मत्ती 5:26 - बिलासपुरी नौआं नियम

²⁶ हऊँ तेरने सच्च बोलां भई तदुआं तक जे तू तिस सब किजि रा भुगतान नीं करी दो, सै जे तूह पर बाकया रैईरा, तदुआं तक तू जेलखान्ने ते कदीं नीं निकल़णा।”

मत्ती 5:26 ပူးပေါင်းရင်းမြစ်များ

मत्ती 10:29

चिड़ियां रे बारे च सोच्चा, इन्हांरी कीमत इतणी घट इ भई इक्की पैसे च दो खरीदी जाई सक्कां इयां, फेरी बी परमेशरा रिया मर्जिया बगैर तिन्हां बिच्चा ते इक बी नीं मरी सकदी, काँह्भई सै सब किछ जाणाँ।

मत्ती 18:34

कने तिसरे मालके गुस्से च आईने तिस्सो सजा देणे औल़े रे हत्था च सौंपीत्या, भई तदुआं तक जे सै सारा कर्जा बापस नीं करी दो, तदुआं तक तिन्हांरे हत्थां च रौ।

मत्ती 25:41

“फेरी तिस अपणे सज्जे पासे औल़यां ने बोलणा, शापित लोको, मेरला ते चली जावा, कने सै आग्ग जे परमेशरे शैतान कने तिसरे दूतां खातर त्यार कित्तिरी, तिसा अनन्त अग्गी च जाईने पौआ।

मत्ती 25:46

फेरी इन्हां बुरयां लोकां अनन्त काल री सजा भुगतणी कने धर्मी लोकां अनन्त काल री जिन्दगी पाणी।”

मरकुस 12:42

इतणे च इक गरीब विधवे आईने ताँबे रे दो छोट्टे सिक्के (दमड़ियाँ), सै जे इक्की धेले रे बराबर हुआं इयां, पाईयां।

लूका 12:58

ताहली जे तू अपणे दुशमणा ने सौगी हाकिमा ले जायादा ओ तां रस्ते ची तिसने समझौता करने रा जतन करी लै येढ़ा नीं ओ, भई सै तिज्जो जज्जा रे सामणे खिंजी ने लेई जाओ कने जज तिज्जो जेलरा रे हत्था च सौंपी दो। कने जेलर तिज्जो जेल्ला च बंद करी दो।

लूका 12:59

हऊँ तुहां बोलां भई तदुआं तक जे तू पाई-पाई चुकाई नीं देंगा तदुआं तक तित्थीते छुट्टी नीं पाणा।”

लूका 16:26

कने इन सारी गल्लां जो छड्ड अहांरे कने तुहांरे बिच इक बड्डी कने डुग्गी खाई बणीरी भई सै जे कोई येत्थीते उस पार तुहांले जाणा चाओ, सै जाई नीं सक्को, कने न कोई ओत्थी ते इस पार अहांले आई सक्को।

2 थिस्सलुनीकियां 1:9

सै प्रभुये रिया मौजूदगिया ते हमेशा खातर लग हुई जाणे कने तिसरिया तेजोमय सामर्था च भागी नीं हुणे, कने तिस तिन्हांजो अनन्त विनाशा री सजा देणी।

याकूब 2:13

इस खातर जे तुहें दुज्यां पर दया नीं करदे, तुहां पर बी दया नीं किति जाणी; जे तुहें दुज्यां रे प्रति दयालु रै, तां परमेशरा तुहांरे खातर बी दयालु रैहणा ताहली जे तिस न्याय करना।