मत्ती 8:13 - बिलासपुरी नौआं नियम

¹³ फेरी यीशुये तिस सुबेदारा ने गलाया, “घरौ जा, तेढ़ा जे तेरा विश्वास आ, तियां इ तेरे खातर ओ।” कने तिसरा दास तिस इ वगत बमारिया ते ठीक हुईग्या।

मत्ती 8:13 ပူးပေါင်းရင်းမြစ်များ

मत्ती 15:28

फेरी यीशुये तिसाजो जबाब दित्या, “हे औरत तेरा विश्वास बड़ा बड्डा। सै जे तू चाँई, पूरा ओ।” कने तिस इ घड़ी तिसारी कुड़ी ठीक हुईगी।

मत्ती 17:20

यीशुये तिन्हांजो दस्या, “काँह्भई तुहां च विश्वासा री कमी, हऊँ तुहांजो सच्च बोलां, जे तुहां च राईया रे दाणे जितना बी विश्वास हुन्दा, तां तुहें इस पहाड़ा ने बोल्ली सक्कां ये, येत्थीते हटिने ओतखा चली जा, कने तिस चली जाणा; तुहें किछ बी करी सक्कां ये।

मत्ती 8:4

यीशुये तिसने गलाया, “देख, इस बारे च किसी ने बी देखां बोलदा, पर जाईने अप्पूँजो याजका ले दास्स कने सै भेंट जे मूसे ठैहराईरी तिसाजो चढ़ा, ताकि सै लोक जाणी लो भई तू ठीक हुईगरा।”

मत्ती 9:22

मुड़ीने तिसाजो देखदे हुये यीशुये गलाया, “बेटी हौंसला रख; तेरे विश्वासे तिज्जो इसा बमारिया ते ठीक कित्या।” कने सै जनाना तिस इ पल ठीक हुईगी।

मरकुस 7:29

यीशुये तिसाजो गलाया, “ये गल्ल बोलीने तैं माह पर अपणा विश्वास दस्या इस वजह ते मैं तुहांरी कुड़ी ठीक कित्ती, इस खातर हुण तू अपणे घरौ चली जा।”

मरकुस 9:23

यीशुये तिस्सो गलाया, “ये नीं बोलणा जे तुहें करी सक्कां ये, काँह्भई परमेशरा पर विश्वास करने औल़यां खातर सै सब किछ करी सक्कां।”

यूहन्ना 4:50

यीशुये तिसजो गलाया, “तू जा तेरा मुण्डु जिऊंदा रैहणा।” तिने माहणुये यीशुये री गलाई रियां गल्लां पर विश्वास कित्या कने घरा जो चलीप्या।