मत्ती 5:12 - बिलासपुरी नौआं नियम

¹² तां खुश कने मगन हुयां, काँह्भई तुहांरे खातर परमेशरे स्वर्गा च सै जे ईनाम रक्खीरा सै बौहत बड्डा। इस खातर भई लोकें तिन्हां भविष्यवक्तयां जो सै जे बौहत साल पैहले थे इयां इ सताईरा था।”

मत्ती 5:12 ပူးပေါင်းရင်းမြစ်များ

मत्ती 16:27

माहणुये रा पुत्र स्वर्गदूतां सौगी अपणे पिता रिया महिमा च औणे औल़ा, तिसजे हर किसी जो तिसरे कर्मां रे मुतावक ईनाम देणा।

मत्ती 6:16

“ताहली जे तुहें उपवास करो, तां तुहांरे मुँह कपटियां साई उदास नीं हुणे चाहिन्दे, काँह्भई सै अपणा मुँह बणाईने रखां ये, ताकि सै लोकां जो जतलाई सक्को भई अहें उपवास करी रायें। हऊँ तुहांजो सच्च बोलां भई सै अपणा ईनाम पाई बैट्ठे।

लूका 13:34

“अरे यरूशलेम रे लोको तुहें सै जे अपणे इ भविष्यवक्तयां रा खून कराँ, कने परमेशरा रा सन्देशा लौणे औल़यां जो तू पत्थर माराँ! जिस तरिके ने कुकड़ी अपणे बच्चयां जो अपणे फंगां हेठ ढक्कीने हिफाज़त कराँ इ, मैं बी कितणी बार चाहया भई तिस इ तरिके ने तेरे बच्चयां जो बी कट्ठा करूँ, पर तैं मिन्जो येढ़ा करने नीं दित्या।

लूका 6:23

तिस दिन खुश हुईने उछल़यां, काँह्भई देक्खा, तुहांरे खातर स्वर्गा च बड्डा ईनाम रखीरा। तिन्हारे बाप-दादे भविष्यवक्तयां सौगी बी तियां इ करया राँ थे।

लूका 6:35

बल्कि अपणयां दुश्मणां ने प्यार रखा, कने तिन्हांरी भलाई करा, कने वापस लेणे री आशा न रखीने उधार देआ; कने तुहां खातर बड्डा ईनाम हूणा; कने तुहें परमप्रधान रे बच्चयां हूणा, काँह्भई सै तिन्हां पर बी सै जे धन्यवाद नीं करदे, कने बुरयां पर बी मेहरवानी कराँ ये।

प्रेरितां 16:25

अधिया राति रे बगत पौलुस कने सीलास प्राथना करदे परमेशरा रे भजन गाये राँ थे कने कैदी तिन्हांरी सुणया राँ थे।

प्रेरितां 5:41

सै इस गल्ला ते खुश हुईने महासभा रे सामणे ते चलीगे, भई अहें यीशुये रे खातर बदनाम हुणे लायक त बणे।

रोमियो 5:3

इतणा इ नीं, बल्कि ताहली जे अहें परेशानियां च हुआं ए तां बी आनन्दित हुई सक्कां ए, काँह्भई अहें जाणाँ ये भई ताहली जे अहें दुख सैआं ए तां बौहत अच्छे तरीके ने धीरज रखणा बी सिक्खां ए,

1 कुरिन्थियों 3:8

बाहणे औल़े कने पाणी देणे औल़े रा इक इ मकसद आ, पर दुईं जो अपणिया मेहणता रे मुतावक मजदूरी परमेशरा ते मिलणी।

2 कुरिन्थियों 4:17

अहांरा ये छोट्टा कने पल भरा रा दुख, अहांरे खातर अनन्त कने बौहत इ जादा महिमा त्यार करी रां, तिसरी तुलना जे करी नीं सकदे।

फिलिप्पियां 1:29

काँह्भई मसीह रिया तरफा ते तुहांजो न सिर्फ तिस पर विश्वास करने रा, पर तिसरे खातर मुशीवतां झेलणे रा बी खास मौका दित्तिरा;

फिलिप्पियां 2:17

जे मिन्जो तुहांरे विश्वास रुपी बलिदान्ना कने सेवा सौगी अपणा खून बी बहाणे पौ तां बी मिन्जो खुशी हूणी, कने तुहां सब्बीं सौगी मौज कराँ।

कुलुस्सियां 1:24

मिन्जो इसा गल्ला री खुशी भई हुण हऊँ तुहांरे खातर दुख सैई सकूँ, कने तियां जे मसीह दुख सैया, तियां इ हऊँ बी खुशिया ने तिन्हां सारयां दुखां जो कलीसिया रे फायदे रे खातर अपणे शरीरा च सैयां सै जे जरूरी ये, ताकि कलीसिया री मदद करी सकूँ सै जे मसीह रे शरीरा साई आ।

कुलुस्सियां 3:24

याद रखा भई प्रभुये तुहांजो ईनाम देणा सै जे तिने अपणे लोकां रे खातर रखीरा, अपणे प्रभु मसीह री सेवा करदे रौआ।

1 थिस्सलुनीकियां 2:15

तिन्हें जे प्रभु यीशुये जो मारया कने भविष्यवक्तयां जो बाहर खदेड़ीत्या, कने अहांजो सताया, सै परमेशरा जो नीं खुश करदे, कने सै सारे माहणुआं रा वरोध कराँ ये।

इब्रानियों 10:34

काँह्भई तुहें कैदियां सौगी दुख सैया, कने ताहली जे अधिकारियें तुहांरी सम्पत्ति जफ्त कित्ती थी तिस्सो बी तुहें खुशिया ने सैईल्या। काँह्भई तुहें जाणाँ थे भई तुहें सै सम्पत्ति पाईरी तिस राजे परमेशरे वायदा कित्तिरा, सै जे उत्तम इ कने हमेशा रे खातर इ।

इब्रानियों 11:26

मूसे सोच्चया भई मिस्र रे भण्डारा ते बड्डा धन पाणे ते मसीह रे खातर दुख सैहणा जादा कीमती आ, काँह्भई सै भविष्या च ईनाम पाणे री उम्मीद करी रां था।

इब्रानियों 11:33

इन्हें विश्वासा रे जरिये लड़ाई कित्ती कने राज जित्ते; न्याय ने राज कित्या; सै जे परमेशरे वायदा कित्तिरा था तिसजो पाया; तिन्हें शेराँ रे मुँह बी बन्द कित्ते,

इब्रानियों 11:6

कने सिर्फ विश्वासा रे जरिये परमेशरा जो खुश कित्या जाई सक्कां; काँह्भई परमेशरा रे नेड़े औणे औल़े जो विश्वास करना चाहिन्दा भई सै हया, कने सै जे तिस्सो जाणने री कोशिश कराँ ये तिन्हांजो सै ईनाम देआं।

याकूब 1:2

मसीह च मेरे विश्वासी भाईयो तुहां सब्बीं जो मेरा नमस्कार! ताहली जे तुहां पर कई तरह री मुशीवतां आओ, तां इस्सो बड़े मजे री गल्ल समझयों,

याकूब 5:10

मेरे साथी विश्वासियो, तसल्लिया ने दुख सैहणे रे सम्बन्धा च तिन्हां भविष्यवक्तयां जो याद करा, तिन्हें जे प्रभुये रिया तरफा ते तिसरे सन्देशा जो बोल्या था।

1 पतरस 4:13

पर आनन्दित रौआ, काँह्भई जिस तरिके ने मसीहे दुख सैहण कित्या, तियां इ तुहें बी दुख सैया कराँएं, तिसते जे तुहें मसीह यीशुये री महिमा रे प्रगट हुणे पर बौहत आनन्दित हुई सक्को।