मत्ती 8:12 - बिलासपुरी नौआं नियम

¹² पर राज री प्रजा यनि इस्राएली लोक धक्का देईने बाहर नरका च भेज्जी दित्ति जाणी : तित्थी तिन्हां अपणे दुखां रिया वजह ने रोणा कने पीड़ा ने दान्द किरड़ने।”

मत्ती 8:12 ပူးပေါင်းရင်းမြစ်များ

मत्ती 13:38

कने खेत संसारा रे लोक ये, खरे ब्यू परमेशरा रे राज्जा रे लोक ये, कने जंगली ब्यू शैतान्ना रे लोक ये।

मत्ती 13:42

कट्ठे करीने नरका रिया अग्गी च पाई दित्ते जाणे, तित्थी सिर्फ दान्द किरड़ना कने रोण-पिट्टण इ हूणा।

मत्ती 13:50

कने पापियां जो नरका रिया अग्गी च पाई देणा; तित्थी तिन्हां रोणा कने दान्द किरड़ने।

मत्ती 21:43

“इस खातर हऊँ तुहांजो बोलां परमेशरा रा राज तुहांते खोया जाणा कने सै तिन्हां लोकां जो देई दित्या जाणा सै जे तिसरे राज्जा रे मुतावक बर्ताव करगे।

मत्ती 24:51

कने तिसरे मालका तिस्सो बौहत-बुरी सजा देणी कने कपटियां रे बिच तिसरी जगह तैह करनी तिसा जगह जे लोक रोन्दे कने दान्द किरड़दे हुणे।”

मत्ती 25:30

इस खातर तिस बेकार सेवका जो बाहर अन्धेरे च पाई दवा, तित्थी जे रोणा कने दन्द किरड़ना हूणा।

लूका 13:28

जिस बगत तुहां अपणे पूर्वज अब्राहम, इसहाक, याकूब कने सारे भविष्यवक्तयां जो परमेशरा रे राज्जा च देखणा फेरी तित्थी तुहां रोणा कने दान्द किरड़ने! पर तुहांजो ऊत्थीते बाहर कडी दित्या जाणा।

प्रेरितां 3:25

तुहें सारे तिन्हां भविष्यवक्तयां रियां औल़ादां ये कने तिस वायदे रे सहभागी हुणे, तिस्सो जे परमेशरे तुहांरे पूर्वजां ने कित्तिरा, तां जे तिने अब्राहमा ने गलाया, ‘तेरे वंशा तेई धरतिया रेयां सारेयां घरान्नेयां आशीष पाणी।’

रोमियो 9:4

सै इस्राएली लोक ये, तिन्हांजो जे परमेशरे गोद लेईरा कने पुत्र हुणे रा अधिकार दित्तिरा, सै जे परमेशरा रिया महिमा रा दर्शण करी बैठिरे, सै जे परमेशरा रे करारा रे भागीदार ये, तिन्हांजो जे मूसा री व्यवस्था दित्ति गईरी कने सच्ची अराधना कने परमेशरा रे वायदे तिन्हांरे इ हाये।

2 पतरस 2:17

ये झूट्ठे शिक्षक सुक्के खूआ साई ये कने येढ़े बगैर बरखा रे बद्दल़ ये तिन्हांजो जे तूफान डुआईने लेई जायें; परमेशरे तिन्हांरे खातर इक येढ़ि जगह त्यार कित्तिरी, तित्थी जे पूरी तरह अन्धकार आ।

2 पतरस 2:4

परमेशरे तिन्हां स्वर्गदूतां जो नीं छडया ताहली जे तिन्हें पाप कित्या पर तिन्हांजो नरका च सटीत्या, तित्थी जे तिन्हांजो बेड़ियां ने बन्हीने अन्धकारा च रखीरा ताकि सै न्याय रे दिना तक तित्थी पैईरे रौ।

यहूदा 1:13

तियां जे समुद्रा रियां तेज लैहराँ गन्दा झाग निकाल़ां इयां तियां इ ये लोक बेशर्मिया रा काम्म कराँ ये। ये लोक किछ तारयां साई ये सै जे अम्बरा च भटकदे रैं, तिन्हांरे खातर जे परमेशरे सदा काल रा घोर अन्धकार रक्खीरा।

प्रकाशितवाक्य 22:15

पर कुत्ते, जादूगर, व्यभिचारी, हत्यारे, मूर्त्तिपूजक, कने हरेक झूट्ठा रा चाहणे औल़ा कने झुट्ठियां गल्लां बनाणे औल़ा बाहर रैहणा।