मत्ती 5:11 - बिलासपुरी नौआं नियम

¹¹ “परमेशर तुहांजो आशीष देआं, काँह्भई ताहली जे माहणु तुहांजो मेरा चेला हुणे रिया वजह ने तुहांरी निंध्या करो, कने सताओ, कने झूट्ठ बोल्ली-बोल्लीने तुहांरे बरोधा च हरेक किस्मा री बुरी गल्ल बोल्ले।

मत्ती 5:11 ပူးပေါင်းရင်းမြစ်များ

मत्ती 10:18

तुहें मांह पर विश्वास करने रिया वजह ने राजपालां कने राजयां रे सामणे पेश कित्ते जाणे, काँह्भई तुहें मेरे चेले; तुहांजो मौका दित्या जाणा भई तुहें तिन्हांजो कने अन्यजातियां जो मेरे बारे च गवाही देओ।

मत्ती 10:22

माह पर विश्वास करने रिया बजह ने कईयां लोकां तुहांते बैर रखणा, पर सै जे आखिर तक माह पर विश्वास करदा रैहन्गा तिसजो बचाया जाणा।

मत्ती 10:25

चेले जो गुरुये रे, कने दास्सा जो अपणे स्वामिये रे बराबर हुणे ची सन्तोख करना चाहिन्दा; तां जे सै मिन्जो यनि घरा रे मालका जोई शैतान बोलां ये, तां तुहें तिन्हांते केढ़े व्यवहारा री आशा रक्खां ये?

मत्ती 10:39

सै जे माहणु अपणा प्राण बचाणे री कोशिश कराँ, तिसजो अनन्त जीवन नीं मिलणा; कने सै जे मेरे खातर अपणा प्राण देआं, तिस प्रभुये सौगी अनन्त जीवन पाणा।”

मत्ती 19:29

कने तिन्हे जे मेरे खातर अपणा घर-बार, या भाईयां, या बैहणां, या माता-पिता, या बच्चे, या खेतां जो छड्डीतरा, तिसजो सौ गुणा मिलणा, कने परमेशरा तिसजो अनन्त जीवना रा बारस बनाणा।

मत्ती 24:9

“फेरी तुहांरे शत्रुआं तुहांजो सताणे खातर पकड़वाणा, कने तुहें मरवाई देणे, काँह्भई मांह पर विश्वास करने रिया वजह ते सारी जातियां रे लोकां तुहांजो बैर रखणा।

मत्ती 27:39

औन्दे-जान्दे लोक सिर हलाई-हलाई ने तिसरी निंध्या करी रां थे,

मरकुस 13:13

कने माह पर विश्वास करने रिया वजह ते बौहत सारयां लोकां तुहांजो नफरत करनी; पर सै जे सताव रे आखिरी दिनां तक मेरे विश्वासा च बणीरा रैहन्गा, सै बचाया जाणा।”

मरकुस 13:9

“पर तुहें अपणे बारे च त्यार हुई जावा; काँह्भई लोकां तुहांजो महासभा रे हवाले करना कने तुहांजो यहूदी सभा घराँ च मारया-कुट्टया जाणा, कने मेरिया वजह ते तुहें राजपालां कने राजयां रे सामणे खड़े कित्ते जाणे, ताकि तुहें मेरे खातर गवाही देओ।

मरकुस 4:17

पर वचन तिन्हांरे दिलां री गहराईया तक नीं जान्दा, सै सिर्फ किछ वगता खातर विश्वास कराँ ये। सै तिन्हां बुटयां साई हुआं ये तिन्हांरियां जड़ां जे डुग्गियां नीं हुन्दियां; ताहली जे कोई दुज्जा तिन्हां सौगी बुरा बर्ताव करो या परमेशरा रे बचना पर विश्चास करने रिया वजह ने तिन्हांजो परेशान करो, तां सै लोक परेशान हुईने इकदम बचना पर विश्वास करना छड्डी दें।

मरकुस 8:35

काँह्भई सै जे कोई इस संसारा च अपणे प्राणा जो बचाणा चाँह, तिसजो तिस गवाई देणा, पर जे कोई मेरे कने मेरिया खुशखबरिया खातर इस संसारा च अपणा प्राण गवांगा, तिस अनन्त जीवन पाणा।

लूका 21:12

पर इन्हां सारियां गल्लां ते पैहले, तिन्हां माह पर विश्वास करने रिया वजह ने तुहें पकड़ने, कने सताणे, कने यहूदी सभा घराँ च सौंपणे, कने जेल्लां च पाये जाणे, कने राजयां कने राजपालां रे सामणे लैई जाणे।

लूका 21:17

मांह पर विश्वास करने रिया वजह ते सारयां लोकां तुहांजो बैर करना।

लूका 6:22

परमेशरा तुहांजो आशीष देणी, ताहली जे माहणुये रे पुत्रा रिया वजह ने लोकां तुहांजो बैर करना, कने तिस पर विश्वास करने औल़यां जो बुरा समझीने नकाल़ी देणा, कने तुहांरी निंध्या करनी, कने तुहांरा नौं बुरा जाणीने कटी देणा।”

लूका 9:24

जे तुहें अपणा प्राण बचाणा चांहन्गे तां तुहां सै गवाई देणा, पर जे तुहें मेरे खातर अपणा प्राण गवांगे तां तिस इ सै बचाणा।

यूहन्ना 15:21

मेरा चेला हुणे रिया वजह ते लोकां तुहांजो ये सब किछ करना, काँह्भई सै नीं जाणदे भई मिन्जो किने भेज्जिरा।

यूहन्ना 9:28

फेरी तिन्हे तिसरा अपमान कित्या कने गलाया, “तू तिसरा चेला हूणा, अहें त मूसा रे चेले।

प्रेरितां 9:16

कने माह तिस्सो दसणा भई मेरे बारे च लोकां जो गलाणे खातर तिस्सो केढ़े-केढ़े दुख सैहणे पौणे।”

रोमियो 8:36

तियां जे पवित्रशास्त्रा च लिखिरा, “परमेशरा रे खातर हर रोज लोक अहांजो मारने री धमकी दें; कने अहां लोकां जो सै बढणे औल़ी भेड्डां साई समझां ये।”

1 कुरिन्थियों 4:10

इस संसारा रे लोक सोच्चां ये भई अहें मसीह रे खातर मूर्ख ये, पर तुहें सोच्चां ये भई तुहें मसीह च बुद्धिमान ये; बौहत लोक सोच्चां ये भई अहें निर्बल ये, पर तुहें सोच्चां ये भई तुहें बलवान ये, तुहौं लोक आदर दें, पर सै अहांरा निरादर कराँ ये।

2 कुरिन्थियों 4:11

काँह्भई यीशुये रिया वजह ने अहांजो जीते जी हमेशा मौती रे खतरयां च सौंपया जां, ताकि यीशुये रा जीवन बी अहांरे नाश हुणे औल़यां शरीराँ च साफ तौरा पर परगट हुई जाओ।

फिलिप्पियां 1:29

काँह्भई मसीह रिया तरफा ते तुहांजो न सिर्फ तिस पर विश्वास करने रा, पर तिसरे खातर मुशीवतां झेलणे रा बी खास मौका दित्तिरा;

1 पतरस 2:23

तिने गाल़ी सुणीने गाल़ी नीं दित्ति, कने दुख सैहीने किसी जो बी धमकी नीं दित्ति; बल्कि तिस सच्चा न्याय करने औल़े परमेशरा रे अग्गे तिने खुद अप्पूँजो सौंपीत्या।

1 पतरस 4:14

जे मसीह रे विश्वासी हुणे रिया वजह ने तुहांरा अपमान कित्या जाओ, तां तुहें आशीषित ये, काँह्भई महिमा रा आत्मा यनि परमेशरा रा आत्मा, तुहां च बास कराँ।

प्रकाशितवाक्य 2:3

हऊँ जाणाँ भई तैं मेरे नौआं रे खातर धीरजा ने दुख सैया, फेरी बी तैं विश्वास नीं छड्डया।