मत्ती 22:4 - बिलासपुरी नौआं नियम

⁴ तिने अपणे सेबक फेरी भीं भेज्जे, तिने गलाया भई सै लोक जे ब्याह रिया धाम च सद्दीरे तिन्हांजो बोल्ला, ‘देक्खा ब्याह री धाम बणीने त्यार हुईगरी, मेरे पाल़े हुये मोटे ताजे बकरे बड्डी तरे, कने सारा किछ बणीने त्यार आ; ब्याह री धाम खाणे जो औआ।’

मत्ती 22:4 ပူးပေါင်းရင်းမြစ်များ

मत्ती 21:36

फेरी मालके होर दास भेज्जे, कने तिन्हें तिन्हाने बी तेढ़ा इ बर्ताव कित्या।

मत्ती 22:5

पर तिन्हें लोकें तिस पर कोई ध्यान नीं दित्या कने सै चलीगे : कोई अपणे खेता च काम्म करने जो चलिग्या, तां कोई अपणे काम्म धन्दे पर चलिग्या।

मत्ती 22:8

फेरी राजे सेबकां ने गलाया, ‘ब्याह री धाम त त्यार इ पर सै लोक जे न्यून्दा देईने सद्दीरे थे सै लोक इसा ईज्जता रे लायक नीं हुये।

लूका 14:17

ताहली जे खाणा बणीने त्यार हुईग्या, तां तिने अपणे दास्सा रे हात्थ मेहमान्नां जो ब्योरा भेज्या, ‘भई हुण खाणा त्यार आ।’

प्रेरितां 1:8

पर तां जे पवित्र आत्मा तुहांले औणा तां तुहांजो सामर्थ मिलणी; कने यरूशलेम नगर कने सारे यहूदिया कने सामरिया प्रदेशा च कने सारे संसारा च मेरे गवाह हुणे।”

प्रेरितां 13:46

तां पौलुसे कने बरनबासे निडर हुईने गलाया, “जरूरी था भई परमेशरा रा वचन पैहले तुहांजो सुणाया जान्दा; पर ताहली जे तुहें तिसरा इन्कार कराँ ये, कने अप्पूँजो अनन्त जीवना रे लायक नीं ठहराँदे, तां हुण अहें अन्यजाति लोकां ले जाणा।

रोमियो 8:32

परमेशरे अपणे पुत्रा जो बी नीं बचाया, पर तिस्सो अहां सारयां रे खातर अपणे दुश्मणा रे हवाले करित्या, तिस अहांजो अपणे पुत्रा सौगी सै सब किछ देणा तिस्सो देणे रा जे तिने अहांने वायदा कित्तिरा था।