मत्ती 5:1 - बिलासपुरी नौआं नियम

¹ यीशुये ताहली जे लोकां री ये बड्डी भीड़ देक्खी, तां सै पहाड़िया परा जो थोड़ा जेआ ऊपर गया; कने ताहली जे तिन्हौं सखाणे खातर बैट्ठया तां तिसरे चेले तिसले आये।

मत्ती 5:1 ပူးပေါင်းရင်းမြစ်များ

मत्ती 13:2

कने लोकां री इतणी बड्डी भीड़ तिसले कट्ठी हुईगी, भई सै जाईने इक्की किश्तिया पर चढ़ीग्या, कने सारी भीड़ कनारे पर खढ़ी रैई।

मत्ती 15:29

फेरी यीशु तित्थी ते चलीप्या कने गलील समुद्रा रे कण्डे पुज्जीग्या। सै इक्की पहाड़ा पर चढ़ीने उपदेश देणे बैठिग्या।

मत्ती 4:25

कने गलील प्रदेश कने दिकापुलिस, यरूशलेम शहर, यहूदिया प्रदेश कने यरदन नदिया रे पारा रे लोकां री बड्डी-बड्डी भीड़ तिसरे पिच्छे चलीपी।

मत्ती 5:2

कने यीशुये तिन्हांजो ये उपदेश देणा शुरु कित्या:

मरकुस 3:13

इसते बाद यीशु नजदीक रे इक्की पहाड़ा पर गया कने तिन्हां माह्णुआं जो सद्दया तिन्हांजो जे तिने अपणे चेले बणने खातर चुणया था कने सै लोकां बिच्चा ते तिसले आये।

मरकुस 3:20

कने यीशु घरा जो आया कने येढ़ि भीड़ कट्ठी हुईगी भई सै रोटी बी नीं खाई सक्के।

मरकुस 4:1

फेरी यीशु गलील दरयावा रे कनारे उपदेश देणे लगया : कने येढ़ि बड्डी भीड़ तिसले कट्ठी हुईगी भई सै तिस दरयावा च इक्की किश्तिया पर चढ़ीने बैठिग्या, कने सारी भीड़ धरतिया पर दरयावा रे कनारे खढ़ी रैई।

लूका 6:12

तिन्हां दिनां च यीशु पहाड़ा पर प्राथना करने जो गया, कने सै सारी रात पिता परमेशरा ते प्राथना करदा रैया।

लूका 6:17

यीशु अपणयां चेलयां सौगी पहाड़ा परा ते उतरी ने खुल्लिया जगह च खड़ीग्या, कने तिसरे चेलयां री बड्डी भीड़, कने सारे यहूदिया, कने यरूशलेम, कने सूर कने सैदा रे समुद्रा रे कण्डे ते मते सारे लोक तिसरे पिच्छे आईगे।

लूका 6:20

तिने अपणे चेलयां खौ देखीने बोल्या, “परमेशर तिन्हां लोकां ने बड़ा खुश आ, सै जे गरीब ये, काँह्भई परमेशर तिन्हां पर राज कराँ।

लूका 9:28

इन्हां गल्लां ते कोई अट्ठां दिनां बाद यीशु, पतरस, याकूब कने यूहन्ना जो लेईने प्राथना करने खातर पहाड़ा पर गये।

यूहन्ना 6:15

यीशु ये जाणिग्या भई ये मिन्जो राजा बनाणे खातर आई ने पकड़ना चाँये, इस खातर सै कल्हा इ पहाड़ा पर चलीया।