मत्ती 24:7 - बिलासपुरी नौआं नियम

⁷ हर इक्की जातिया दुज्जिया जातिया रे बरोधा च खढ़ना, कने इक्की देशा दुज्जे देशा रे बरोधा च खढ़ना, कने जगह-जगह नकाल़ पौणे, कने हिल्लण हुणे।

मत्ती 24:7 ပူးပေါင်းရင်းမြစ်များ

लूका 21:11

मतियां जगहां पर हिल्लण हुणे, कने जगह-जगह नकाल़ पौणे, महामारी फैलणी, कने अम्बरा च येढ़ियां घटनां घटणियां भई माहणुआं डरीने कम्बी जाणा कने बड्डे-बड्डे निशाण परगट हुणे।

प्रेरितां 11:28

तिन्हां चते अगबुस नौआं रे इक्की भविष्यवक्ते खड़ीने पवित्र आत्मा रिया प्रेरणा ते ये दस्या भई संसारा रे बौहत सारयां देशां च नकाल़ पौणा, कने सै नकाल़ कलौदियुस बादशाह रे बगता च हुया।

प्रेरितां 2:19

कने मांह ऊपर अम्बरा च नोखे काम्म कने थल्ले धरतिया पर चमत्कार, मतलब खून कने आग्ग कने धुयें रा बद्दल़ दसणा।

इब्रानियों 12:27

कने ये गल्ल भई, “इक बार फेरी” इसा गल्ला जो दस्सां भई बणाई हुई चीजां हिल्ली जाणियां, कने सै हटाई दित्ति जाणियां ताकि सै चीजां जे हिलाई नीं जाई सकदियां सै अटल रैहणियां।

प्रकाशितवाक्य 6:12

ताहली जे मैं मेमने जो छेऊँइ सील तोड़दे हुये देख्या, तां इक बड्डा हिलण हुआ, कने सूरज बाल़ां रे बणाईरे कम्बल़ा साई काला कने पूरा चन्द्रमा खून्ना साई लाल हुईग्या।

प्रकाशितवाक्य 6:5

ताहली जे मेमने तिज्जी सील तोड़ी, तां मैं तिज्जे जिऊंदे प्राणिये जो येढ़ा बोलदे सुणया, “औ!” मैं तित्थी इक काल़े रंगा रा घोड़ा देख्या, तिसरे स्वारा रे हत्था च इक तकड़ी थी।

प्रकाशितवाक्य 6:6

फेरी मैं तिन्हां जिऊंदे चऊँ प्राणियां रे बिच्चा ते इक अवाज़ ये बोलदे सुणी, “इक दिनारा री इक किलो कणक, कने दिनारा रा तिन्न किलो जौ, पर तेल कने दाखरसा रा नुक्शान नीं करना।”

प्रकाशितवाक्य 6:8

मैं इक हल्के पिऊल़े रंगा रा घोड़ा देख्या, कने तिसरे स्वारा रा नौं मौत आ; कने अधोलोक तिसरे पिच्छे-पिच्छे जाया राँ था; कने तिन्हांजो धरतिया रे चौथे हिस्से पर ये अधिकार दित्या गया, भई तलवार, नकाल़, महामारी, कने धरतिया रे वन पशुआं रे जरिये लोकां जो मारी दो।