मत्ती 5:6 - बिलासपुरी नौआं नियम

⁶ परमेशर तिन्हां लोकां जो आशीष देआं, सै जे सच्चाईया ने तियां जीणे री इच्छा रक्खां ये, तियां जे कोई भुक्खा रे वगत खाणे पीणे री इच्छा रक्खां, काँह्भई तिन्हौं परमेशर सच्चाईया ने जीणे रे लायक बणां।

मत्ती 5:6 ပူးပေါင်းရင်းမြစ်များ

लूका 1:53

तिन्हे भूख्यां जो बधिया रोटी ख्वाईने रजाया कने सेठां जो खाली हत्थ बाहर कड्डया।

लूका 6:21

परमेशर तिन्हां लोकां जो आशीष देआं, जो परमेशर चाँह, तिसजो सै लोक, सै जे ईमानदारिया ने ग्रहण करने री इच्छा रक्खां ये; काँह्भई तिन्हौ तिस तृप्त हुणे तक हरेक चीज़ देणी। परमेशर तिन्हां लोकां जो आशीष देआं, सै जे हुण रोया दे ओ, काँह्भई येढ़ा बगत औणा ताहली जे तुहां खुश हुईने हसणा।

लूका 6:25

हुण जे तुहें तृप्त ये, तां तिन्हांरे खातर कितणी भयानक सजा हूणी, काँह्भई तुहां भुख्यां रैहणा। हुण जे तुहें खुश ये, तां तुहांरे खातर कितणी भयानक सजा हूणी, काँह्भई तुहां दुख मनाणा कने रोणा।

यूहन्ना 4:14

पर सै जे कोई तिस पाणिये जो पींगे, सै जे माह तिस्सो देणा, तिस फेरी कदीं प्यासे नीं रैहणां; बल्कि सै पाणी जे हऊँ तिस्सो देंगा, सै तिसच इक पाणिये रा सोता बणी जाणा सै जे तिस्सो अनन्त जीवन देंगा।”

यूहन्ना 6:27

तिसा रोटिया खातर मेहणत नीं करा सै जे सड़ी जाईं, पर तिसा खातर मेहणत करा सै जे अनन्त जीवन देआं, सै जे माहणुये रे पुत्रा यनि मांह तुहांजो देणी; काँह्भई पिता यनि परमेशरे मिन्जो इ अधिकार दित्तिरा।”

यूहन्ना 7:37

फेरी त्योहारा रे खत्म हुणे औल़े दिन, सै जे खास दिन आ, यीशु उट्ठया कने जोरा ने गलाया, “जे कोई प्यासा ओ तां मेरले आईने पीओ।

प्रकाशितवाक्य 7:16

फेरी सै कदीं भुक्खे कने प्यासे नीं हुणे; सूरज कदीं तिन्हाजो जल़ाई नीं पांगा, कने नां कोई भयंकर गर्मी।