मत्ती 4:7 - बिलासपुरी नौआं नियम

⁷ यीशुये तिसजो गलाया, “पवित्रशास्त्रा च ये बी लिखिरा, ‘तू प्रभु अपणे परमेशरा जो ये साबित करने खातर परखणे री कोशिश मत करदा भई सै अपणे वायदयां जो पूरा कराँ या नीं कराँ।’ ”

मत्ती 4:7 ပူးပေါင်းရင်းမြစ်များ

मत्ती 21:16

कने तिसते पुच्छया, “तू सुणीराँ ये क्या बोल्ली राँये?” यीशुये तिन्हाने गलाया, “हाँ; सुणीराँ, क्या तुहें लोकें ये कदीं नीं पढ़या : ‘तैं बालकां कने दुध पीन्दे बच्चयां रे मुँआं ते स्तुति कराई?’ ”

मत्ती 21:42

यीशुये तिन्हाने गलाया, “क्या तुहें पवित्रशास्त्रा रा ये बचन नीं पढ़या: ‘राजमिस्त्रियें इक्की पत्थरा जो बेकार समझीने सटाईत्या था, पर वगत औणे पर पता लगया भई सैई पत्थर कुणे रा सबनीं ते खास पत्थर बणीग्या? येढ़ा परमेशरा रिया तरफा ते हुया, सै जे अहां रियां नज़राँ च त नोखा।’

मत्ती 4:10

फेरी यीशुये तिसजो गलाया, “शैतान दूर हुई जा, काँह्भई पवित्रशास्त्रा च लिखिरा: ‘तू प्रभु अपणे परमेशरा री अराधना कर, कने सिर्फ तिसरी इ सेवा टैहल कर।’ ”

मत्ती 4:4

यीशुये जबाब दित्या, “ये पवित्रशास्त्रा च लिखिरा, ‘माहणु सिर्फ रोटिया तेई नीं, पर हरेक बचन सै जे परमेशर बोलां तिसरा पालन करने ते जिऊंदा रैहणा।’ ”

लूका 4:12

पर यीशुये तिस्सो जवाब दित्या, भई पवित्रशास्त्रा च ये बी लिखिरा, “तू प्रभु अपणे परमेशरा रा इम्तेहान नीं लेआं।”

प्रेरितां 15:10

“फेरी हुण तुहें काँह परमेशरा जो परखां ये भई चेलयां रिया गर्दना पर येढ़ा जुंगड़ा रखो, तिस्सो जे अहांरे पूर्वज बी चक्की नीं सक्के कने नां अहें चक्की सक्कां ये?

प्रेरितां 5:9

पतरसे तिसाने गलाया, “ये क्या गल्ल इ भई तुहें दुईं प्रभुये रिया आत्मा जो परखणे खातर येक्का कित्या? देख, तेरे लाड़े रे दफन करने औल़े दरवाजे पर इ पुज्जीरे, कने तिन्हां तिज्जो बी बाहरा जो लई जाणा।”

1 कुरिन्थियों 10:9

कने नां अहें प्रभुये जो परखिये, तियां जे तिन्हां चते कितणेयां कित्या, कने सर्पां रे डसणे ते मरीगे।

इब्रानियों 3:9

तित्थी तुहांरे पूर्वजें मेरे धैर्य जो परखया, हलाँकि तिन्हें मेरे अदभुत कम्मां जो चाल़ियां साल्लां तकौ देख्या।