मत्ती 5:10 - बिलासपुरी नौआं नियम

¹⁰ परमेशर तिन्हां लोकां जो आशीष देआं, सै जे परमेशरा रिया इच्छा रे मुतावक जीणे रिया बजह ने मुशीवत झेल्लां ये, काँह्भई परमेशर तिन्हां पर राज कराँ।”

मत्ती 5:10 ပူးပေါင်းရင်းမြစ်များ

मत्ती 10:23

ताहली जे सै तुहांजो इक्की नगरा च सताणे लगो, तां दुज्जे नगरा जो चली जायों। हऊँ तुहांजो सच्च बोलां भई तुहें माहणुये रे पुत्रा रे औणे ते पैहले इस्राएल रे सारे नगराँ चियें गये बी नीं हुणे।

मत्ती 19:14

यीशुये गलाया, “बालकां जो मेरले औणे देआ तिन्हौं नां नीं करा, काँह्भई बच्चयां साई गुण रखणे औल़े माहणुआं पर इ परमेशरा राज करने रे खातर त्यार हूणा।”

मत्ती 25:34

फेरी राजे यनि मांह अपणे सज्जे पासे औल़यां ने बोलणा, मेरे पिता ते आशीष पाईरे लोको औआ! कने सै राज जे तुहांरे खातर संसारा जो बनाणे ते पैहले त्यार कित्तिरा तिसजो ग्रहण करा।

मत्ती 5:3

“परमेशर तिन्हां लोकां जो आशीष देआं, सै जे जाणाँ ये भई तिन्हौं परमेशरा री जरूरत इ, काँह्भई सै तिन्हां पर राज कराँ।

मरकुस 10:14

ताहली जे यीशु देक्खां भई सै गुस्सा हुईगे यीशुये चेलयां जो गलाया, “बालकां जो मेरले औणे देआ तिन्हौं नां नीं करा, काँह्भई सै जे कोई बच्चयां साई भरोसा रक्खां ये तिन्हां पर इ परमेशरा राज करने रे खातर त्यार हूणा।

मरकुस 10:30

तिन्हां लोकां इसा जिन्दगिया च तिस छड्डीरे जो सतावा सौगी सौ गुणा पाणा, कने औणे औल़े जुगा च तिन्हां अनन्त जीवन पाणा।

लूका 21:12

पर इन्हां सारियां गल्लां ते पैहले, तिन्हां माह पर विश्वास करने रिया वजह ने तुहें पकड़ने, कने सताणे, कने यहूदी सभा घराँ च सौंपणे, कने जेल्लां च पाये जाणे, कने राजयां कने राजपालां रे सामणे लैई जाणे।

लूका 22:29

इस खातर तियां जे मेरे पिता मिन्जो इक राज दित्तिरा, तियां इ हऊँ बी तुहांजो राजा बणने रा हक देआं ताकि,

लूका 6:20

तिने अपणे चेलयां खौ देखीने बोल्या, “परमेशर तिन्हां लोकां ने बड़ा खुश आ, सै जे गरीब ये, काँह्भई परमेशर तिन्हां पर राज कराँ।

लूका 6:22

परमेशरा तुहांजो आशीष देणी, ताहली जे माहणुये रे पुत्रा रिया वजह ने लोकां तुहांजो बैर करना, कने तिस पर विश्वास करने औल़यां जो बुरा समझीने नकाल़ी देणा, कने तुहांरी निंध्या करनी, कने तुहांरा नौं बुरा जाणीने कटी देणा।”

यूहन्ना 15:20

मेरी गलाई रियां गल्लां जो याद रखा भई ‘इक दास अपणे मालका ते बडा निआं।’ इस खातर जे तिन्हें मिन्जो सताया तां तिन्हां तुहांजो बी सताणा; जे तिन्हें मेरा उपदेश मन्नया, तां तिन्हां तुहांरियां गल्लां बी मनणियां।

प्रेरितां 5:40

तां तिन्हें तिसरी गल्ल मन्नी ली; कने प्रेरितां जो सद्दीने कुटवाया; कने ये हुक्म देईने छड्डीत्या भई यीशुये रे नौआं ते फेरी कोई गल्ल देखां करदे।

प्रेरितां 8:1

शाऊल स्तिफनुस रिया हत्या च सहमत था। तिस दिन यरूशलेम नगरा री कलीसिया पर बड़ा सताव शुरु हुआ कने प्रेरितां जो छड्डिने बौहत सारे लोक यहूदिया कने सामरिया प्रदेशां च नट्ठीने बिखरी गे।

2 कुरिन्थियों 4:17

अहांरा ये छोट्टा कने पल भरा रा दुख, अहांरे खातर अनन्त कने बौहत इ जादा महिमा त्यार करी रां, तिसरी तुलना जे करी नीं सकदे।

फिलिप्पियां 1:28

तुहें किसी गल्ला च विरोधियां ते मत डरा, काँह्भई येढ़ा करने ते तुहां तिन्हांजो साबित करना भई परमेशरा तिन्हांरा नाश करना कने तुहांजो बचाणा। ये सब परमेशर कराँ।

2 तिमुथियुस 2:12

जे अहें दुख सैयें तां तिस सौगी राज बी करना। जे अहें तिसरा इन्कार करगे, तां तिस बी अहांरा इन्कार करना,

2 तिमुथियुस 3:11

कने मेरे सताव, मेरे दुखा रे बगता तैं मेरा साथ दित्तिरा। तू त जाणाँ भई अन्ताकिया, इकुनियुम कने लुस्त्रा नगराँ च मिन्जो किस तरिके री यातना दित्ति थी तिन्हौं जे मैं सहील्या, पर प्रभुये मिन्जो तिन्हां सब्बीं ते बचाईल्या।

याकूब 1:12

परमेशर तिसजो आशीष देआं सै जे मुशिबतां च अटल रैयां काँह्भई परीक्षां च खरा उतरने ते बाद तिस अनन्त जीवना रा मुकट पैहनणा, तिस्सो जे परमेशरे अपणे प्यार करने औल़यां जो देणे रा वायदा कित्तिरा।

याकूब 5:11

तिन्हां लोकां जो अहें काफी आदर दें, सै जे धीरजा ने दुख सैहन्दे रैं। तसल्लिया ने सैहणे औल़यां च अय्यूब इक आदर्श आ; तिसरे अनुभवा ने अहें सिक्खां ये भई परमेशरा रिया योजना रा अन्त कियां भलाईया च हुआं, इस खातर भई प्रभु कितना दयालु कने करुणा ने भरीरा।

1 यूहन्ना 3:12

कने आदम रे पुत्र कैना साई नीं बणा, सै जे शैतान्ना ते था, कने तिने जे अपणे भाईये री हत्या कित्ती; कने तिने अपणे भाईये जो किसा वजह ने मारया? तिसरी ये वजह थी भई तिसरे काम्म बुरे थे, कने तिसरे भाईये रे काम्म भलाईया रे थे।

प्रकाशितवाक्य 2:10

सै दुख जे तिज्जो झलणे पौणे, तिन्हांते मत डर; काँह्भई, शैतान दुज्जे किछ लोकां रे जरिये तुहांजो परखणे खातर तुहां चते किछ लोकां जो जेल्ला च पाई देणा; कने तुहौं दस्सां दिनां तक दुख सैहणे पौणा। आखरी सांस तक बफादार बणीने रै, फेरी मांह तिज्जो जीवना रा मुकट देणा।