मत्ती 5:7 - बिलासपुरी नौआं नियम

⁷ परमेशर तिन्हां लोकां जो आशीष देआं, सै जे दयालु ये, काँह्भई परमेशरा तिन्हां पर दया करनी।

मत्ती 5:7 ပူးပေါင်းရင်းမြစ်များ

मरकुस 11:25

कने ताहली जे कदीं तुहें खड़ीने प्राथना कराँ ये तां जे तुहांरे मना च किसी रिया तरफा ते कोई वरोध हो, तां तिस्सो माफ करा : इस खातर भई तुहांरा स्वर्गीय पिता बी तुहांरे पाप माफ करे।

लूका 6:35

बल्कि अपणयां दुश्मणां ने प्यार रखा, कने तिन्हांरी भलाई करा, कने वापस लेणे री आशा न रखीने उधार देआ; कने तुहां खातर बड्डा ईनाम हूणा; कने तुहें परमप्रधान रे बच्चयां हूणा, काँह्भई सै तिन्हां पर बी सै जे धन्यवाद नीं करदे, कने बुरयां पर बी मेहरवानी कराँ ये।

रोमियो 11:30

काँह्भई तियां जे तुहें लोक पैहले कदीं परमेशरा रा हुक्म नीं मनदे थे, पर हुण इस्रायली लोकां रे हुक्म नीं मनणे रिया वजह ते परमेशरा री दया तुहां पर हुईरी; काँह्भई तुहां पर दया हुईरी, तां तिन्हां पर बी दया हूणी,

1 कुरिन्थियों 7:25

क्वारियाँ रे बारे च सै स्वाल जे तुहें पुच्छया था तिसरा जबाब हऊँ देणा चांह: प्रभुये रिया तरफा ते कोई हुक्म मिन्जो नीं मिलया, पर प्रभुये रिया दया ते बफादार हुणे रे नाते हऊँ अपणी राय देआं।

2 कुरिन्थियों 4:1

काँह्भई परमेशरा रिया दया ते तिसरे वचना रा प्रचार करने री सेवा अहांजो मिली, इस खातर अहें निराश नीं हुन्दे।

इफिसियां 4:32

अप्पूँ चियें इक्की दुज्जे रे प्रति दयालु कने करुणावान बणा कने अप्पूँ चियें इक्की दूये रे अपराधां जो तियां इ माफ करा तियां जे मसीह रे जरिये तुहांजो परमेशरे बी माफ कित्या।

कुलुस्सियां 3:12

काँह्भई तुहें परमेशरा रे चुणीरे पवित्र कने प्यारे लोक ये इस खातर सहानुभूति रखणे औल़े, दया करने औल़े, नरम दिल, तसल्ली रखणे औल़े कने नम्र बणा।

1 तिमुथियुस 1:13

हलाँकि हऊँ त पैहले मसीह री निंध्या करने औल़ा, विश्वासियां जो सताणे औल़ा, कने निर्दयी माहणु था; तां बी मसीह माह पर दया कित्ती, काँह्भई मैं अनजाणे च कने अविश्वावासा रिया वजह ने ये काम्म कित्ते थे।

1 तिमुथियुस 1:16

पर माह पर इस खातर दया हुई भई मुझ सब ते बड़े पापिये च यीशु मसीह अपणी पूरी सहनशीलता दस्सो, भई सै जे लोक तिस पर अनन्त जीवना खातर विश्वास करगे तिन्हां खातर हऊँ इक आर्दश बणुँ।

इब्रानियों 4:16

इस खातर औआ, अहें हौंसले सौगी परमेशरा रे सामणे चलिये सै जे लोकां पर अनुग्रह कराँ। फेरी अहां पर परमेशरा दया कने अनुग्रह करना कने अहांरी जरूरतां रे वगत तिस अहांरी मदद करनी।

इब्रानियों 6:10

काँह्भई परमेशर अन्याई निआं भई तुहांरे काम्म, कने तिस प्यारा जो भुल्ली जाओ, सै जे तुहें तिसरे लोकां री मदद करने रे जरिये तिसरे खातर दस्या। कने परमेशर याद करगा भई तुहें हुण बी लोकां री मदद करया राँये।

याकूब 2:13

इस खातर जे तुहें दुज्यां पर दया नीं करदे, तुहां पर बी दया नीं किति जाणी; जे तुहें दुज्यां रे प्रति दयालु रै, तां परमेशरा तुहांरे खातर बी दयालु रैहणा ताहली जे तिस न्याय करना।

याकूब 3:17

पर सै ज्ञान जे परमेशरा रिया तरफा ते औंआं सै पवित्र, मिलणसार, कोमल, दुज्जेयां रे अधीन रैहणे औल़ा। ये दया कने खरयां कम्मां ने भरीरा, इसच कदीं पक्षपात नींआ, कने हमेशा ईमानदार होता है।

1 पतरस 2:10

पैहले तुहें परमेशरा रे लोक नीं थे, पर हुण तुहें परमेशरा रे लोक ये। पैहले तुहां पर परमेशरा री दया नीं हुईरी थी, पर हुण हुईरी।