मत्ती 6:2 - बिलासपुरी नौआं नियम

² “इस खातर खबरदार ताहली जे तुहें किसी गरीबा जो दान दें, तां इसरा किसी माहणुये जो पता नीं चलो, तियां जे यहूदी सभा घरा च, कने गलियां च कपटी लोक होरीं ते प्रशंसा पाणे रे खातर कराँ ये। हऊँ तुहांजो सच्च बोलां भई तिन्हांजो लोकां ते इसरा पूरा ईनाम प्रशंसा ही मिलया।

मत्ती 6:2 ပူးပေါင်းရင်းမြစ်များ

मत्ती 15:7

ओ कपटियो, तुहांरे बारे च यशायाह भविष्यवक्ते ठीक इ भविष्यवाणी कित्तिरी थी, तिने बोल्या था :

मत्ती 16:3

कने सूरज उगणे पर तुहें बोलां ये, ‘आज तूफान औणा, काँह्भई अकाश धुंधला कने लाल आ।’ तुहें अम्बरा रे लक्षणां जो पढ़ना जाणाँ ये, पर अपणे बगता रे लक्षणां जो नीं पढ़ी सकदे।

मत्ती 22:18

यीशु तिन्हारे बुरे इरादे जाणीने गलाया, “कपटियो, तुहें मिन्जो कजो परखणा चाँये?

मत्ती 23:5

सै अपणे सारे काम्म लोकां जो दसणे खातर कराँ ये: सै अपणे जंत्राँ कने चोल़े री झालराँ जो इस खातर बड्डे ते बड्डा करदे रैं ताकि लोक तिन्हांजो धर्मात्मा समझो।

मत्ती 23:6

धाम्मां च खास-खास जगह कने यहूदी सभा घराँ च इन्हौं खास-खास आसण चाहिन्दे,

मत्ती 24:51

कने तिसरे मालका तिस्सो बौहत-बुरी सजा देणी कने कपटियां रे बिच तिसरी जगह तैह करनी तिसा जगह जे लोक रोन्दे कने दान्द किरड़दे हुणे।”

मत्ती 5:18

काँह्भई हऊँ तुहांजो सच्च बोलां, भई तदुआं तक जे अकाश कने धरती टल़ी नीं जाओ, तदुआं तक व्यवस्था ते इक मात्रा या बिन्दु बी बिणा पूरा हुये नीं टल़णा।

मत्ती 6:16

“ताहली जे तुहें उपवास करो, तां तुहांरे मुँह कपटियां साई उदास नीं हुणे चाहिन्दे, काँह्भई सै अपणा मुँह बणाईने रखां ये, ताकि सै लोकां जो जतलाई सक्को भई अहें उपवास करी रायें। हऊँ तुहांजो सच्च बोलां भई सै अपणा ईनाम पाई बैट्ठे।

मत्ती 6:3

पर ताहली जे तू गरीब माहणुये जो किछ देआं तां किसी जो बी इसा गल्ला रा पता नीं लगो भई तैं क्या दित्या।

मत्ती 6:5

“ताहली जे तुहें प्राथना करो तां कपटियां साई मत करा, काँह्भई सै यहूदी सभा घराँ च कने सड़कां रे मोड़ां पर खड़ीने प्राथना करना चाँये ताकि लोक तिन्हांजो देखीने तिन्हांरी बडयाई करी सक्को। हऊँ तुहांजो सच्च बोलां भई तिन्हांजो इसरा ईनाम सैई बडयाई मिली।

मत्ती 7:5

अरे कपटी! पैहले तू अपणिया बुराईया जो अपणे अन्दरा ते निकाल़, फेरी तांई तू ठीक ढंगा ने देक्खी पांगा कने अपणे भाईये रिया कमियां जो दूर करी सकगा।

मरकुस 12:39

कने सै यहूदी सभा घरा च सब्बीं ते खास जगहां पर बैठणा पसन्द कराँ ये। धाम्मां च सै तिन्हां जगहां च बैठणा पसन्द कराँ ये तित्थी जे सब्बींते ईज्ज़तदार लोक बैट्ठां ये।

मरकुस 7:6

यीशुये तिन्हांजो जवाब दित्या, “यशायाह ठीक था ताहली जे तिने पवित्र शास्त्रा च तुहां साई पखण्डियां रे बारे च भविष्यवाणी कित्ती; तियां जे लिखिरा : “ ‘तुहें लोक मेरे बारे च बौहत अच्छा बोलां ए, पर तुहें हकीकत च माहने प्यार नीं करदे।

लूका 11:41

अपणिया अन्तरात्मा जो परमेशरा ने जोड़ा, बजाये इसरे भई तुहें बाहरा री सफाई करो।

लूका 11:43

“ओ फरीसियो, तुहांजो बौहत भयानक सजा मिलणी! तुहें येढ़ा चाँये भई यहूदी सभा घराँ च खास आसण मिलो कने बज़ाराँ च आदरा सौगी नमस्कार।

लूका 12:33

अपणी संपत्ति बेच्चीने गरीबां च बंडी दे; कने अपणे खातर येढ़े बटुये बणावा, सै जे पुराणे नीं हुन्दे, यनिके स्वर्गा च येढ़ा धन कट्ठा करा सै जे घटदा नींआ कने तिसरे नेड़े चोर नीं जान्दा, कने कीड़ा नीं बगाड़दा।

लूका 12:56

कपटियो, तुहें धरतिया कने अम्बरा रे रंग रुपा च फर्क देक्खी सक्कां ये, पर इस जुगा च परमेशर क्या करया रां इसरा बखान करना नीं जाणदे?

लूका 13:15

पर येढ़ा सुणीने प्रभु यीशुये जबाब दित्या, “कपटियो! क्या तुहां चाते सारे इ विस्राम रे दिन काम्म नीं कराँ ये! क्या तुहें इस दिन अपणे बच्छुआं या गधे जो खुण्डा ते छड्डिने पाणी प्याणे नीं लेई जान्दे?

लूका 20:46

“शास्त्रियां ते बचीने रौआ, इन्हौं लम्मे-लम्मे चोल़े पैहनीने घुमणा खरा लगां, कने इन्हौं बज़ाराँ च नमस्कार, कने यहूदी सभा घराँ च खास आसण, कने धाम्मां च खास जगह प्यारे लगां ये।

लूका 6:24

यीशुये भीं ते गलाया, सै जे अमीर ये तिन्हांरे खातर कितणी भयानक सजा हूणी, काँह्भई सै इस संसारा च सुख पाई चुक्कीरे।

लूका 6:42

कने तां जे तू अपणे इ अन्दरा री बुराई नीं देखदा, तां तू अपणे भाईये जो कियां बोल्ली सक्कां, भई ल्या भाई, हऊँ तेरिया कमियां जो दूर करी दूँ अरे कपटी, पैहले तू अपणिया बुराईया जो अपणे अन्दरा ते निकाल़? फेरी तांई तू ठीक ढंगा ने देक्खी पांगा कने अपणे भाईये रिया कमियां जो दूर करी सकगा।

यूहन्ना 13:29

कईयें सोचया भई पैसयां री थैली सै जे यहूदा लेई इस खातर यीशुये तिस्सो बोल्या भई त्योहारा खातर समान खरीदी ले, या भई गरीबां जो किछ दई दे।

यूहन्ना 5:41

हऊँ माहणुआं ते आदर नीं चाहन्दा।

यूहन्ना 5:44

तुहें माह पर विश्वास नीं करी सक्कां ये, काँह्भई तुहें त अप्पूँ बाटियें इक दुज्जे ते आदर लेणा पसन्द कराँ ये, कने तुहें इकमात्र परमेशरा ते तारीफ पाणे री कोशिश नीं करदे।

यूहन्ना 7:18

सै जे अपणिया तरफा ते बोलां, सै अपणी बडयाई करवाणा चाँह; पर सै जे अपणे भेजणे औल़े री बडयाई चांह सैई सच्चा माहणु आ, कने तिसच कोई खोट निआं।

प्रेरितां 10:2

सै परमेशरा ते डरने औल़ा माहणु था, कने अपणे सारे घराने समेत परमेशरा ते डराँ था, सै गरीब यहूदी लोकां जो बौहत दान देआं था कने परमेशरा ने बौहत प्राथना कराँ था।

प्रेरितां 10:31

कने बोलणे लगया, ‘कुरनेलियुस, तेरी प्राथना सुणीलरी कने तेरे दान परमेशरा रे सामणे याद कित्ते गईरे।

प्रेरितां 10:4

तिने बड़िया गौरा ने स्वर्गदूता जो देख्या कने डरदे हुये गलाया, “प्रभु जी,” तुहें क्या चाँये “तेरी प्राथना कने तेरे दान यादगारा रे तौरा पर परमेशरा रे सामणे पुज्जी गरे;

प्रेरितां 11:29

तां चेलयां ये फैसला कित्या भई सब अपणे-अपणे धना रे मुतावक यहूदिया प्रदेशा च रैहणे औल़े मसीह विश्वासिया रे खातर अपणिया सामर्थय रे मुतावक सहायता करें।

प्रेरितां 24:17

“बौहत साल्लां बाद अपणयां गरीब लोकां जो उपहार देणे, कने परमेशरा जो भेंट चढ़ाणे यरूशलेम नगरा च आया था।

प्रेरितां 9:36

याफा नगरा च तबीता नामक विश्वासी थी। यूनानी भाषा च तिसारा नौं दोरकास था। सै बौहत सारे भले-भले काम्म कने मदद कराँ थी।

रोमियो 12:8

जे तुहांरा बरदान हौंसला देणे औल़ा ओ, तां तिस्सो हौंसला देन्दे रैहणा चाहिन्दा; जे किसी जो दान देणे रा बरदान मिलीरा, तां तिस्सो खुले दिला ने दान देणा चाहिन्दा; जे किसी जो अगुवाई करने रा बरदान मिलां, तां सै जोशा ने अगुवाई करे; सै जे दया करो, सै खुशिया ने करो।

1 कुरिन्थियों 13:3

जे हऊँ अपणी सारी दौलत गरीबां जो ख्वाई दूँ या अपणा शरीर फुकणे जो दई दूँ, कने प्यार नीं रखूं, तां मिन्जो किछ फायदा निआं।

गलातियां 2:10

तिन्हें अहांने बस येई विनती कित्ती भई अहें यरूशलेम च रैहणे औल़े गरीब विश्वासियां री मदद करिये, कने येई आ सै जे हऊँ करना चाँह था।

इफिसियां 4:28

सै जे चोरी करदा आया, सै इसते बाद चोरी नीं करो, बल्कि तिस्सो काम्म करना चाहिन्दा, खुद अपणे हत्थां ने मेहणत करा, ताकि तिसले तिस्सो जे जरूरत इ, तिस सौगी बंडणे जो किछ हुई सक्को।

1 थिस्सलुनीकियां 2:6

कने अहें मसीह रे प्रेरित हुणे रिया वजह ने तुहां पर बोझ पाई सक्कां थे, फेरी बी अहें माहणुआं ते आदर नीं चाहन्दे थे, कने न तुहांते, न किसी होरी ते।

1 तिमुथियुस 6:18

तिन्हांजो भले काम्म करने खातर हुक्म दे कने सै बौहत भले काम्म करो, कने उदारता पूर्वक दान देईने दुज्यां री मद्‌द करने जो त्यार रौ।

फिलेमोन 1:7

अरे साथी विश्वासी, दुज्यां लोकां रे प्रति तेरे प्यारा रिया वजह ते हऊँ बौहत खुश आ कने मिन्जो बड़ी हिम्मत मिली, काँह्भई तैं परमेशरा रे लोकां जो बौहत खुश कित्या।

इब्रानियों 13:16

भलाई करना कने इक्की दूये री मदद करना नीं भूल्लो, काँह्भई परमेशर येढ़े बलिदान्नां ते खुश हुआं।

1 पतरस 4:11

तिस्सो जे प्रचार करने रा बरदान मिलीरा तिसजो परमेशरा रा सन्देश प्रचार करना चाहिन्दा। जे तुहांजो दुज्यां री सेवा करने रा बरदान मिलीरा, तां परमेशरा ते पाई रिया सारिया शक्तिया ने ये करा। ताकि सारियां गल्लां च यीशु मसीह रे जरिये परमेशरा री महिमा हो। सारी महिमा कने सामर्थ जुगां-जुगां तक तिसरी इ हाई। आमीन।