मत्ती 8:3 - बिलासपुरी नौआं नियम

³ यीशुये अपणा हात्थ अग्गे करीने तिसजो छुया कने बोल्या, “बिल्कुल हऊँ चाँह, तू ठीक हुईजो।” कने सै इकदम तिस कोढ़ा ते ठीक हुईग्या।

मत्ती 8:3 ပူးပေါင်းရင်းမြစ်များ

मत्ती 12:13

फेरी यीशुये तिस सुक्कीरे हत्था औल़े माहणुये ने गलाया, “अपणा हात्थ अग्गे कर।” कने तिने अपणा हात्थ अग्गे करित्या, फेरी तिसरा सुक्कीरा हात्थ तिसरे दुज्जे हत्था साई बिल्कुल ठीक हुईग्या।

मरकुस 1:41

यीशुये तिस पर दया करीने हात्थ रख्या, कने तिस्सो छुईने गलाया, “हऊँ चाँह भई तू ठीक हुई जाओ।”

मरकुस 4:39

तां तिने उठ्ठीने तूफाना जो थिड़क्या, कने पाणिये रियां छालियां जो गलाया, “शान्त रै, रुकी जा!” कने तूफान रुकिग्या कने पूरा चैन हुईग्या;

मरकुस 5:41

कने तिसा कुड़िया रा हात्थ पकड़ीने तिसाजो गलाया, “तलीता कूमी!” मतलब “छोट्टी जेई कुड़िये, हऊँ तिज्जो बोलां, उट्ठ!”

मरकुस 7:34

कने स्वर्गा खौ देखीने बड्डा सुसकार भरया, कने यीशुये तिस माहणुये ने गलाया, “इप्फत्तह!” मतलब “खुली जा!”

मरकुस 9:25

तंजे यीशुये देख्या भई होर बी लोक अहांजो देखणे खातर कट्ठे हुया रायें, तां तिने बुरीआत्मा जो येढ़ा बोलीने झिड़कया, “गूँगा कने बैहरा करने औल़ी आत्मा, हऊँ तिज्जो हुक्म देआं, इस चाते निकल़ी जा, कने इसच भीं ते कदीं बी देखां जांदी।”

लूका 4:27

या फेरी एलीशा भविष्यवक्ते रे बगत इस्राएल देशा रे विच इ मते सारे कोढ़ी थे तिन्हाजो जे ठीक हुणे री जरूरत थी।” पर नामान नौआं रे कोढ़िये ते इलावा होर कोई ठीक नीं कित्या, सै जे सीरिया प्रदेशा रा बसिन्दा था,

लूका 5:13

तिने हात्थ अग्गे करीने तिस्सो छुया कने बोल्या, “हाँ, हऊँ चाँह भई तू ठीक हुई जाओ!” कने तिसरा कोढ़ इकदम जान्दा रैया।

लूका 7:14

सै तिसा अर्थिया रे नेड़े गया कने तिसने छोया, कने तिस्सो चकणे औल़े रुकीये। फेरी यीशुये बोल्या, “नौजवान, हऊँ तिज्जो बोलां उट्ठ जा।”

यूहन्ना 11:43

ये बोलणे ते बाद तिने ऊच्ची अवाज़ च हाक पाई, “लाजर, बाहर निकल़ी औ!”

यूहन्ना 15:24

जे हऊँ तिन्हां बिच सै चमत्कार नीं करदा सै जे किन्हिये बी नीं कित्ते, तां सै पापां रे दोषी नीं हुंदे; पर हुण तंजे तिन्हें सब किछ देखीने बी मेरने कने मेरे पिता ने बैर रखया।

यूहन्ना 5:21

काँह्भई तियां जे पिता मूईरयां जो ठवाल़ीने तिन्हांजो नौंईं जिन्दगी देआं, तियां इ पुत्र बी तिन्हौं जे चाँह तिन्हौं जिन्दगी देआं।