मत्ती 5:4 - बिलासपुरी नौआं नियम

⁴ परमेशर तिन्हां लोकां जो आशीष देआं, सै जे दुख मनायें, काँह्भई परमेशर तिन्हांजो तसल्ली देआं।

मत्ती 5:4 ပူးပေါင်းရင်းမြစ်များ

लूका 16:25

पर अब्राहमे तिसजो गलाया, मेरे पुत्र, याद कर, भई तू अपणी पूरी जिन्दगिया च खरी चिज़ां पाई चुक्कीरा, कने तियां इ लाजरे बुरियां चिज़ां पाईयां: पर हुण सै येत्थी सुखी आ कने तू दुख सही कराँ।

लूका 6:21

परमेशर तिन्हां लोकां जो आशीष देआं, जो परमेशर चाँह, तिसजो सै लोक, सै जे ईमानदारिया ने ग्रहण करने री इच्छा रक्खां ये; काँह्भई तिन्हौ तिस तृप्त हुणे तक हरेक चीज़ देणी। परमेशर तिन्हां लोकां जो आशीष देआं, सै जे हुण रोया दे ओ, काँह्भई येढ़ा बगत औणा ताहली जे तुहां खुश हुईने हसणा।

लूका 6:25

हुण जे तुहें तृप्त ये, तां तिन्हांरे खातर कितणी भयानक सजा हूणी, काँह्भई तुहां भुख्यां रैहणा। हुण जे तुहें खुश ये, तां तुहांरे खातर कितणी भयानक सजा हूणी, काँह्भई तुहां दुख मनाणा कने रोणा।

लूका 7:38

कने तिसरे पैराँ ले, पिच्छे खढ़ी हुईने, रोन्दी हुई तिसरे पैराँ जो आक्खीं रे परौल़यां ने सेड़ने कने सिरा रे बाल़ां ने साफ करने लगी, कने तिसरे पैराँ जो बार-बार चुम्मीने तिन्हां पर इत्र मल़या। तैं मेरे सिरा पर तेल नीं मल़या; पर इसे मेरे पैराँ पर इत्र मल़या।

लूका 7:50

यीशुये तिसा जनाना ने गलाया, “परमेशरे तिज्जो बचाईल्या, काँह्भई तैं माह पर विश्वास कित्या, इस खातर बेफिक्र हुईने जा।”

याकूब 1:12

परमेशर तिसजो आशीष देआं सै जे मुशिबतां च अटल रैयां काँह्भई परीक्षां च खरा उतरने ते बाद तिस अनन्त जीवना रा मुकट पैहनणा, तिस्सो जे परमेशरे अपणे प्यार करने औल़यां जो देणे रा वायदा कित्तिरा।

प्रकाशितवाक्य 21:4

कने तिस तिन्हांरियां आक्खीं ते सारे आंसु पुंजी देणे; इसते बाद मौत नीं रैहणी, कने नां दुख, नां वलाप, नां पीड़ा रैहणी; काँह्भई पुराणियां गल्लां बीती गियां।”