मत्ती 7:21 - बिलासपुरी नौआं नियम

²¹ सै जे मेरने, हे प्रभु, हे प्रभु, बोल्लां, तिन्हां चते हरेक स्वर्ग राज्जा च नीं जाणा, पर सै जे स्वर्गा च रैहणे औल़े मेरे पिता रिया इच्छा जो पूरी कराँ, सैई तिसच प्रवेश पाई सक्कां।

मत्ती 7:21 ပူးပေါင်းရင်းမြစ်များ

मत्ती 12:50

हाँ, सै जे कोई स्वर्गा च बिराजमान मेरे पिता रिया इच्छा पर चलां, सैई मेरी माता, मेरी बैहण, कने मेरे भाईये रे बराबर मिन्जो प्यारे।”

मत्ती 16:17

यीशुये तिस्सो जबाब दित्या, योना रे पुत्र, शमौन, परमेशर आशीष देओ तिज्जो, काँह्भई माहणुये नीं, पर स्वर्गा च रैहणे औल़े मेरे पिता, तूह पर जाहिर किति।

मत्ती 18:10

इस खातर देक्खा, तुहें मेरे इन्हां मासूम चेलयां चते किसी जो बी घटिया नीं समझयां; हऊँ तुहांजो दस्सां भई तिन्हारी हिफाज़त करने औल़े स्वर्गदूतां री पहुँच स्वर्गा च मेरे पिता ले सदा बणीरी रैईं।

मत्ती 18:19

हऊँ तिज्जो ये बी दस्सां भई इसा धरतिया पर जे तुहां चते कोई दो जणे इक मन हुईने किसी विवादा रे समाधाना रे बारे च मेरे पिता ते मंगगे सै जे स्वर्गा चा, तां तिस तुहांरी सहायता जरूर करनी।

मत्ती 18:3

कने बोल्या “हऊँ तुहांजो सच्च बोलां भई जे तुहें बदली ने बच्चयां साई नम्र नीं ओ, तां परमेशरा तुहां पर राज करने जो सैहमत नीं हूणा।

मत्ती 18:35

“इस तरिके ने जे तुहां चते हर इक मांह पर विश्वास करने औल़े जो मना ते माफ नीं करगा, तां मेरे पिता सै जे स्वर्गा चा, तुहांजो बी तेढ़ा इ बर्ताव करना।”

मत्ती 19:24

हाँ, हऊँ तूहने बोलां भई तियां जे ऊँटा रा सुईया रे छेदा ते निकल़णा मुश्कल आ, तियां इ अमीर माहणुये रा स्वर्गा रे राज्जा च दाखल हूणा बी उतणा इ मुश्कल आ।”

मत्ती 25:10

ताहली जे सै खरीदी ने लौणे जो जाणे लगियां तां लाड़ा आई पुज्जया, कने सै कन्यां जे त्यार थिआं, सै तिस सौगी ब्याह रे घरा च चलीगियां कने दरवाजा बन्द करित्या।

मत्ती 25:21

तिसरे मालके तिसने गलाया, शाबाश! तू भरोसे रे लायक खरा सेबक आ, तैं थोड़िया जेईया रकमा च मेरा विश्वास जित्तिल्या; माह तिज्जो मतियां चिज़ां रा अधिकार देणा। औ कने मेरने खुशी मना।

मत्ती 26:39

फेरी थोड़ा अग्गे खिसकणे ते बाद सै मुँआं रे भार पैईने, प्राथना करने लगया, “हे मेरे पिता, जे हुई सक्को तां माह पर ये दुख नीं औणे दे, तां बी तेढ़ा जे हऊँ चाँह तेढ़ा नीं, पर तियां जे तू चाँह तियां इ ओ।”

मत्ती 26:42

फेरी इक बार भीं तिने जाईने प्राथना कित्ती कने गलाया, “हे मेरे पिता, जे इस तरिके ने मेरे खातर दुख सैहणा जरूरी आ, तां तेरी इच्छा पूरी ओ।”

मरकुस 3:35

काँह्भई सै जे परमेशरा रिया इच्छा पर चलां यें, सैई मेरी माता, मेरी बैहणीं, कने मेरे भाई ये।”

मरकुस 9:47

पाप करने रिया हरेक वजह जो दूर करा! इसजो पूरे तरिके ने अस्वीकार करा। काणा हुईने तेरा स्वर्गा जो जाणा बौहत अच्छा, बजाये इसरे भई तेरियां दो आक्खीं हुन्दे हुये तिज्जो नरका रिया तिसा अग्गी च पाया जाओ सै जे कदीं मनी बुझणी।

लूका 11:28

फेरी यीशुये गलाया, “पर इन्हांते बी जादा परमेशर तिन्हौ आशीष देआं, सै जे परमेशरा रा बचन सुणां ये, कने तिसरा पालन कराँ ये।”

लूका 13:25

ताहली जे घरा रा मालक यनि परमेशर उट्ठीने दरवाजा बन्द करी दो, कने तुहें बाहर खड़ीने दरवाजा खड़काईने विनती करीने बोलणे लगगे, ‘प्रभु जी, अहांरे खातर दरवाज खोल।’ पर तिस तुहांजो जबाब देणा भई, हऊँ तुहांजो नीं जाणदा, तुहें कित्तिते आईरे?

लूका 18:25

तियां जे ऊँटा रा सुईया रे छेद्दा ते निकल़णा मुश्कल आ, तियां इ अमीर माहणुये रा स्वर्गा रे राज्जा च दाखल हूणा बी उतणा इ मुश्कल आ।”

लूका 6:46

“तां जे तुहें मेरा बोल इ नीं मनदे, तां काँह मिन्जो; ‘हे प्रभु, हे प्रभु,’ बोल्लां ये?

यूहन्ना 14:7

जे तुहें सच्चीजो जाणया हुन्दा भई हऊँ कुण आ तां तुहें मेरे पिता जो बी जाणीगरे हुन्दे, हुण तुहें तिस्सो जाणाँ ये, कने तुहें तिस्सो देखीरा बी आ।”

यूहन्ना 15:23

सै जे मेरने बैर रखां, सै पिता ने बी बैर रखां।

यूहन्ना 3:5

यीशुये तिस्सो जबाब दित्या, “हऊँ तेरने सच्च बोलां, कोई बी परमेशरा रे राज्जा च दाखल नीं हुई सकदा तदुआं तक जे सै पाणिये ते कने आत्मा ते जन्म नीं लौ।

यूहन्ना 5:17

इस पर यीशुये तिन्हाजो गलाया, “मेरा पिता परमेशर कदीं काम्म बन्द नीं करदा, इस खातर हऊँ बी लगातार काम्म कराँ।”

यूहन्ना 6:40

काँह्भई मेरे पिता री इच्छा येई, भई तिस जे पुत्रा जो देखीने तिस पर विश्वास करना तिस अनन्त जीवन पाणा; कने माह सै न्याय रे दिन भीं ते जिऊंदा करी देणा।”

यूहन्ना 7:17

जे कोई परमेशरा रिया मर्जिया पर चलना चाओ, तां सै इस उपदेशा रे बारे च समझी जांगा भई जो उपदेश हऊँ देआं सै परमेशरा रिया तरफा ते आया या हऊँ अपणिया तरफा ते देई कराँ।

प्रेरितां 14:22

कने हरेक नगरा रे चेलयां रे मना जो मजबूत करदे रहे कने ये उपदेश देआं थे भई विश्वासा च बणीरे रौआ; कने ये बोलां थे, “अहांजो मते दुख सहीने परमेशरा रे राज्जा च जाणे मिलणा।”

रोमियो 12:2

हुण होर अग्गे इस संसारा रिया रीता पर मता चलदे; पर परमेशर तुहांरे मना जो बदलने रे जरिये तुहांजो नया दिल देओ। ताकि तुहें परमेशरा रियां इच्छां जो जाणी सकगे, यानि सै जे भली, सै जे तिस्सो खुश कराँ इ कने सै जे उत्तम इ।

रोमियो 2:13

काँह्भई सै लोक जे मूसा रिया व्यवस्था जो कथा साई सुणां यें, सै परमेशरा रिया नजरा च धर्मी नींये, पर सै जे व्यवस्था रा पालन कराँ ये सै परमेशरा रिया नज़राँ च धर्मी समझे जाणे।

इफिसियां 6:6

लोकां जो खुश करने औल़यां साई दिखावा करने रे खातर सेवा नीं करा, पर मसीह रे सेबका साई दिला ने परमेशरा री इच्छा पूरी करा।

कुलुस्सियां 4:12

इपफ्रास रा बी तुहांजो नमस्कार हो, सै जे तुहांरे नगरा चते इक आ कने यीशु मसीह रा दास आ, कने सदा तुहांरे खातर लगना ने प्राथनां च कोशिश करदा रैयां, ताकि तुहें सिद्ध हुईने पूरे विश्वासा सौगी परमेशरा रिया इच्छा च टिक्कीरे रौओ।

1 थिस्सलुनीकियां 4:3

काँह्भई परमेशरा री इच्छा येई भई तुहें पवित्र बणा: यनिके तुहें व्यभिचार मत करा,

1 थिस्सलुनीकियां 5:18

हरेक हालता च परमेशरा रा धन्यवाद करो; काँह्भई तुहां खातर मसीह यीशु च परमेशरा री येई इच्छा इ।

तीतुस 1:16

ये झूट्ठे शिक्षक बोलां ये भई सै परमेशरा जो जाणाँ ये, पर तिन्हांरा बर्ताव साफ तौर पर ये साबित कराँ भई सै तिस्सो नीं जाणदे। परमेशर इन्हां लोकां ते नफरत कराँ कने सै तिसरे हुक्मां रा पालन नीं करदे, कने कोई भला काम्म बी नीं करी पान्दे।

इब्रानियों 13:21

तुहांजो हरेक भले कम्मां च सिद्ध करो, तिसते जे तुहें परमेशरा री इच्छा जो पूरा करी सक्को, सै जे किछ परमेशरा जो खुश कराँ तिस्सो यीशु मसीह रे जरिये अहां च करो। कने मसीह री महिमा युगां-युगां तकौ हुन्दी रौ। आमीन।

इब्रानियों 4:6

सै इस्राएल रे लोक तिन्हेंजे पैहले खुशखबरिया जो सुणीरा था, पर विस्राम रिया जगह च प्रवेश करने च असफल रै, काँह्भई तिन्हें परमेशरा रा हुक्म नीं मन्नया। पर हुण बी किछ लोकां जो विस्राम रिया जगह च प्रवेश करने रे खातर मौका।

याकूब 1:22

पर परमेशरा रे वचना पर चलने औल़े बणा, नां भई सिर्फ तिस्सो सुणने औल़े, जे सिर्फ तुहें सुणने औल़े इ हाये, तां खुद अप्पूँजो धोखा देई कराँ ये।

1 पतरस 2:15

काँह्भई परमेशरा री इच्छा येई ताकि तुहें भले काम्म करने ते बेअक्कल लोकां री अज्ञानता रियां गल्लां जो बन्द करी देआ सै जे तुहांरे खिलाफ कराँ ये।

1 पतरस 4:2

इसरा नतीजा तिस माहणुये रा बाकी संसारिक जीवन माहणुये री बुरी इच्छा रे मुतावक नीं, बल्कि परमेशरा रिया इच्छा रे मुतावक हूणा।

प्रकाशितवाक्य 2:27

तेढ़ा अधिकार जे मैं अपणे पिता ते पाईरा तेढ़ा इ अधिकार मांह तिस्सो देणा, तिस लोहे री रौड़ लईने तिन्हां परा राज करना, कने तिस तिन्हांजो चिक्का रे भाण्डया साई चकनाचूर करना।

प्रकाशितवाक्य 22:14

“आशीषित सैये, सै जे अपणे कपड़े धोई लें, ताकि तिन्हांजो जीवना रे डाला ले औणे रा अधिकार मिलणा, कने तिन्हां फाटकां ते हुईने नगरा च प्रवेश करना।

प्रकाशितवाक्य 3:5

सै जे जय पांगा तिस्सो इयां इ सफेद कपड़े पहनाये जाणे, मांह तिसरा नौं जीवना रिया कताबा चते कदीं नीं कटणा; पर तिसरा नौं अपणे पिता कने तिसरे स्वर्गदूतां रे सामणे मन्नी लेणा।