मत्ती 7:7 - बिलासपुरी नौआं नियम

⁷ सै जे तुहांरियां जरूरतां इयां तिसजो परमेशरा ते मंगा, तिस सै तुहांजो देणा; टोल़गे तां तुहां पाणा, खटखटाणा जारी रखा कने दरवाजा खोल्या जाणा।

मत्ती 7:7 ပူးပေါင်းရင်းမြစ်များ

मत्ती 18:19

हऊँ तिज्जो ये बी दस्सां भई इसा धरतिया पर जे तुहां चते कोई दो जणे इक मन हुईने किसी विवादा रे समाधाना रे बारे च मेरे पिता ते मंगगे सै जे स्वर्गा चा, तां तिस तुहांरी सहायता जरूर करनी।

मत्ती 21:22

कने जो किछ तुहें प्राथना च विश्वासा ने मंगगे, सै सब तुहांजो मिलणा।”

मत्ती 6:33

इस खातर तुहें परमेशरा रे राज्जा कने सच्चाईया ने जीणे जो तियां जे परमेशर चाँह सब्बीं ते पैहला दर्जा देआ, तां ये सारी चिज़ां तुहांजो मिली जाणियां।

मत्ती 7:11

इस खातर तां जे तुहें बुरे हुईने, अपणयां बच्चयां जो खरियां चिज़ां देणा जाणाँ ये, तां तुहांरा स्वर्गीय पिता अपणे मंगणे औल़यां जो खरियां चिज़ां काँह नीं देंगा?

मत्ती 7:8

काँह्भई सै जे कोई मंगां, तिस्सो मिलां; कने सै जे टोल़ां, सै पां; कने सै जे खड़कां, तिस खातर दरवाजा खोल्या जाणा।

मरकुस 11:24

इस खातर तुहांजो बोलां भई जो किछ तुहें प्राथना च मंग्गो, तां विश्वास करीलो भई तुहौं सै मिलीग्या, कने तुहां खातर हुई जाणा।

लूका 13:25

ताहली जे घरा रा मालक यनि परमेशर उट्ठीने दरवाजा बन्द करी दो, कने तुहें बाहर खड़ीने दरवाजा खड़काईने विनती करीने बोलणे लगगे, ‘प्रभु जी, अहांरे खातर दरवाज खोल।’ पर तिस तुहांजो जबाब देणा भई, हऊँ तुहांजो नीं जाणदा, तुहें कित्तिते आईरे?

लूका 18:1

यीशुये अपणे चेलयां जो इस बारे च दस्या भई अहांजो हर बगत प्राथना करने री जरूरत इ कने निराशा च पैईने हिम्मत नीं हारनी चाहिन्दी, फेरी तिन्हांजो ये उदाहरण गलाया :

यूहन्ना 15:16

तुहें मिन्जो नीं चुणया, पर मैं तुहांजो अपणे खातर चुणीरा; कने नियुक्त कित्तिरा भई तुहें जाओ कने कामयाब हुईने औआ, हऊँ चांह भई तुहांरी कमयाबी बणीरी रौ, काँह्भई ताहलूं जे तुहें पिता ते मेरे चेले हुणे रे नाते जो किछ मंग्गो, तां सै तुहांजो मिली जाओ।

यूहन्ना 15:7

जे तुहें मेरेने जुड़ीरे रौ कने मेरे उपदेशा रे मुतावक चलदे रौ, तां जो किछ तुहें चाँह यें मंगा, सै तुहांजो मिली जाणा।

यूहन्ना 4:10

यीशुये जबाब दित्या, “तू नीं जाणदी भई परमेशर तिज्जो क्या देणा चांह, कने तू नीं जाणदी भई कुण तेरते पाणी मंगया रां। जे तू जाणदी, तां तू माहते इस्सो मंगदी कने हऊँ तिज्जो जीवन देणे औल़ा पाणी देन्दा।”

रोमियो 2:7

सै जे लगातार खरे कर्म करदे हुये महिमा, आदर कने अमरता रिया खोज्जा च रैं, तिन्हौं परमेशरा अनन्त जीवन देणा;

रोमियो 3:11

कोई बी माहणु नीं समझदा भई क्या ठीक आ; कोई बी परमेशरा जो जाणना नीं चाहन्दा।

इब्रानियों 11:6

कने सिर्फ विश्वासा रे जरिये परमेशरा जो खुश कित्या जाई सक्कां; काँह्भई परमेशरा रे नेड़े औणे औल़े जो विश्वास करना चाहिन्दा भई सै हया, कने सै जे तिस्सो जाणने री कोशिश कराँ ये तिन्हांजो सै ईनाम देआं।

याकूब 5:15

विश्वासा ने कित्तिरी तिन्हां रिया प्राथना ते बीमार ठीक हुई जाणे, कने प्रभुये तिसजो खड़ा करना कने जे तिने गुनाह बी कित्तिरे ओ, परमेशरा तिसरे पाप माफ करने।

1 यूहन्ना 3:22

कने सै किछ जे अहें परमेशरा ते मंगां ये, सै अहांजो तिसते मिलां; काँह्भई अहें तिसरे हुक्मां जो मन्नां यें, कने सै जे किछ तिस्सो ठीक लगां अहें सैई कराँ ये।