मत्ती 3:11 - बिलासपुरी नौआं नियम

¹¹ “हऊँ त तुहांजो तुहांरे मन बदलने खातर पाणिये ते बपतिस्मा देआं, पर तिस जे मेरते बाद प्रचार करने औणा, सै माहते जादा सामर्थी आ; कने हऊँ तिसरे मुकावले किछ बी नींआ, हऊँ इक्की सेवका रा सब्बीं ते छोट्टा काम्म तिस खातर करना चाऊँ, तां तिस बी लायक नींआ। तिस तुहांजो पवित्र आत्मा कने अग्गी ते बपतिस्मा देणा।

मत्ती 3:11 ပူးပေါင်းရင်းမြစ်များ

मत्ती 3:6

कने अपणे-अपणे पापां जो मन्नी लेणे ते बाद यूहन्ने तिन्हांजो यरदन नदिया च बपतिस्मा दित्या।

मरकुस 1:4

यशायाह भविष्यवक्ते जिस सनेहा देणे औल़े माहणुये रे बारे च लिखया था ये सै यूहन्ना था, तिसजो जे लोक बपतिस्मा देणे औल़ा बोलां थे। सै जे सुनसान जगह च बपतिस्मा देआं, कने लोकां जो ये प्रचार कराँ था भई “अपणे पापी स्वाभावा जो बदला कने मांह तुहांजो बपतिस्मा देणा, तां परमेशरा तुहांरे पाप माफ करने।”

लूका 1:17

यूहन्ना परमेशरा रे सेवक एलिय्याह री आत्मा च कने सामर्थया च भरी ने तिसरे अग्गे-अग्गे चलना। ताकि परमेशरा रे औणे ते पैहले लोकां रे मनां जो परमेशरा जो ग्रहण करने खातर त्यार करी सक्को। तेरे पुत्रा, मौ-बुढ़यां रा मन अपणे बच्चयां री तरफ फेरना, कने तिस हुक्मा जो नीं मनणे औल़े लोकां जो हुक्म मनणे रा ज्ञान सखाणा।”

लूका 3:16

तां यूहन्ने येढ़ा बोलीने तिन्हारे सवाला रा जवाब दित्या, “हऊँ त तुहांजो पाणिये च बपतिस्मा देआं, पर सै औणे औल़ा सै जे मेरते बी सामर्थी आ; हऊँ तिसरे मुकावले किछ बी नींआ, हऊँ इक्की सेवका रा सब्बीं ते छोट्टा काम्म तिस खातर करना चाओ, तां बी लायक नींआ। तिस तुहांजो पवित्र आत्मा कने अग्गी च बपतिस्मा देणा।

लूका 3:3

कने सै यरदन रे आसे पासे रे सारे प्रदेशा च आईने, अपणे पापां रिया माफिया रे खातर मन फिरावा रे बपतिस्मे रा प्रचार करने लगया।

यूहन्ना 1:15

यूहन्ने तिसरे बारे च गवाही दित्ति, कने जोरा ने बोल्या, “येई हाया सै, तिसरा जे मैं बखान कित्या भई सै जे मेरे बाद तुहांजो प्रचार करने आई कराँ, सै सामर्था च माहते बधी नेआ, काँह्भई सै माहते पैहले था।”

यूहन्ना 1:30

ये सैई आ तिसरे बारे च मैं गलाया था, ‘इक माहणु तिस जे मेरे बाद तुहांजो प्रचार करना सै सामर्था च माह्ते बी बड्डा, काँह्भई सै माह्ते पैहले था।’

प्रेरितां 1:5

काँह्भई यूहन्ने त पाणिये च बपतिस्मा दित्तिरा, पर थोड़यां दिना ते बाद परमेशरा तुहां च वास करने खातर पवित्र आत्मा भेजणा।”

प्रेरितां 19:4

पौलुसे गलाया, “यूहन्ने ये बोलीने मन फिराणे रा बपतिस्मा दित्या भई सै जे मेरे बाद औणे औल़ा, तिस पर यनि यीशु मसीह पर विश्वास करयों।”

प्रेरितां 8:36

रस्ते च चलदे-चलदे सै इक्की पाणिये रिया जगह पुज्जीगे। तां खोज्जे गलाया, “देख येत्थी पाणी आ, हुण मिन्जो बपतिस्मा लेणे च क्या रोक इ।”

प्रेरितां 8:38

तां तिने रथ खड़ा करने रा हुक्म दित्या, कने फिलिप्पुस कने खोज्जा दोन्नो पाणिये च उतरीगे, कने फिलिप्पुसे खोजे जो बपतिस्मा दित्या।

1 कुरिन्थियों 12:13

काँह्भई अहें सब्बीं क्या यहूदी, क्या यूनानी, क्या दास, क्या अजाद, इक्की आत्मा रे जरिये इक देह हुणे रे खातर बपतिस्मा लैया, कने अहें सब्बीं इक इ आत्मा पाईरा।

इफिसियां 3:8

हलाँकि हऊँ सब पवित्र लोकां च छोट्टयां ते बी छोट्टा, परमेशरे अनुग्रह ने मिन्जो ये मौका दित्या ताकि हऊँ अन्यजातियां जो मसीह री अपार आशीषां री खुशखबरी सुणाऊँ।

तीतुस 3:5

तां तिने अहांरे पापां रिया सजा ते अहांजो बचाया; कने ये भलयां कम्मां रिया वजह ते नीं, सै जे अहें अप्पूँ कित्ते थे, पर अपणी दया रिया वजह ते। परमेशरे अहांजो नया जीवन दित्या कने तिने अहांरे पापां जो अहांते दूर करीने इक नये तरिके ने बर्ताव करने खातर अहांरी मदद कित्ती; तिने अहांरे अन्दर पवित्र आत्मा जो रखणे रे जरिये ये कित्या।

1 पतरस 5:5

इस तरिके ने नौजबानो, तुहें बी अपणे बजुर्गां रे अधीन रौआ कने तुहें सारे नम्रता ने इक्की दुज्जे रिया सेवा खातर कमर बन्हीने रा त्यार रौआ, काँह्भई, “परमेशर घमण्डियां रा बरोध कराँ, पर नम्र लोकां पर अनुग्रह कराँ।”