मत्ती 7:24 - बिलासपुरी नौआं नियम

²⁴ इस खातर हुण सै जे कोई मेरियां गल्लां सुणीने तिन्हां पर अमल कराँ, तिसरी तुलना तिस समझदार माहणुये ने हूणी तिने जे अपणे मकाना री निऊँ चट्टाना पर बणाई।

मत्ती 7:24 ပူးပေါင်းရင်းမြစ်များ

मत्ती 12:50

हाँ, सै जे कोई स्वर्गा च बिराजमान मेरे पिता रिया इच्छा पर चलां, सैई मेरी माता, मेरी बैहण, कने मेरे भाईये रे बराबर मिन्जो प्यारे।”

मत्ती 16:18

हऊँ बोलां भई तू पतरस आ, कने तू माह च विश्वास करने औल़यां निऊँ हूणा, तियां जे भई इक बड्डी चट्टान किसी घरा री निऊँ हुआं इ; कने तिस पर मौती रा कोई जोर नीं चलना।

मत्ती 24:45

“फेरी सोच्चा सै भरोसे रे लायक सेबक कुण आ तिस्सो जे स्वामिये अपणे घरा रे नोकराँ-चाकराँ रे ऊपर सरदार बणाया भई सही बगता पर तिन्हांजो रोटी देयो?

मत्ती 25:2

तिन्हां चा ते पांज्ज लापरवाह थिआं कने पांज्ज समझदार थिआं।

मत्ती 25:4

पर समझदार कन्यां अपणी मशालां सौगी कुप्पियां च तेल बी भरील्या।

मत्ती 25:9

पर समझदारें जबाब दित्या, नां, अहें नीं देई सकदियां काँह्भई ये न त अहांरे खातर पूरा हूणा नई तुहांरे खातर, इस खातर तुहें तेल बेचणे औल़े ले जाईने अपणे खातर खरीदी ने ली औआ।

मत्ती 7:25

कने बरखा हुई, बाढ़ां आईयां, कने आँधियां चलियां, कने ये सब तिस मकाना ने टकराये, पर सै रुढ़या निआं, काँह्भई तिसरी निऊँ मजबूत चट्टाना पर रखीरी थी।

मत्ती 7:26

“पर सै जे मेरियां गल्लां सुणां पर तिन्हां पर नीं चलदा, सै तिस मूर्ख माहणुये साई हूणा तिने जे अपणा मकान रेता पर बणाया।

लूका 11:28

फेरी यीशुये गलाया, “पर इन्हांते बी जादा परमेशर तिन्हौ आशीष देआं, सै जे परमेशरा रा बचन सुणां ये, कने तिसरा पालन कराँ ये।”

यूहन्ना 13:17

हुण तां जे तुहें इन्हां सब गल्लां जो जाणाँ ये, तां तिन्हांरा पालन करा, ताकि तुहांजो आशीष मिलो।

यूहन्ना 14:15

“जे तुहें मेरने प्यार कराँ ये, तां तुहां मेरयां हुक्मां जो मनणा।

यूहन्ना 15:10

जे तुहें मेरयां हुक्मां जो मनगे तां तुहां मेरे प्यारा च बणीरे रैहणा। तियां जे हऊँ पिता परमेशरा रे हुक्मां रा पालन करीने तिसरे प्यारा च बणीरा रैआं।

यूहन्ना 15:14

जे तुहें मेरिया दस्सी रिया गल्ला पर चलां ये सै जे हऊँ बोलां, तां तुहें मेरे सच्चे दोस्त बणी जांये।

रोमियो 2:13

काँह्भई सै लोक जे मूसा रिया व्यवस्था जो कथा साई सुणां यें, सै परमेशरा रिया नजरा च धर्मी नींये, पर सै जे व्यवस्था रा पालन कराँ ये सै परमेशरा रिया नज़राँ च धर्मी समझे जाणे।

1 यूहन्ना 2:3

जे अहें परमेशरा रे हुक्मा रा पालन करगे, येई सै रस्ता तिसते जे अहांजो निश्चा भई अहांरा तिसने अच्छा सम्बन्ध आ।