मत्ती 7:6 - बिलासपुरी नौआं नियम

⁶ सै लोक जे परमेशरा रे सन्देशा जो सुणना नीं चाहन्दे तिस्सो मता सुणादे। जे तुहें येढ़ा करगे, तां ये पवित्र चीज़ कुत्तयां जो कने मोती सूराँ रे अग्गे सटणे साई हुणे भई सै सिर्फ तिन्हौं पैराँ हेठ रौंदणा कने पलटी ने तिन्हां तुहांरा नुक्शान करना।”

मत्ती 7:6 ပူးပေါင်းရင်းမြစ်များ

मत्ती 15:26

तिने जबाब दित्या, भई “घरा रे बच्चयां (सै जे यहूदी ये) तिन्हांरी रोटी लेईने कुत्तयां रे (सै जे होरीं जातियां रे लोक ये) अग्गे पाणा ठीक नींआ।”

मत्ती 24:10

तिस बगत बौहत लोकां माह पर विश्वास नीं करना, कने इक दुज्जे जो दुश्मणां रे हत्थे पकड़वाणा, कने अप्पूँ बाटियें बैर रखणा।

मत्ती 7:5

अरे कपटी! पैहले तू अपणिया बुराईया जो अपणे अन्दरा ते निकाल़, फेरी तांई तू ठीक ढंगा ने देक्खी पांगा कने अपणे भाईये रिया कमियां जो दूर करी सकगा।

2 कुरिन्थियों 11:26

मेरी कई यात्राँ रे दौरान मैं खतरनाक नदियां, खूँखार डाकुआं, खुद अपणयां लोकां, अन्यजातियां, नगराँ, गाँवां, समुद्राँ कने झूट्ठे विश्वासी भाईयां रे जख्मां रा सामना कित्या।

फिलिप्पियां 3:2

सै बुरै लोक सै जे कुत्तयां साई ये तिन्हांते सावधान रौआ, काँह्भई सै लोक बुरा काम्म कराँ ये कने मर्दां रा खतना करने पर जोर दें।

इब्रानियों 10:29

तां सोच्चा भई इक्की माहणुये जो कितणी भयानक सजा मिलणी, सै जे परमेशरा रे पुत्रा ने नफरत कराँ, कने परमेशरा रिया वाचा रा लहू तिसरे जरिये जे सै पवित्र बणाया गया तिस्सो अपवित्र मन्नां, कने सै तिस आत्मा री बेज्जति कराँ तिसते जे तिने अनुग्रह पाईरा।

इब्रानियों 6:6

कने जे हुण तिन्हें अपणा विश्वास छड्डीतरा! इस खातर तिन्हौं मन फिराव री तरफ ल्यौणा मुश्किल आ, काँह्भई सै खुद परमेशरा रे पुत्रा जो भीं ते क्रूसा पर चढ़ाई राँये कने लोकां रे सामणे तिसरी बेज्जति करी राँये।

2 पतरस 2:22

तिन्हां पर ये कहावत ठीक बैट्ठां इ : “कुत्ता अपणिया इ उल्टिया री तरफ वापस औआं,” कने “नैहलाई हुई सूरनी चीकड़ा च लेटणे खातर वापस जांई।”

प्रकाशितवाक्य 22:15

पर कुत्ते, जादूगर, व्यभिचारी, हत्यारे, मूर्त्तिपूजक, कने हरेक झूट्ठा रा चाहणे औल़ा कने झुट्ठियां गल्लां बनाणे औल़ा बाहर रैहणा।