मत्ती 8:16 - बिलासपुरी नौआं नियम

¹⁶ ताहली जे सान्झ हुई तां सै तिसले मते सारे येढ़े लोकां जो ल्याये तिन्हां च जे बुरीआत्मां थिआं कने किछ बमार थे तिने तिन्हां आत्मां जो अपणे वचना ने बाहर कड्डित्या; कने सारे बीमाराँ जो ठीक कित्या।

मत्ती 8:16 ပူးပေါင်းရင်းမြစ်များ

मत्ती 12:22

फेरी लोक यीशुये ले इक येढ़े माहणुये जो लयाये सै जे गूँगा कने अन्हा था, काँह्भई तिसच शैतान था; यीशुये तिसजो चंगा कित्या, कने सै गूँगा बोलणे कने देखणे लगया।

मत्ती 14:14

यीशु ताहली जे किश्तिया चाते उतरी ने कनारे पर आया, तां तिने बौहत लोकां री भीड़ कट्ठी हुईरी देक्खी, तिस्सो तिन्हां पर तरस आया कने तिने बमार लोकां जो ठीक कित्या।

मत्ती 8:15

तिने तिसारा हात्थ अपणे हत्था ने छुया कने तिसारा बुखार उतरीग्या, कने सै उट्ठीकने यीशुये री सेवा टैहल करने लगी।

मत्ती 8:33

कने सूराँ जो सम्भाल़णे औल़े सेवक नट्ठे, कने नगरा च जाईने ये सारियां गल्लां कने तिन्हांच जे बुरीआत्मां थिआं; तिन्हांरा सारा हाल सुणाया।

मत्ती 9:2

तिस वगत किछ लोक लकवे रे इक रोगिये जो पाल़किया पर रखीने तिसले ल्याये। तिन्हांरा विश्वास देखीने यीशुये तिस लकवे रे रोगिये ने बोल्या, “हे पुत्र, हौंसला रख; तेरे पाप माफ हुईगे।”

मरकुस 2:3

कने ताहली जे यीशु परमेशरा रा बचन सुणाया राँ था तिस वगत किछ लोक इक लकवे रे रोगिये जो पाल़किया पर चार माहणुआं ते चकाईने तिस लौ ली आये।

मरकुस 9:25

तंजे यीशुये देख्या भई होर बी लोक अहांजो देखणे खातर कट्ठे हुया रायें, तां तिने बुरीआत्मा जो येढ़ा बोलीने झिड़कया, “गूँगा कने बैहरा करने औल़ी आत्मा, हऊँ तिज्जो हुक्म देआं, इस चाते निकल़ी जा, कने इसच भीं ते कदीं बी देखां जांदी।”

लूका 13:12

यीशुये ताहली जे सै देखी तां तिने तिसाजो अप्पूँ ले सद्दीने गलाया, “पुत्री, तू अपणियां इसा बमारिया ते अजाद हुईगी!”

लूका 4:40

संजके जुन्ना ताहली जे सूरज घरने लग्या, सारे लोक सै जे कई किस्मा री बमारियां ते जकड़ोईरे थे, सै सारे मरीजां जो यीशुये ले ली आये, कने तिने हर इक्की-इक्की मरीजा जो तिन्हां पर हत्थ रखीने ठीक कित्या।

लूका 4:41

कने बुरीआत्मायें रड़ान्दी हुई कने ये बोलदी हुई, भई “तू परमेशरा रा पुत्र आ,” बौहत लोकां चते निकल़ी गियां, पर सै तिन्हाजो थिड़कां था कने बोलणे नीं देन्दा था, काँह्भई बुरी आत्मा जाणाँ थिआं, भई सै मसीह आ।

प्रेरितां 5:15

इसरा ये परिणाम हुया भई लोक बमाराँ जो मंजयां कने मंजोलुआं पर सुआई ने ल्याणे लगे कने गल़ियां च रखणे लगे, भई तां जे पतरस आओ, तां तिसरा परछौंवा इ तिन्हां चते किसी पर पई जाओ।