मत्ती 5:30 - बिलासपुरी नौआं नियम

³⁰ तियां इ तियां जे भई तुहें इक हात्थ बड्डया रांये सै जे तुहांरा पाप करने री वजह बणां। जे तुहें स्वर्गा जो जांये, भले इ तुहांले सिर्फ इक हात्थ हो, सै बधिया। पर तुहांले दो हात्थ हो कने तुहें नरका च जाओ, तां सै बुरा।”

मत्ती 5:30 ပူးပေါင်းရင်းမြစ်များ

मत्ती 11:6

कने परमेशर तिन्हांजो आशीष देआं, सै जे माह पर विश्वास करना नीं छडदा।”

मत्ती 13:21

पर वचन तिन्हांरे दिलां री गहराईया तक नीं जान्दा, सै सिर्फ किछ वगता खातर विश्वास कराँ ये। सै तिन्हां बुटयां साई हुआं ये तिन्हांरियां जड़ां जे डुग्गियां नीं हुन्दियां; ताहली जे कोई दुज्जा तिन्हां सौगी बुरा बर्ताव करो या परमेशरा रे बचना पर विश्चास करने रिया वजह ने तिन्हांजो परेशान करो, तां सै लोक परेशान हुईने इकदम बचना पर विश्वास करना छड्डी दें।

मत्ती 16:23

यीशु तिसरी तरफ मुड़या कने गलाया, “पतरस, मेरे रस्ते ते हटि जा! अरे शैतान! तू मेरे खातर इक अड़चन ई: काँह्भई तू परमेशरा साई नीं, पर माहणुआं साई सोच्चां।”

मत्ती 17:27

पर अहां रिया बजह ने सै लोक नराज नीं हो इस खातर नदिया पर जा कने अपणा कांटा पाणिये च पा कने फेरी सै जे पैहली मच्छी निकल़ो, तिसारा मुँह खोल्यां तिज्जो इक चान्दिया रा सिक्का मिलणा, तिसजो लेईने मेरा कने अपणा कर चुकाई देआं।”

मत्ती 18:8

इस खातर पाप करने रिया हरेक वजह जो दूर करा! इसजो पूरे तरिके ने अस्वीकार करा तियां जे भई तुहें इक पैर बड्डया रांये सै जे तुहांरा पाप करने री वजह बणां। जे तुहें स्वर्गा जो जांये, भले इ तुहांले सिर्फ इक हात्थ हो, सै बधिया। पर तुहांले दो पैर हो कने तुहें नरका च जाओ, तां सै बुरा।

मत्ती 22:13

फेरी राजे अपणे सेबकां जो गलाया, ‘इसरे हात्थ-पैर बन्हीने बाहर अन्धेरे च सट्टि दवा, तित्थी लोक रोन्दे कने दन्द किरड़दे हो।’

मत्ती 25:20

तिस्सो जे सोने रे सिक्कयां रियां पांज्ज थैलियां मिलियां थी, तिने सोने रे सिक्कयां री पांज्ज थैलियां होर लेईने बोल्या, मालिक, तुहें मिन्जो पांज्ज थैलियां सोने रे सिक्कयां री दित्ति थी, देक्खा, मैं पांज्ज थैलियां सोने रे सिक्कयां रियां होर कमाईयां।

मत्ती 26:31

फेरी यीशुये तिन्हांने गलाया, “आज्ज राति जो तुहां सारयां रा माह परा ते विश्वास टुटी जाणा, काँह्भई पवित्रशास्त्रा च लिखिरा : माह चरवाहा मारना, कने भेड्डां बिखरी जाणियां।

मत्ती 5:22

पर हऊँ तुहांजो बोलां, भई सै माहणु जे अपणे भाईये पर गुस्सा कराँ, तिसरा परमेशरा न्याय करना, कने सै जे कोई अपणे भाईये जो निकम्मा समझीने तिसरी बेज्जति करगा तिस्सो बड्डिया सभा च परमेशरा बौहत भयानक सजा देणी; कने जे कोई अपणे भाईये जो ‘अरे मूर्ख!’ करीने बोल्लो सै नरका रिया अग्गी च सजा रा हकदार हूणा।

मत्ती 5:29

पाप करने रिया हरेक वजह जो दूर करा! इसजो पूरे तरिके ने अस्वीकार करा। काणा हुईने तेरा स्वर्गा जो जाणा बौहत अच्छा, बजाये इसरे भई तेरियां दो आक्खीं हुन्दे हुये तिज्जो नरका रिया तिसा अग्गी च पाया जाओ सै जे कदीं मनी बुझणी।

मरकुस 9:43

पाप करने रिया हरेक वजह जो दूर करा! इसजो पूरे तरिके ने अस्वीकार करा तियां जे भई तुहें इक हात्थ बड्डया रांये सै जे तुहांरा पाप करने री वजह बणां। जे तुहें स्वर्गा जो जांये, भले इ तुहांले सिर्फ इक हात्थ हो, सै बधिया। पर तुहांले दो हात्थ हो कने तुहें नरका च जाओ, तां सै बुरा।

लूका 12:5

पर हऊँ तुहांजो दस्सां, भई परमेशरा ते डरा तिसले जे लोकां जो मारने कने तिन्हाजो नरका च पाणे री बी समरथ्या इ।

लूका 17:2

सै जे कोई माह पर विश्वास करने औल़यां चते इक्की जो बी पाप करने पर मजबूर करो, तां तिसरे खातर ये बौहत सजा हुई सक्कां इ भई इक घराटा रा बाट्ट तिसरे गल़े ने बन्हीने समुद्रा च सट्टि दो पर परमेशरा तिसजो इसते बी बौहत भयानक सजा देणी।

रोमियो 9:33

तियां जे पवित्रशास्त्रा च लिखिरा, “ध्याना ने सुणा, हऊँ यरूशलेम च इक पत्थर रखां तिसते जे लोकां जो ठोकर लगणी कने सै गिरने, पर सै जे कोई तिस पर विश्वास कराँ सै कदीं शर्मिन्दा नीं हूणा।”

1 कुरिन्थियों 8:13

इस खातर जे मेरी रोटी मेरे साथी विश्वासिये खातर पापा री वजह बणो, तां फेरी मांह कदीं माँस नीं खाणा, ताकि हऊँ अपणे साथी विश्वासिये खातर पापा री वजह नीं बणुँ।

गलातियां 5:11

पर मेरे साथी विश्वासियो, जे हऊँ हुण तक खतने रा प्रचार करदा, तां मिन्जो हुण तक सताया नीं जान्दा, जे हुण तक हऊँ मसीह रे क्रूसा ते इलावा खतने रिया जरूरता रा प्रचार करदा हुन्दा, तां हऊँ यहूदियां जो नराज नीं करदा।

1 पतरस 2:8

कने पवित्रशास्त्र बी बोलां, “येई पत्थर आ तिसते जे लोकां जो ठोकर लगां इ कने चट्टान तिन्हांजो थल्ले सट्टां इ।” तिन्हांजो ठोकर लगां इ, काँह्भई सै परमेशरा रे सन्देशा पर विश्वास नीं करदे, तिन्हांरे खातर ये परमेशरे तैह कित्या था।