मत्ती 24:9 - बिलासपुरी नौआं नियम

⁹ “फेरी तुहांरे शत्रुआं तुहांजो सताणे खातर पकड़वाणा, कने तुहें मरवाई देणे, काँह्भई मांह पर विश्वास करने रिया वजह ते सारी जातियां रे लोकां तुहांजो बैर रखणा।

मत्ती 24:9 ပူးပေါင်းရင်းမြစ်များ

मत्ती 22:6

कने किछ लोकें त राजे रे सेवका जो पकड़ीने तिसने मार-कुट किति कने जानी ते मारीते।

मत्ती 23:34

इस खातर देक्खा, हऊँ तुहांले भविष्यवक्तयां कने बुद्धिमानां कने शास्त्रियां जो भेज्जां; कने तुहें तिन्हां चते किछ जो मारी देणा, कने किछ लोक क्रूसा पर चढ़ाणे कने किछ जो अपणे यहूदी सभा घराँ च कोड़े मारने कने इक्की नगरा ते दुज्जे नगरा च खदेड़दे फिरगे।

लूका 11:49

परमेशरे अपणिया बुद्धिया ने तुहांरे खातर येढ़ा गलाया, ‘हऊँ तिन्हाले भविष्यवक्तयां कने प्रेरितां जो भेजगा, तिन्हांजे इन्हां चते किछ मारी देणे कने किछ पर जुल्म करने।’

लूका 21:12

पर इन्हां सारियां गल्लां ते पैहले, तिन्हां माह पर विश्वास करने रिया वजह ने तुहें पकड़ने, कने सताणे, कने यहूदी सभा घराँ च सौंपणे, कने जेल्लां च पाये जाणे, कने राजयां कने राजपालां रे सामणे लैई जाणे।

यूहन्ना 15:18

“जे ये संसार रे लोक तुहांजो बैर रखां ये तां याद रखा भई तिन्हें तुहांते पैहले मेरने बैर रखया।

यूहन्ना 15:21

मेरा चेला हुणे रिया वजह ते लोकां तुहांजो ये सब किछ करना, काँह्भई सै नीं जाणदे भई मिन्जो किने भेज्जिरा।

यूहन्ना 16:2

तिन्हां तुहांजो यहूदी सभा घराँ चते कडी देणा : सचमुच इ सै बगत आया रां ताहली जे तुहां चते किसी जो बी मारीने तिन्हां येई सोचणा, भई सै परमेशरा री ही इच्छा पूरी करया रायें।

प्रेरितां 28:22

पर तेरा विचार क्या? तिस्सो इ अहें तेरते सुणना चांये, काँह्भई अहें जाणाँ यें भई हर जगह इस मता रे बरोधा च लोक गल्लां कराँ ये।”

प्रेरितां 7:59

सै स्तिफनुसा पर पत्थर मारदे रै, कने सै येढ़ा बोलीने प्राथना करदा रैया, “हे प्रभु यीशु, मेरी आत्मा जो लईले।”

1 पतरस 4:16

पर जे कोई मसीह रा विश्वासी हुणे रे रिया वजह ने दुख सैयां, तां शर्मिन्दा नीं ओ, बल्कि इसा गल्ला रे खातर परमेशरा री स्तुति करो।

प्रकाशितवाक्य 2:10

सै दुख जे तिज्जो झलणे पौणे, तिन्हांते मत डर; काँह्भई, शैतान दुज्जे किछ लोकां रे जरिये तुहांजो परखणे खातर तुहां चते किछ लोकां जो जेल्ला च पाई देणा; कने तुहौं दस्सां दिनां तक दुख सैहणे पौणा। आखरी सांस तक बफादार बणीने रै, फेरी मांह तिज्जो जीवना रा मुकट देणा।

प्रकाशितवाक्य 2:13

हऊँ येत जाणाँ, भई तू ओत्थी रैआं तित्थी जे शैतान राज कराँ; कने तू मांह पर लगातार मजबूतिया ने विश्वास कराँ कने तैं तिन्हां दिनां च बी मांह पर विश्वास करना नीं छड्डया, ताहली जे मेरा बफादार गवाह अन्तिपास तिसा जगह मारया गया, तित्थी जे शैतान वास कराँ।

प्रकाशितवाक्य 7:14

मैं तिसजो जबाब दित्या, “हे स्वामी, हऊँ नीं जाणदा, पर तूई जाणाँ।” तिने मेरने गलाया, ये सै लोक ये, सै जे तिस बड़े दुखा ते निकल़ीने आईरे; इन्हें अपणे कपड़े मेमने रे खून्ना ने धोईने चिट्टे कित्तिरे।