मत्ती 4:22 - बिलासपुरी नौआं नियम

²² सै इकदम किश्तिया कने अपणे पिता जो छड्डिने तिसरे पिच्छे चलीपे।

मत्ती 4:22 ပူးပေါင်းရင်းမြစ်များ

मत्ती 10:37

“सै जे अपणे माता-पिता जो मेरते जादा प्यार कराँ, सै मेरा चेला बणने रे लायक नींये; कने सै जे अपणे बेटे या बेटिया जो मेरते जादा प्यार कराँ, सै मेरा चेला बणने रे लायक निआं;

मत्ती 4:21

फेरी सै तित्थी ते अग्गे बधीने, तिने कने दो भाईयें यनिके जब्दिये रे पुत्र याकूब कने तिसरा भाई यूहन्ने जो अपणे पिता जब्दिये सौगी किश्तिया पर अपणे जाल़ां जो सधेरदे देख्या; कने तिन्हांजो बी सद्दया।

मत्ती 4:23

यीशु सारे गलील प्रदेशा च फिरदा हुआ तिन्हां रयां यहूदी सभा घराँ च उपदेश करदा कने स्वर्ग राज्जा री खुशखबरिया रा प्रचार करदा, कने हरेक किस्मा री बमारी कने कमजोरियां जो दूर करदा रैया।

मरकुस 1:20

यीशुये तिन्हांजो इकदम सद्दया; कने सै अपणे पिता जब्दिये जो मजदूराँ ने सौगी किश्तिया पर छड्डिने, तिसने सौगी चलीगे।

लूका 14:26

“जे कोई मेरा चेला बणीने मेरे पिच्छे औणा चाओ, तां तिस्सो अपणे माता-पिता, जनाना कने बच्चयां, भाई कने बैहणां, कने अपणे प्राणा ते बी जादा माहने प्यार करने पौणा। नैईता, तुहें मेरे चेले नीं बणी सकदे।

लूका 14:33

तियां इ तदुआं तक जे कोई अपणा सब किछ छड्डी नीं देओ, तालुआं तक सै मेरा चेला नीं बणी सकदा।”

लूका 5:11

कने सै किश्तियां जो कनारे पर ली आये, कने सब किछ छड्डिने तिसरे पिच्छे चलीपे।

2 कुरिन्थियों 5:16

इस खातर हुण ते अहें किसी बी माहणुये रा न्याय संसारा रे नजरिये ने नीं करो। इक बगत था ताहली जे अहें मसीह रा न्याय बी संसारा रे नजरिये ने कित्या था। पर हुण अहें मसीह जो संसारा रिया नज़राँ ने नीं देखदे।