मत्ती 4:10 - बिलासपुरी नौआं नियम

¹⁰ फेरी यीशुये तिसजो गलाया, “शैतान दूर हुई जा, काँह्भई पवित्रशास्त्रा च लिखिरा: ‘तू प्रभु अपणे परमेशरा री अराधना कर, कने सिर्फ तिसरी इ सेवा टैहल कर।’ ”

मत्ती 4:10 ပူးပေါင်းရင်းမြစ်များ

मत्ती 16:23

यीशु तिसरी तरफ मुड़या कने गलाया, “पतरस, मेरे रस्ते ते हटि जा! अरे शैतान! तू मेरे खातर इक अड़चन ई: काँह्भई तू परमेशरा साई नीं, पर माहणुआं साई सोच्चां।”

मरकुस 1:13

कने तिसा जगह च चाल़ियां दिनां तक शैताने तिसरी परीक्षा कित्ती; कने सै जंगली जानबराँ रे बिच रैया; कने स्वर्गदूत तिसरी सेवा करदे रै।

लूका 10:18

यीशुये तिन्हांने गलाया, “ठीक आ, मैं शैतान्ना जो स्वर्गा ते बिज्जल़ा साई पौंदे हुये देख्या रां था!

लूका 11:18

कने जे शैतान कने तिसरे राज रियां आत्मां अप्पूँ बाटियें लड़दे रौ, तां तिसरा राज कियां बणीरा रैहणा? काँह्भई तुहें मेरे बारे च बोलां ये, भई ये शैतान्ना रिया सहायता ते बुरीआत्मा जो निकाल़ां।

लूका 13:16

ये जनाना त अब्राहमा रे कुल़ा तेई तिसौ जे शैताने ठारां साल्लां रे लम्बे बगता ते बन्हीने रखीरा था, क्या इसाजो तिसते छडवाणा यहूदियां रे विस्राम रे दिन जरूरी नीं था?”

लूका 22:3

फेरी शैतान यहूदा इस्करियोति च समाईया, सै जे यीशुये रे बारा चेलयां चते इक था।

लूका 22:31

“प्यारे शमौन! देख, शैताने परमेशरा ते तुहां सारयां लोकां री परीक्षा लेणे री अनुमति मंग्गी, खरे जो बुरे ते लग करने री, काँह्भई इक करसाण कणका जो भूआ ते लग करां।

लूका 4:8

यीशुये तिस्सो जवाब दित्या, “पवित्रशास्त्रा च ये बी लिखिरा भई, तू सिर्फ अपणे प्रभु परमेशरा री अराधना कर कने तिसरी इ सेवा टैहल कर।”

यूहन्ना 13:27

ताहलूं जे यहूदे सै रोटिया रा टुकड़ा लैया शैतान तिसच समाई गया। तां यीशुये तिस्सो बोल्या, “सै जे तू करना छोड़े कर।”

प्रेरितां 26:18

भई तू तिन्हांजो इसा गल्ला रा एहसास करवाई दो भई सच्च क्या? कने झूट्ठा पर विश्वास करने रे बजाय परमेशरा रिया सच्चाईया पर विश्वास करा; ये सब इस खातर ताकि सै पापां री माफी कने मांह पर विश्वास करने ते पवित्र कित्तिरे लोकां सौगी बिरासत पाई सक्को।’

प्रेरितां 5:3

पतरसे गलाया, “हे हनन्याह! सै जे शैताने तेरे मना च पवित्र आत्मा ने झूट्ठ बोलणे रा विचार पाया, कने तुहें अपणी बेच्ची रिया धरतिया रे पैसयां चते थोड़े जे रखी लो?

1 कुरिन्थियों 5:5

येढ़े माहणुये जो शैतान्ना जो सौंपया जाओ, ताकि तिसरा शरीर नाश हुईजो कने तिसरी आत्मा प्रभु यीशुये रे वापस औणे रे दिना च छुटकारा पाई सक्को।

1 कुरिन्थियों 7:5

तुहें इक दुज्जे ते लग नीं रौआ; पर सिर्फ किछ बगता तका इक्की दुज्जे रिया सहमतिया ते प्राथना खातर बगत मिलो। कने फेरी इकट्ठे हुईजो; येढ़ा नीं हो भई तुहांरे असंयम रिया वजह ते शैतान तुहांजो परखो।

2 कुरिन्थियों 11:14

इसच कोई हैरानिया री गल्ल नीं, काँह्भई शैतान बी त परमेशरा रे चमकणे औल़े दूता रा रुप धारण करी लेआं।

2 कुरिन्थियों 12:7

पर तिन्हां अदभुत दर्शणां रे बारे च मिन्जो बौहत गर्व नीं हूणा चाहिन्दा, तिन्हौं जे परमेशरे मिन्जो दस्सीरा। इस खातर मेरे शरीरा च इक कन्डा चुभाया गया था भई शैतान्ना रा इक दूत मिन्जो बौहत पीड़ा देओ, ताकि हऊँ घमण्ड नीं करूँ।

2 कुरिन्थियों 2:11

ताकि शैतान अहांजो धोखा नीं देई सक्को; काँह्भई तिसरियां साजिशां ते अहें अंजाण नींये।

याकूब 4:7

इस खातर खुद परमेशरा रे अधीन हुई जवा, कने शैतान्ना रा बरोध करा, तिस तुहांरे सामणे ते नट्ठी जाणा।

1 पतरस 5:9

अपणे विश्वासा पर मजबूत रैईने तिसरा मुकाबला करा कने ये जाणी लो भई तुहांरे साथी विश्वासी सै जे इस संसारा चे, इस इ तरिके री पीड़ा सैई रायें।