मत्ती 5:19 - बिलासपुरी नौआं नियम

¹⁹ इस खातर सै जे कोई छोट्टयां ते छोट्टयां हुक्मां चते किसी इक्की जो तोड़ो, कने लोकां जो बी तेढ़ा इ करना सखाओ, सै स्वर्गा रे राज्जा च सबनीं ते छोट्टा हूणा; पर सै जे कोई तिन्हां हुक्मां रा पालन करगा कने तिन्हौ सखांगा, सै माहणु स्वर्गा रे राज्जा च महान समझया जाणा।

मत्ती 5:19 ပူးပေါင်းရင်းမြစ်များ

मत्ती 11:11

“हऊँ तुहांजो सच्च बोलां, जितने बी माहणु संसारा च रैईरे तिन्हां चते बपतिस्मा देणे औल़े यूहन्ने ते महान कोई माहणु पैदा नीं हुया; फेरी भीं स्वर्गा रे राज्जा च छोट्टे ते छोट्टा माहणु बी यूहन्ने ते महान आ।

मत्ती 19:28

यीशुये तिन्हांने गलाया, हऊँ तुहां लोकां ने सच्च बोलां भई नौंये जुगा च ताहली जे माहणुये रा पुत्र अपणे प्रतापी संघासणा पर बिराजमान हूणा, तां तुहां बी सै जे मेरे पिच्छे आईरे, बारा संघासणां पर बैठीने इस्राएल रे बारा गोत्राँ रा न्याय करना।

मत्ती 20:26

पर तुहां च येढ़ा नीं हूणा; बल्कि तुहां च सै जे महान बणना चाँह सै तुहांरा सेवक बणो;

मत्ती 28:20

कने तिन्हांजो ये सारी गल्लां सै जे मैं तुहांजो आज्ञा दित्तिरी, मनणा सखाओ; कने याद रखा, हऊँ संसारा रे अन्ता तक सदा तुहांरिया सौगी आ।”

लूका 1:15

तिस परमेशरा रे खातर खास काम्म करना। तिस कदीं बी अंगूरां रा रस कने कोई नशीली चीज़ नीं पीणी; कने तिस अपणी मौआ रे गर्भा ची पवित्र आत्मा ते भरी जाणा।

लूका 11:42

“पर फरीसियो, तुहांजो बौहत भयानक सजा मिलणी! तुहें अपणी छोट्टी ते छोट्टी कमाईया रा यनि सौंफ, जीरा, कने पुदीने रा बी दसवां हिस्सा देणा नीं भुलदे, पर तुहें न्याय कने परमेशरा रे प्यारा जो भुल्ली जायें। ये ठीक आ भई तुहें दशमांश दें, पर सै जे इसते बी जरूरी गल्ल इ, तुहें तिसजो बी करना नीं भूल्लो।

लूका 9:48

फेरी तिन्हांने बोल्या, “सै जे कोई मेरे नौआं ते इस बच्चे जो ग्रहण कराँ, सै मिन्जो ग्रहण कराँ; कने सै जे कोई मिन्जो ग्रहण कराँ, सै मेरे भेजणे औल़े जो ग्रहण कराँ, काँह्भई ये सै आ सै जे तुहां च सबनी ते छोट्टा, सैई महान आ।”

प्रेरितां 1:1

आदरणीय थियूफिलुस जी, मैं अपणी पैहली कताब तिन्हां सब्बीं गल्लां रे बारे च लिखी तिन्हांजो जे यीशु शुरु ते करदा कने सखांदा रैया,

रोमियो 3:8

“अहें कांह् बुराई नीं करिये भई तिसते जे भलाई प्रगट हुई जाओ?” तियां जे भई अहांरे बारे च निंध्या करदे हुये किछ लोक अहां पर दोष लगायें, भई अहें येढ़ा बोलां ये। पर येढ़े लोक त सजा रे काबिल हुणे चाहिन्दे।

रोमियो 6:1

तां फेरी अहांजो क्या बोलणा चाहिन्दा? तां क्या अहें लगातार पाप करदे रौ, ताकि परमेशरा रा अनुग्रह बधो?

रोमियो 6:15

तां अहें क्या करिये? क्या अहें पाप करिये काँह्भई अहें व्यवस्था रे अधीन नींये, वल्कि परमेशरा रे अनुग्रह रे अधीन जीआं ये? कदीं मनी!

1 तिमुथियुस 6:11

पर अरे परमेशरा रे माहणु तिमुथियुस, तू इन्हां गल्लां ते दूर हुई जा, कने सै जे सही आ तिसजो करने री हरेक कोशिश कर, कने परमेशर तेढ़ा जे चांह तू तियां बर्ताव कर, मसीह पर विश्वास कर, दुज्यां लोकां ने प्यार कर, मुशीवतां जो सैई लै कने लोकां सौगी गुस्सा नीं कर।

तीतुस 3:8

सै गल्लां जे मैं लिखी रियां सै सच्चियां इ, कने हऊँ चांह भई तू इन्हां गल्लां रे बारे च मजबूतिया ने बोल्लो, ताकि तिन्हें जे परमेशरा पर विश्वासा कित्या, सै भले कम्मां च लगी रैहणे खातर ध्यान देओ। ये गल्लां भली कने सब्बीं रे फायदे रियां इ।

1 पतरस 5:4

ताकि ताहली जे यीशु मसीह औणा सै जे अहांरे प्रधान रखवाल़े साई आ, तां तुहांजो महिमा रा मुकुट मिलणा, सै जे कदीं मुरझान्दा निआं।

1 यूहन्ना 3:4

सै जे कोई पाप कराँ, सै परमेशरा रिया व्यवस्था जो तोड़ां, काँह्भई व्यवस्था जो तोड़ना इ पाप आ।

प्रकाशितवाक्य 2:20

पर मिन्जो तेरे खलाफ ये शकैत इ : भई तू तिसा जनाना ईजेबेल जो अपणे बिच रैहणे देआं, सै जे अप्पूँजो भविष्यवक्तिन बोलां इ। कने सै अपणिया शिक्षा ते मेरे दास्सां जो व्यभिचार करने, कने मूर्तियां रे अग्गे चढ़ाईरे प्रसादा जो खाणा सखाई ने भरमांई।