मत्ती 4:23 - बिलासपुरी नौआं नियम

²³ यीशु सारे गलील प्रदेशा च फिरदा हुआ तिन्हां रयां यहूदी सभा घराँ च उपदेश करदा कने स्वर्ग राज्जा री खुशखबरिया रा प्रचार करदा, कने हरेक किस्मा री बमारी कने कमजोरियां जो दूर करदा रैया।

मत्ती 4:23 ပူးပေါင်းရင်းမြစ်များ

मत्ती 11:5

भई अन्हे देक्खां ये कने लंगड़े चला फिराँ ये, कोढ़ी ठीक कित्ते जांये कने टौणे सुणां ये, मुड़दे जिऊंदा कित्ते जायें, कने दीन दुखियां जो यीशु मसीह रिया खुशखबरिया रा प्रचार कित्या जां।

मत्ती 12:9

फेरी यीशु ऊत्थी ते चलीप्या कने यहूदियां रे सभा घरा च पुज्जया।

मत्ती 13:19

लोक सै जे परमेशरा रे बारे च सुणां यें भई सै कियां लोकां रियां जिन्दगियां पर राज कराँ कने नीं समझदे भई जो किछ तिन्हें सुणया सै तिसा बाटा साई आ तित्थी जे सै किछ दाणे पैईरे, शैतान औआं कने जो किछ तिन्हें सुणीरा हुआं तिसजो भुलाई देआं।

मत्ती 13:54

कने अपणे देशा च आईग्या, फेरी तिने यहूदियां रे यहूदी सभा घरा च उपदेश देणा शुरु करित्या; इसते हर कोई हैरान हुईने बोलणे लगया, “इस्सो येढ़ि सूझ-बूझ कने चमत्कारी शक्ति किति ते मिली?

मत्ती 14:14

यीशु ताहली जे किश्तिया चाते उतरी ने कनारे पर आया, तां तिने बौहत लोकां री भीड़ कट्ठी हुईरी देक्खी, तिस्सो तिन्हां पर तरस आया कने तिने बमार लोकां जो ठीक कित्या।

मत्ती 24:14

स्वर्गा रे राज्जा री ये खुशखबरी सारी जातियां रे लोकां जो प्रचार कित्ती जाणी ताकि सारे लोकां जो विश्वास करने रा मौका मिलो, फेरी तांई अन्त औणा।

मत्ती 3:2

“अपणे पापां ते मन फिरावा, काँह्भई परमेशरा रा राज नेड़े आईगरा।”

मत्ती 9:35

फेरी यीशु कने तिसरे चेले गलील प्रदेशा रे बौहत सारे नगराँ कने गाँवां च गये कने तिन्हां रयां यहूदी सभा घराँ च उपदेश करदा, कने परमेशरा रे राज्जा री खुशखबरिया रा प्रचार करदा, कने हरेक किस्मा रियां बमारियां कने कमजोरियां जो दूर करदा रैया।

मरकुस 1:14

किछ वगता ते बाद राजा हरोदेशे यूहन्ने जो पकड़ीने जेल्ला च पाया, इसते बाद यीशु गलील प्रदेशा च आया तित्थी तिने परमेशरा रिया खुशखबरिया रा प्रचार कित्या,

मरकुस 1:21

यीशु कने तिसरे चेले कफरनहूम नगरा च आये, कने सै इकदम विस्राम रे दिन, यहूदी सभा घरा च जाईने उपदेश देणे लगया।

मरकुस 1:39

कने तिने गलील प्रदेशा रे बौहत सारयां लाकयां च कने तिन्हांरे यहूदी सभा घराँ च जाईने प्रचार कित्या कने बुरीआत्मां जो कड्डया।

मरकुस 6:2

विस्रामा रे दिन सै यहूदी सभा घरा च उपदेश देणे लगया; कने बौहत लोक सुणीने हैरान हुये कने तिन्हांते पुच्छया, “इने माह्णुये ये गल्लां कितिते सिक्खियां? इस्सो ये सारा ज्ञान कने इस तरिके रे चमत्कार करने री शक्ति कित्तिते मिली?

मरकुस 6:6

कने तिस्सो तिन्हांरे अविश्वासा पर हैरानी हुई। इसते बाद यीशु नेड़े-तेड़े रे गाँवां च गया कने लोकां जो परमेशरा रा सन्देश सखाया।

लूका 10:9

तिस नगरा रे बमाराँ जो चंगा करा, कने तिन्हाजो बोल्ला भई, हुण परमेशरा रा राज तुहांरे नेड़े आई पुज्जीरा।

लूका 13:10

इक विस्राम रे दिन यीशु इक यहूदी सभा घर च वचना रा प्रचार करी कराँ थे तिस वगत,

लूका 16:16

तदुआं तक जे मूसा री व्यवस्था कने भविष्यवक्तयां रे लिखिरे सन्देश, बपतिस्मा देणे औल़े यूहन्ने रे औणे तक परमेशरा रे राजा रे बारे च प्रचार कित्या। पर हुण परमेशरा रे राज्जा री खुशखबरी सुणाई जाया राँई कने हर कोई तिसच इच्छुक हुईने दाखल हुया राँ।

लूका 20:1

इक दिन येढ़ा हुया भई ताहली जे यीशु मन्दरा च लोकां जो उपदेश देईरा था कने खुशखबरी सुणाई कराँ था, तां तिस बगत मुखियायाजक कने शास्त्री, बजुर्गां सौगी तिन्हाले आईने खड़ीगे;

लूका 4:14

फेरी यीशु पवित्र आत्मा रिया सामर्थय च गलील प्रदेशा जो वापस आया, कने आस-पड़ोस रे सारेयां लाकयां च तिसरे कम्मां रे चर्चे हुणे लगे।

लूका 5:17

इक दिन ताहली जे यीशु बचनां री शिक्षा देईराँ था, तां किछ फरीसी कने व्यवस्थापक बी ऊथी बैठिरे थे, ये लोक गलील कने यहूदिया प्रदेशा रे हर इक गाँवां ते कने यरूशलेम नगरा ते आईरे थे काँह्भई चंगा करने औल़ी प्रभुरी सामर्थ यीशुये सौगी थी।

लूका 6:17

यीशु अपणयां चेलयां सौगी पहाड़ा परा ते उतरी ने खुल्लिया जगह च खड़ीग्या, कने तिसरे चेलयां री बड्डी भीड़, कने सारे यहूदिया, कने यरूशलेम, कने सूर कने सैदा रे समुद्रा रे कण्डे ते मते सारे लोक तिसरे पिच्छे आईगे।

लूका 6:6

अगले विस्राम रे दिन यीशु यहूदी सभा घरा च गया कने परमेशरा रे बचनां रा प्रचार करने लगया; ऊथी इक येढ़ा माहणु था, तिसरा जे सज्जा हत्थ सुकीगरा था।

लूका 7:21

तिस बगत, तिन्हारे सामणे यीशुये मतयां बमाराँ जो ठीक कित्या, कने बुरीआत्मां ते छडुआईने चंगा कित्या कने मते अन्हे लोकां जो देखणे लायक बणाया।

लूका 7:22

यीशुये यूहन्ने रे चेलयां ने बोल्या, “सै जे किछ तुहें देख्या कने सुणया, जाईने यूहन्ने ने बोल्ला; भई अन्हे देक्खां ये, कने लंगड़े हन्डणे फिरने लगे, कोढ़ी शुद्ध कित्ते जायें, टौणे सुणां ये, कने मुड़दे जिऊंदा कित्ते जायें, कने गरीबां जो खुशखबरी सुणाई जाईं।

लूका 8:1

इन्हां गल्लां ते बाद यीशु कने तिसरे बारा चेले नगर-नगर कने गाँवां-गाँवां जाईने लोकां जो परमेशरा रे राज्जा री खुशखबरिया रा प्रचार करदे रै।

लूका 9:11

पर लोकां री भीड़ ये जाणीगी भई सै कितो जाई कराँ, कने भीड़ तिसरे पिच्छे चलीपी। कने सै खुशी-खुशी तिन्हांने मिलया, कने तिन्हांने परमेशरा रे राज्जा री गल्लां करने लगया कने सै जे ठीक हूणा चाँह थे तिन्हाजो ठीक कित्या।

लूका 9:60

यीशुये तिसने गलाया, “सै लोक जे आत्मिकता च मूईरयां साई ये तिन्हौं अपणयां लोकां रे मरने रा इन्तजार करने दे, पर तू जाईने परमेशरा रे राज्जा रा प्रचार कर।”

यूहन्ना 18:20

यीशुये जबाब दित्या, “मैं सदा लोकां च रईने सारयां ने खुल्लेआम गल्ल-बात किति; मैं यहूदी सभा घराँ कने मन्दरा च तित्थी जे सारे लोक कट्ठे हुआं ये, सदा उपदेश दित्या। मैं कदीं बी लुखी-छिपिने किछ नीं गलाया।

यूहन्ना 6:59

ये गल्लां तिने कफरनहूम नगरा रे इक्की यहूदी सभा घर च उपदेश देन्दे बगत बोल्ली।

यूहन्ना 7:1

इन्हां गल्लां ते बाद यीशु गलील प्रदेशा च घुमदा रैया; काँह्भई यहूदी अगुवे तिस्सो मारने रा जतन करीराँ थे, इस खातर सै यहूदिया प्रदेशा च घुमणा नीं चाहन्दा था।

प्रेरितां 10:38

परमेशरे कियां-कियां नासरत नगरा रे यीशुये जो पवित्र आत्मा कने सामर्था ते अभिषेक कित्या; सै भलाई करदा कने जितने लोक सै जे शैताने सताईरे थे, ठीक करदा फिरया, काँह्भई परमेशर तिसने सौगी था।

प्रेरितां 18:4

कने पौलुस हर विस्राम रे दिन यहूदी सभा घर च वाद-विवाद करीने यहूदियां कने यूनानियां जो बी यीशु मसीह पर विश्वास करने जो समझां था।

प्रेरितां 20:25

हुण हऊँ जाणाँ भई तुहें सब तिन्हां च जे हऊँ परमेशरा रे राज्जा रा प्रचार कित्या, मिन्जो फेरी नीं देखणा।

प्रेरितां 28:31

कने सै जे तिसला औवां थे, तिन्हां सब्बीं ने मिलदा रैया कने बिणा रोक टोक बौहत निडर हुईने परमेशरा रे राज्जा रा प्रचार करदा कने प्रभु यीशु मसीह री गल्लां सखांदा रैया।

रोमियो 10:15

कने जे कोई तिन्हांजो प्रचार करने जो नीं भेज्या जाओ, तां सै कियां दस्सी सक्कां ये? तियां जे पवित्रशास्त्रा च लिखिरा, “खुशखबरी ल्यौणे औल़यां रे चरण कितणे छैल़ ये, सै जे खुशखबरी सणवायें।”