मत्ती 27:2 - बिलासपुरी नौआं नियम

² फेरी सै तिस्सो बन्हीने दूर लेईये कने राजपाल पिलातुसा रे हत्थे सौंपीत्या।

मत्ती 27:2 ပူးပေါင်းရင်းမြစ်များ

मत्ती 20:19

कने मिन्जो अन्यजातियां रे हवाले कित्या जाणा, भई सै मेरा मजाक डवाओ, कने कोड़े मारो, कने मिन्जो क्रूसा पर चढ़ाओ, कने मांह तिज्जे दिन मूईरयां ते जिऊंदा हुई जाणा।”

मत्ती 28:14

जे तुहांरी ये गल्ल राजपाला रे कन्नां तक पुज्जी जांगी, तां अहें तिस्सो समझाई लेंगे कने तुहां पर कोई आँच नीं औणे देंगे।”

लूका 13:1

तिस वगत किछ लोक, सै जे ऊथी थे तिन्हें यीशुये जो इसा गल्ला रे बारे च दस्या भई ताहली जे गलील प्रदेशा रे किछ लोक यरूशलेम रे मन्दरा च अपणे पाल़ी रे पशुआं री बल़ि देई कराँ थे, ताहली पिलातुस राजपाले पशुआं रिया बल़िया सौगी तिन्हारा बी खून बहाया था।

लूका 20:20

सै सही मौके रिया तलाशा च थे, इस खातर तिन्हे अगुवेयां किछ जासूसां जो धर्मी माहणुआं रे भेषा च भेज्या भई यीशुये री कोई येढ़ि गल्ल पकड़ा तिसरी शिकायत जे अहें अधिकारियां ने करी सक्को ताकि सै तिसजो गिरफ्तार करी लो।

लूका 23:1

फेरी तिन्हारी सारी पंचायत उट्ठीने खढ़ी हुई कने सै तिस्सो पिलातुस राजपाल्ला रे सामणे लेईगे।

लूका 23:12

राजा हेरोदेस कने पिलातुस राजपाल सै जे पैहले इक दुज्जे रे दुश्मण थे, तिस दिन सै दोन्नों मित्र बणिगे।

लूका 3:1

रोम देशा रे बादशाह तिबिरियुस रे राज्जा रे पन्द्रहवे साल्ला च ताहली जे पुन्तियुस पिलातुस यहूदिया प्रदेशा रा राजपाल था, कने तिस देशा रे चौथे हिस्से रे राजयां च हेरोदेस गलील इलाके रा कने तिसरा भाई फिलिप्पुस इतुरैया कने त्रखोनीतिस जिले रा, कने लिसानियास अबिलेने प्रदेशा रे चौथे हिस्से बिच राज कराँ था।

यूहन्ना 18:12

फेरी रोमी टुकड़िया रे सिपाईयें कने तिन्हांरे सुबेदारें कने यहूदियां रे मन्दरा रे पैहरा देणे औल़यां यीशुये जो कैद करील्या।

यूहन्ना 18:24

फेरी हन्ने यीशुये जो बझीरे जोई महायाजक कैफा लौ भेजित्या।

यूहन्ना 18:28

फेरी सै सवेरे रे बगत यीशुये जो कैफा रे घरा ते रोम रे राजपाल पिलातुस ले मैहला जो लईगे, पर यहूदी लोकां चते कोई बी राजपाला रे मैहला च जान्दा, तां सै अपवित्र हुई जान्दा कने तिस्सो फसह री रोटी खाणे री अनुमति नीं मिलदी।

प्रेरितां 12:6

तां जे हेरोदेस तिस्सो लोकां रे सामणे न्याय करने जो ल्यौणे इ औल़ा था, तिसा राति पतरस दुईं जंजीराँ ते बन्हीरा दुईं सपाहियां रे बिच सुतीरा था; कने पैहरा देणे औल़े, दरवाजे पर जेल खाणे री रखवाली करया राँ थे।

प्रेरितां 21:33

फेरी पलटना रे सरदारे पौलुस रे नेड़े आईने तिस्सो पकड़ील्या; कने दुईं जंजीराँ च बन्हणे रा हुक्म देईने पुछणे लगया ये कुण आ कने इने क्या कित्तिरा?”

प्रेरितां 22:25

ताहली जे तिने तिस्सो चमड़े रिया पेट्टिया ने बन्हया, तां पौलुसे तिस सुबेदारा जो सै जे सौगी खढ़िरा था, गलाया, “क्या ये ठीक आ भई तुहें इक्की रोमी माहणुये जो, कने सै बी बिणा दोष साबित हुये, कोड़े मारो?”

प्रेरितां 22:29

तां सै जे लोक परखणे लगे थे, सै ताहलूं इ तिसला ते हटीगे; कने पलटना रा सरदार बी येढ़ा जाणीने भई ये रोमी आ कने मैं तिस्सो बन्हीरा डरी गया।

प्रेरितां 24:27

पर ताहली जे दो साल बितिगे तां, फेलिक्स रिया जगह पर पुसकियुस फेस्तुस राजपाल बणया; कने फेलिक्स यहूदियां जो खुश करने खातर पौलुसा जो कैदी रणी त्या।

प्रेरितां 28:20

इस खातर मैं तुहांजो सदया भई तुहांजो मिलूँ कने गल-बात करूँ; काँह्भई इस्राएल री आशा यनि मसीह रे खातर हऊँ इस जंजीरा च जकड़ी रा।”

प्रेरितां 3:13

अब्राहम कने इसहाक कने याकूब रे परमेशर, कने अहांरे पूर्वजां रे परमेशरे अपणे सेवक यीशु री महिमा कित्ती, तिस्सो जे तुहें यहूदी अगुवेयां ले मारने जो पकड़वाईत्या। ताहली जे राजपाल पिलातुसे तिस्सो छडणे रा बचार कित्या, तां तुहें तिसरे सामणे तिसरा इन्कार कित्या।

प्रेरितां 4:27

“काँह्भई सचमुच तेरे सेवक यीशुये रे बरोधा च, तिस राजे तैं अभिषेक कित्या, हेरोदेस कने पुन्तियुस पिलातुस बी अन्यजातियां कने इस्राएलियां ने सौगी इस नगरा च कट्ठे हुये,

प्रेरितां 9:2

कने तिसरे दमिश्क नगरा रे यहूदी सभा घराँ रे अगुवेयां जो ये चिट्ठी लिखणे जो विनती कित्ती, तिसते शाऊला जो तित्थी जे कोई मसीह पर विश्वास करने औल़े मिलो, फेरी चाये सै जनाना ओ, या चाये मर्द, तां सै तिन्हांजो बन्दी बणाई सक्को कने फेरी वापस यरूशलेम नगरा च ली आओ।

1 तिमुथियुस 6:13

परमेशरा जो गवाह मन्नीने सै जे सब्बीं जो जिन्दगी देआं, कने यीशु मसीह जो बी गवाह मन्नीने तिने जे पुन्तियुस पिलातुसा रे सामणे अपणे बारे च सच्च बोल्या था, हऊँ तिज्जो हुक्म देआं,

2 तिमुथियुस 2:9

तिसरे खातर जे हऊँ अपराधिये साई दुख सैया राँ, येत्थी तक भई हऊँ जंजीरा च जकड़ी रा। पर कोई बी माहणु लोकां जो परमेशरा रे वचना रा प्रचार करने ते रोकी नीं सकदा।

इब्रानियों 13:3

कैदियां रे प्रति तुहांरा व्यवहार येढ़ा ओ भई मन्नो तुहें खुद तिन्हां साई जेल्ला च ओ, कने तिन्हांने जे बुरा बर्ताव हुया राँ तिन्हांजो ये मन्नीने याद करा भई तुहां सौगी ये बुरा बर्ताव हुया राँ।