मत्ती 6:5 - बिलासपुरी नौआं नियम

⁵ “ताहली जे तुहें प्राथना करो तां कपटियां साई मत करा, काँह्भई सै यहूदी सभा घराँ च कने सड़कां रे मोड़ां पर खड़ीने प्राथना करना चाँये ताकि लोक तिन्हांजो देखीने तिन्हांरी बडयाई करी सक्को। हऊँ तुहांजो सच्च बोलां भई तिन्हांजो इसरा ईनाम सैई बडयाई मिली।

मत्ती 6:5 ပူးပေါင်းရင်းမြစ်များ

मत्ती 21:22

कने जो किछ तुहें प्राथना च विश्वासा ने मंगगे, सै सब तुहांजो मिलणा।”

मत्ती 23:13

“अरे कपटी शास्त्रियो कने फरीसियो, परमेशरा तुहांजो भयानक सजा देणी! तुहें लोकां जो परमेशरा रे अधीन हुणे ते रोकां ये, तुहें तिन्हां माह्णुआं साई ये सै जे स्वर्गा रे राज्जा रा दरवाजा बन्द करी दें इस खातर भई दुज्जे परमेशरा रे नगरा च प्रवेश नीं करी सक्को; तुहें खुद त तिसच दाखल नीं हूणा चाहन्दे कने होरीं जो बी तिसच जाणे ते रोकां ये।

मत्ती 23:5

सै अपणे सारे काम्म लोकां जो दसणे खातर कराँ ये: सै अपणे जंत्राँ कने चोल़े री झालराँ जो इस खातर बड्डे ते बड्डा करदे रैं ताकि लोक तिन्हांजो धर्मात्मा समझो।

मत्ती 23:6

धाम्मां च खास-खास जगह कने यहूदी सभा घराँ च इन्हौं खास-खास आसण चाहिन्दे,

मत्ती 6:1

“खबरदार हुई जवा! परमेशर चाँह, तिन्हां खरयां कम्मां रा लोकां रे सामणे दिखावा मता करदे नईतां तुहें अपणे पिता ते, सै जे स्वर्गा चा, तिसरा किछ बी ईनाम नीं पाई सकगे।”

मत्ती 6:16

“ताहली जे तुहें उपवास करो, तां तुहांरे मुँह कपटियां साई उदास नीं हुणे चाहिन्दे, काँह्भई सै अपणा मुँह बणाईने रखां ये, ताकि सै लोकां जो जतलाई सक्को भई अहें उपवास करी रायें। हऊँ तुहांजो सच्च बोलां भई सै अपणा ईनाम पाई बैट्ठे।

मत्ती 6:2

“इस खातर खबरदार ताहली जे तुहें किसी गरीबा जो दान दें, तां इसरा किसी माहणुये जो पता नीं चलो, तियां जे यहूदी सभा घरा च, कने गलियां च कपटी लोक होरीं ते प्रशंसा पाणे रे खातर कराँ ये। हऊँ तुहांजो सच्च बोलां भई तिन्हांजो लोकां ते इसरा पूरा ईनाम प्रशंसा ही मिलया।

मत्ती 9:38

इस खातर परमेशरा ने प्राथना करा कने पुच्छा भई सै अपणिया फसला जो कठेरने कने मेरा सन्देश सुनाणे खातर बौहत मजदूर भेज्जी दो, तियां जे खेता रा मालक अपणे खेता रिया फसला जो कठेरने खातर बौहत सारे मजदूर भेज्जां।”

मरकुस 11:25

कने ताहली जे कदीं तुहें खड़ीने प्राथना कराँ ये तां जे तुहांरे मना च किसी रिया तरफा ते कोई वरोध हो, तां तिस्सो माफ करा : इस खातर भई तुहांरा स्वर्गीय पिता बी तुहांरे पाप माफ करे।

मरकुस 12:38

ताहली जे यीशु तिन्हां लोकां जो उपदेश देई कराँ था, तां तिने तिन्हांजो गलाया, “यहूदी शास्त्रियां ते बचीने रौआ, सै जे लम्मे-लम्मे कपड़े पैहनीने घुमणा कने बज़ाराँ च लोकां ते ईज्जत पाणा पसन्द कराँ ये,

लूका 11:43

“ओ फरीसियो, तुहांजो बौहत भयानक सजा मिलणी! तुहें येढ़ा चाँये भई यहूदी सभा घराँ च खास आसण मिलो कने बज़ाराँ च आदरा सौगी नमस्कार।

लूका 18:1

यीशुये अपणे चेलयां जो इस बारे च दस्या भई अहांजो हर बगत प्राथना करने री जरूरत इ कने निराशा च पैईने हिम्मत नीं हारनी चाहिन्दी, फेरी तिन्हांजो ये उदाहरण गलाया :

लूका 18:13

पर तिने चुंगी लेणे औल़े माहणुये दूर खड़ा हुईने, स्वर्गा खौ देखणा बी नीं चाहया बजाय इसरे, सै अपणी छात्तिया पिटदे-पिटदे बड़ा दुखी हुईने बोलणे लगया, “हे परमेशर, माह पर दया कर, काँह्भई हऊँ पापी आ।

लूका 20:47

सै विधवां रा घर बार खाई जांये, कने दसणे खातर बड़िया देरा तक प्राथना करदे रैं, इस खातर इन्हौं बौहत भयानक सजा भुगतणे पौणी।”

लूका 6:24

यीशुये भीं ते गलाया, सै जे अमीर ये तिन्हांरे खातर कितणी भयानक सजा हूणी, काँह्भई सै इस संसारा च सुख पाई चुक्कीरे।

यूहन्ना 16:24

हूणा तक तुहें मेरा चेला हुणे रे नाते किछ नीं मंगया : परमेशरा ते मंगगे तां पांगे ताकि तुहांरी मौज पूरी हुईजो।

इफिसियां 6:18

कने तियां जे पवित्र आत्मा तुहांरी अगुवाई कराँ, तियां इ हर बगत कने सब प्रकारा रियां प्राथनां कने विनतियां करदे रौआ। इसा वजह ने जागदे रौआ कने सब पवित्र लोकां रे खातर लगातार प्राथना करदे रौआ।

1 थिस्सलुनीकियां 5:17

लगातार प्राथना करदे रौ।

याकूब 4:6

बुरियां इच्छां रा डटी ने मुकाबला करने रे खातर सै जादा ते जादा अनुग्रह देआं; तियां जे भई पवित्र शस्त्र बोलां, “परमेशर घमण्डियां रा बरोध कराँ, पर नम्र लोकां पर किरपा कराँ।”