मत्ती 8:6 - बिलासपुरी नौआं नियम

⁶ “हे प्रभु, मेरा सेवक घरें बमार पैईरा, तिस्सो लकवा मारी गरा कने सै बड़िया पीड़ा चा।”

मत्ती 8:6 ပူးပေါင်းရင်းမြစ်များ

मत्ती 4:24

सारे सीरिया प्रदेशा च तिसरी खबर फैलीगी; इस खातर लोक येढ़े सारयां माहणुआं जो सै जे बमार थे, कने कई तरह री बमारियां कने दुखां ने जकड़ोईरे थे, कने तिन्हां च जे बुरी आत्मां थिआं, तिन्हांजो जे मिर्गी औआं थी कने लकवे रे मारीरे थे, तिसले लौणे लगे। यीशुये तिन्हांजो ठीक कित्या।

मत्ती 8:7

फेरी यीशुये सेनापतिये ने गलाया, “हऊँ आईने तिस्सो ठीक करगा।”

मत्ती 9:2

तिस वगत किछ लोक लकवे रे इक रोगिये जो पाल़किया पर रखीने तिसले ल्याये। तिन्हांरा विश्वास देखीने यीशुये तिस लकवे रे रोगिये ने बोल्या, “हे पुत्र, हौंसला रख; तेरे पाप माफ हुईगे।”

प्रेरितां 10:7

ताहली जे सै स्वर्गदूत तिने जे कुरनेलियुस ने गल्लां कीतियां थिआं चलिग्या, तां तिसरे दो सेवक, कने सै जे सिपाही तिसरे सामणे मौजूद रैं थे तिन्हां चते इक परमेशरा ते डरने औल़े सिपाहिये जो सदया,

प्रेरितां 8:7

काँह्भई ताहली जे फिलिप्पुस बुरीआत्मा जो हुक्म देआं था, तां बुरीआत्मा बौहतां चते बडिया अवाज़ा च रड़ांदियां निकल़ी गईयां, कने बौहत लकवे रे रोगी कने लंगड़े बी ठीक हुये;

प्रेरितां 9:33

तित्थी तिस्सो एनियास नौआं रा इक माहणु मिलया सै जे लकवे रा रोगी था, कने अट्ठां साल्लां ते मंजे पईरा था।

कुलुस्सियां 3:11

तिसच नांत यूनानी रैया, नां यहूदी, नां खतना, नां खतने ते बगैर, नां विदेशी कने नां असभ्य, नां दास कने इक अजाद माहणुये च कोई फर्क आ: सिर्फ मसीह सब किछ आ कने सारे विश्वासियां च तिसरा इ वास आ।

कुलुस्सियां 4:1

मालको, तुहें अपणे-अपणे दास्सां ने न्याय कने ठीक-ठीक बर्ताव करा, याद रखा स्वर्गा च तुहांरा बी कोई मालक आ।

1 तिमुथियुस 6:2

कने तिन्हांरे मालक जे विश्वासी ये, तिन्हांजो सै विश्वासी हुणे रिया वजह ते नीच नीं जाणो, वल्कि सै तिन्हांरी होर बी अच्छे तरिके ने सेवा करो, काँह्भई इसते फायदा लेणे औल़े विश्वासी ये कने परमेशर तिन्हांने प्रेम कराँ। इन्हां गल्लां रा उपदेश करया कर कने पालन करने रे खातर लोकां जो हौंसला दे।

फिलेमोन 1:16

पर हुण ते सै सिर्फ तेरा दास इ नीं हूणा वल्कि दास्सा ते बी बधी नेआ, काँह्भई हुण सै मसीह च प्यारा साथी विश्वासी आ। हऊँ तिस्सो बौहत प्यार कराँ, पर तिज्जो तिसने होर बी जादा प्यार करना चाहिन्दा, काँह्भई सै तेरा दास आ कने प्रभुये च तेरा साथी विश्वासी बी आ।