मत्ती 5:5 - बिलासपुरी नौआं नियम

⁵ परमेशर तिन्हां लोकां जो आशीष देआं, सै जे नम्र ये, काँह्भई परमेशरा अपणे वायदे रे मुतावक इसा धरतिया पर तिन्हांजो सारियां आशीषां देणियां।

मत्ती 5:5 ပူးပေါင်းရင်းမြစ်များ

मत्ती 11:29

मेरे अधीन हुई जवा तियां जे बैल जुंगड़े रे थल्ले रैयां कने मेरियां शिक्षां ते सीख लौआ, काँह्भई हऊँ आम माहणु आ कने मना रा नम्र आ: तुहांजो बी अपणे मना च सुख-चैन मिलणा।

मत्ती 21:5

“यरूशलेम रे लोकां ने बोल्ला, ‘देख! तेरा राजा तेरले आई कराँ; सै नम्र आ, कने गधे पर स्वार आ; हाँ गधिया रे बच्चे पर सै जे इक मजदूरा रे पशुये रा बच्चा।’ ”

रोमियो 4:13

ताहली जे परमेशरे ये वायदा अब्राहम कने तिसरे वंशां ने कित्या था भई तिस तिन्हांजो ये संसार देणा। ये वायदा इस खातर नीं कित्या गया था भई अब्राहमे व्यवस्था रा पालन कित्या था, वल्कि परमेशरा पर तिसरे विश्वासा रिया वजह ने सै धर्मी गिणया गया।

गलातियां 5:23

नम्रता कने आत्म संयम आ। येढ़ियां गल्लां रे बरोधा च कोई व्यवस्था नीं।

इफिसियां 4:2

हमेशा नम्रता कने कोमलता सौगी, धैर्यपूर्वक व्यवहार करा, इक्की दूये जो प्यारा ने सैहन्दे रौआ।

कुलुस्सियां 3:12

काँह्भई तुहें परमेशरा रे चुणीरे पवित्र कने प्यारे लोक ये इस खातर सहानुभूति रखणे औल़े, दया करने औल़े, नरम दिल, तसल्ली रखणे औल़े कने नम्र बणा।

1 तिमुथियुस 6:11

पर अरे परमेशरा रे माहणु तिमुथियुस, तू इन्हां गल्लां ते दूर हुई जा, कने सै जे सही आ तिसजो करने री हरेक कोशिश कर, कने परमेशर तेढ़ा जे चांह तू तियां बर्ताव कर, मसीह पर विश्वास कर, दुज्यां लोकां ने प्यार कर, मुशीवतां जो सैई लै कने लोकां सौगी गुस्सा नीं कर।

2 तिमुथियुस 2:25

तिस्सो अपणे बरोधियां जो बी इसा आशा ने विनम्रता सौगी समझाणा चाहिन्दा भई परमेशरा तिन्हांरे मना जो बदलने च कने मसीह री सही शिक्षां जो बी जाणने च मदद करनी।

तीतुस 3:2

किसी जो बदनाम नीं करो, झगड़ने औल़े नीं बणो; पर दुज्यां लोकां रे प्रति दयालु हो, कने सब्बीं माहणुआं ने बड़िया नम्रता सौगी रौ।

याकूब 1:21

इस खातर तुहांरे जीवना च सै जे गन्दगी कने बुराई, तिन्हांजो दूर करीने तुहांरे मनां च सै जे परमेशरा रा वचन बाहीरा तिसजो नम्र हुईने ग्रहण करदे जावा; सै जे तुहांरे प्राणा जो बचाई सक्कां।

याकूब 3:13

भला तुहां च ज्ञानी कने समझदार कुण आ? सै जे हाया, तिस्सो अपणे व्यवहारा ने ये दसणा चाहिन्दा भई तिसरे काम्म तिसा नम्रता ने कित्ते गईरे सै जे ज्ञाना ने जुड़ीरे।

1 पतरस 3:15

बल्कि मसीह जो अपणी जिन्दगिया रा प्रभु जाणीने आदर करा। जे कोई तुहांते तुहांरिया आशा रे बारे च पुछो, तां तिस्सो जबाब देणे रे खातर हमेशा त्यार रौआ, पर बिनम्र कने आदरा ने ये करा;

1 पतरस 3:4

बल्कि तुहांरी सुन्दरता तुहांरिया अन्तरात्मा पर निर्भर हूणी चाहिन्दी यनि नम्रता कने शाँत स्वभाव सै जे कदीं नाश नीं हूणा, परमेशरा रिया नज़राँ च बौहत कीमती आ।