजो सखा भई सै अपणे-अपणे मालकां रे अधीन रौ। तिन्हांजो दस्स भई सै हर गल्ला च अपणे स्वामियां जो खुश करने री कोशिश करो कने तिन्हा ने झगड़ा नीं करो;