मत्ती 24:3 - बिलासपुरी नौआं नियम

³ ताहली जे यीशु जैतून पहाड़ा पर बैठिरा था, तां चेलयां चुपचाप तिसले आईने गलाया, “अहांजो ये दस्स भई ये गल्लां कदीं हूणी? ताहली जे तू वापस औणा कने इस संसारा रा खात्मा हुणे रा बगत औंणा तां तिसरे क्या संकेत हुणे?”

मत्ती 24:3 ပူးပေါင်းရင်းမြစ်များ

मत्ती 13:36

फेरी यीशु लोकां रिया तिसा भीड़ा जो विदा करीने घरें आया कने तिसरयां चेलयां तिसले आईने बोल्या, “खेता रे जंगली दाणे रा उदाहरण अहांजो समझा।”

मत्ती 13:49

सृष्टिया रे अन्त च येढ़ा इ हूणा। स्वर्गदूतां आईने पापियां जो धर्मियां चते छान्टीने लग करना,

मत्ती 15:12

फेरी यीशुये रे चेले तिसले आये कने गलाया, “क्या तिज्जो पता भई तेरिया गल्ला रा फरीसियें बड़ा बुरा मन्नया?”

मत्ती 16:27

माहणुये रा पुत्र स्वर्गदूतां सौगी अपणे पिता रिया महिमा च औणे औल़ा, तिसजे हर किसी जो तिसरे कर्मां रे मुतावक ईनाम देणा।

मत्ती 16:28

हऊँ तुहांजो बोलां भई येत्थी किछ येढ़े तिन्हां तदुआं तक नीं मरना, तदुआं तक जे माहणुये रे पुत्रा जो तिसरे राज्जा च औन्दे हुये नीं देक्खी लो।”

मत्ती 17:19

फेरी तिसरे चेलयां कल्हिया जेईया जाईने यीशुये ते पुच्छया, “अहें इसा बुरीआत्मा जो बाहर काँह नीं कड्डी सक्के?”

मत्ती 21:1

यीशु कने तिसरे चेले ताहली जे यरूशलेम नगरा रे नेड़े पुज्जे कने जैतून पहाड़ा पर बैतफगे गाँवां च पुज्जे, तां यीशुये अपणे दुईं चेलयां जो ये हुक्म देईने भेज्या, भई

मत्ती 24:27

“हऊँ ये बोलीराँ काँह्भई तियां जे बिज्जल़ पूरबा ते शुरु हुईने पच्छमा रे अम्बरा तक चमकां इ, माहणुये रे पुत्रा रा औणा बी तियां इ हूणा।

मत्ती 24:30

तिस बगत माहणुये रे पुत्रा रे औणे रा नशाण अम्बरा च परगट हूणा, कने फेरी धरतिया पर सारी जातियां रे लोकां छाती पिट देयां बलाप करना; कने तिन्हां माहणुये रे पुत्रा जो बड्डिया सामर्थ कने महिमा सौगी स्वर्गा रे बद्दल़ा पर औन्दे देखणा।

मत्ती 24:37

तेढ़ा जे नूँह रे दिनां च हुया, तियां इ माहणुये रे पुत्रा रा औणा बी हूणा।

मत्ती 24:39

कने ताहलुआं तक जे जलजला आईने तिन्हां सब्बीं जो बहाई ने नीं लेईग्या, तदुआं तक तिन्हांजो कोई पता नीं था; तियां इ माहणुये रे पुत्रा रा औणा बी हूणा।

मत्ती 24:43

पर ये जाणी लवा भई जे घरा रा मालक जाणदा हुन्दा भई चोरा राति जो किसा घड़िया आई जाणा तां सै जागदा रैहन्दा, कने चोरा जो अपणे घरें बड़ने नीं देन्दा।

मत्ती 28:20

कने तिन्हांजो ये सारी गल्लां सै जे मैं तुहांजो आज्ञा दित्तिरी, मनणा सखाओ; कने याद रखा, हऊँ संसारा रे अन्ता तक सदा तुहांरिया सौगी आ।”

लूका 21:7

तिन्हे यीशुये ते पुच्छया, “गुरू जी, ये सब गल्लां कदीं हूणी? कने ताहली जे ये गल्लां पूरी हुणे औल़ी हूणी तां तिसरे क्या संकेत हुणे?”

प्रेरितां 1:7

यीशुये तिन्हांजो जबाब दित्या, “तिस बगता जो जाणना तुहांरा काम्म निआं, तिन्हांजो जे पिता परमेशरे अपणे अधिकारा च रखीरा।

इब्रानियों 9:26

नैत फेरी मसीह जो संसारा रिया सृष्टिया तेई कई बार दुख सैहणे पौन्दे। पर हुण आखिरी वगता पर अपणे बलिदान्ना रे जरिये पापां रा अन्त करने रे खातर मसीह हमेशा-हमेशा जो इक इ बार प्रगट हुईगरा।