मत्ती 6:4 - बिलासपुरी नौआं नियम

⁴ ताकि तेरा दान छुपीरा रौ, इसरा ये नतीजा हुया भई जो किछ तू छुपीने कराँ तिस्सो प्रभु अहांरा पिता बी देक्खां, तिस तिज्जो इसरा ईनाम देणा।”

मत्ती 6:4 ပူးပေါင်းရင်းမြစ်များ

मत्ती 10:42

कने जे कोई मेरे इन्हां भोल़े-भाल़े चेलयां चा ते किसी इक्की जो बी इस खातर इक गलास ठन्डे पाणिये रा देयो भई सै मेरा चेला, तां हऊँ तुहांजो सच्च बोलां भई तिस्सो इसरा ईनाम जरूर मिलणा।”

मत्ती 6:18

ताकि लोक ये नीं जाणे भई तू उपवास करीराँ, पर तेरा पिता तिस्सो जे तू देखी नीं सकदा, सै देक्खो भई तैं उपवास कित्तिरा। फेरी तेरा पिता सै जे तेरे छिपिने कित्तिरे सारयां कम्मां जो देक्खां, तिज्जो तिसरा ईनाम देंगा।”

मत्ती 6:3

पर ताहली जे तू गरीब माहणुये जो किछ देआं तां किसी जो बी इसा गल्ला रा पता नीं लगो भई तैं क्या दित्या।

मत्ती 6:6

पर ताहली जे तू प्राथना करो, तां अपणे कमरे च जा; कने दरवाजा बन्द करीने अपणे पिता ने सै जे गुप्त जगह चा प्राथना कर; फेरी तेरा पिता सै जे सब किछ यनि गुप्त च कित्तिरी प्राथना जो बी देक्खां, तिज्जो तिसरा ईनाम देंगा।

लूका 14:14

फेरी तिज्जो आशीष मिलणी भई तैं येढ़े लोकां जो सद्दया सै जे तेरा उधार बदला नीं करी सकदे। धर्मियां रे जिऊंदा हुणे पर तिज्जो इसरा फल़ मिलणा।”

लूका 8:17

सै जे किछ हूणा तक छुपीरा, सै इक दिन सामणे ल्याया जाणा, कने जो बी भेत आ सै सबनीं रे सामणे प्रगट कित्या जाणा।

1 कुरिन्थियों 4:5

इस खातर तदुआं तकौ जे प्रभु नीं आओ, बगता ते पैहले किसी गल्लां रा न्याय नीं करा, सैई अन्धेरे रियां छिपि रियां गल्लां जो लोई च दसगा, कने माहणुये रे दिला रियां गल्लां जो प्रगट करगा, तां तिस वगत हरेक माहणुये परमेशरा रिया तरफा ते अपणी प्रशंसा पाणी।

इब्रानियों 4:13

सृष्टिया री कोई बी चीज़ परमेशरा रिया नज़राँ ते छिपीरी नीं, पर तिसरे सामणे सारी चीजां खुल्ही कने प्रगट इ। कने अहें अपणी जिन्दगिया च जो किछ कित्तिरा तिसरा हिसाब अहांजो परमेशरा ले देणे पौणा।

यहूदा 1:24

परमेशर तुहांजो रुढ़णे ते बचाणे च सक्षम आ, सै तुहांजो निर्दोष कने आनन्द दायक बनाणे च सक्षम आ, ताहली जे सै तुहांजो अपणिया महिमा च तिसरे सामणे खड़ा हुणे खातर ल्यौआं। तिने अहांरे प्रभु यीशु मसीह रे जरिये अहांरा छुटकारा कित्तिरा। महिमा, गौरव, प्राक्रम कने अधिकार वगता रे शुरु ते तिसरा इ हाया कने हुण बी तिसरा इ हाया कने जुगां-जुगां तक तिसरा इ रैहणा। आमीन।

प्रकाशितवाक्य 2:23

मांह तिसारे बच्चयां जो मारी देणा; फेरी सारी कलीसियां ये जाणी लेणा भई दिल कने मना रा परखणे औल़ा हऊँ इ हाया; कने मांह तुहां चते हरेक जो तिसरयां कम्मां रे मुतावक ईनाम देणा।