मत्ती 27:54 - बिलासपुरी नौआं नियम

⁵⁴ फेरी सुबेदार कने होर सिपाही सै जे तिस सौगी यीशुये रा पैहरा देई कराँ थे, हिल्लण कने सै जे किछ तित्थी हुया था तिस्सो देखीने बड़े भरी डरिये कने गलाया, “सच्ची जो ये परमेशरा रा पुत्र था।”

मत्ती 27:54 ပူးပေါင်းရင်းမြစ်များ

मत्ती 26:63

पर यीशु चुप रैया। फेरी महायाजके तिसते पुच्छया, “हऊँ तिज्जो जिऊंदे परमेशरा री सगन्द देआं भई जे तू परमेशरा रा पुत्र मसीह आ तां अहां ने गलाईदे।”

मत्ती 27:36

कने तित्थी बैठीने तिसरा पैहरा देणे लगे।

मत्ती 27:40

कने बोलीराँ थे, “अरे मन्दरा जो ढाईने तिज्जे दिन भीं ते बनाणे औल़े, अप्पूँजो त बचा! जे तू परमेशरा रा पुत्र आ तां क्रूसा परा ते उतरी ने थल्ले औ।”

मत्ती 27:43

इने परमेशरा पर भरोसा रखया; जे सै इस्सो चाँह, तां हुण इसजो छडवाई लो, काँह्भई इने गलाया था, हऊँ परमेशरा रा पुत्र आ।”

मत्ती 27:51

कने देक्खा, मन्दरा रा पड़दा उपरा ते लेईने थल्ले तक फटीने दो टुकड़े हुईग्या; धरती कम्बीगी कने चट्टानां फटणे लगी गियां,

मत्ती 4:3

तां परखणे औल़े शैताने नेड़े आईने तिसजो गलाया, “जे तू परमेशरा रा पुत्र आ, तां इन्हां पत्थराँ जो हुक्म देईने साबित कर, भई ये रोटियां बणी जो, ताकि तू खाई सक्को।”

मत्ती 8:5

फेरी ताहली जे सै कफरनहूम नगरा च आया तां इक रोमी सेनापतिये तिसले आईने बिनती कित्ती, भई सै आईने मेरी मदद करो,

मरकुस 15:39

सै सुबेदार जे तिसरे सामणे खढ़िरा था, तंजे तिस्सो तियां रड़ाईने प्राण छडदे देख्या, तां तिने गलाया, “सचमुच ये माहणु, परमेशरा रा पुत्र था।”

लूका 22:70

फेरी तिन्हे गलाया, “तां तुहांरे बोलणे रा मतलब येआ भई तुहें परमेशरा रे पुत्र ये?” यीशुये तिन्हाजो जबाब दित्या, “तुहें ठीक गलाया, हऊँ हाया।”

यूहन्ना 19:7

यहूदी अगुवेयां तिस्सो जबाब दित्या, “अहांरी इक व्यवस्था इ कने तिसा व्यवस्था रे मुतावक मौती रिया सजा रे लायक आ, काँह्भई ये अप्पूँजो परमेशरा रा पुत्र हुणे रा दावा करां।”

प्रेरितां 10:1

कैसरिया नगरा च कुरनेलियुस नौआं रा इक माहणु था, सै जे इतालियानी नौआं रिया पलटना रा सुबेदार था।

प्रेरितां 2:37

तां सुणने औल़यां लोकां जो ये विश्वास हुईग्या था भई तिन्हें कोई गल़त काम्म कित्या, कने सै पतरस कने प्रेरितां ते पुछणे लगे, “हे भाईयो, अहें क्या करिये?”

प्रेरितां 21:32

“ताहली सै ताहलु इ सपाईयां कने सुबेदाराँ जो लईने तिन्हां लौ थल्ले दौड़ीने गये; कने लोकें पलटना रे सरदाराँ कने सपाईयां जो देखीने पौलुसा जो मारना-कुटणा छड्डीत्या।

प्रेरितां 23:17

पौलुसे सुबेदाराँ चते इक्की जो अप्पूँ ला सद्दीने गलाया, “इस जवाना जो पलटना रे सरदारा ला लई जावा, ये तिसने किछ बोलणा चाँह।”

प्रेरितां 23:23

फेरी पलटना रे सरदारे दो सुबेदाराँ जो सद्दीने गलाया, “दो सौ सैनिक, सत्तहर स्वार, कने दो सौ भाले औल़े, राति रे नौ बजे ते बाद कैसरिया नगरा जो जाणे खातर त्यार करी रखयों।

प्रेरितां 27:1

ताहली जे फिस्तुस राजपाला रे जरिये ये तैह कित्या गया भई अहां जहाजा च इतालिया प्रदेशा रे रोम नगरा च जाईये, तां तिन्हें पौलुस कने किछ होरीं कैदियां जो बी यूलियुस नौआं रे बादशाह औगस्तुस रिया पलटना रे इक्की सुबेदारा रिया निगरानिया च सौंपीत्या।

प्रेरितां 27:43

पर सुबेदारे पौलुसा जो बचाणे रिया इच्छा ते तिन्हौं इस बचारा ते रोकया कने ये गलाया, भई सै जे तैरी सक्कां ये, पैहले छाल मारीने कनारे पर निकल़ी जाओ;

रोमियो 1:4

कने पवित्र आत्मा रे जरिये यीशु मसीह मूईरेयां चते जिऊंदा हुईने सामर्था सौगी परमेशरा रा पुत्र घोषित कित्या गया।

प्रकाशितवाक्य 11:13

फेरी तिस इ वगत इक बड्डा हिलण हुआ, कने नगरा रा दसवां हिस्सा टिरीग्या; तिस हिलणा ते सात्त हज़ार माहणु मरीगे, कने बाकी बचीरे लोक डरीगे कने स्वर्गा रे परमेशरा री महिमा कित्ती।