मत्ती 22:10 - बिलासपुरी नौआं नियम

¹⁰ सै दास फेरी गलियां कने चौकां च गये कने सै जे खरे बुरे लोक तिन्हाजो मिले तिन्हां सबनीं जो सै कट्ठा करीने ली आये, कने ब्याह रा घर मेहमान्नां ने भरीग्या।

मत्ती 22:10 ပူးပေါင်းရင်းမြစ်များ

मत्ती 13:38

कने खेत संसारा रे लोक ये, खरे ब्यू परमेशरा रे राज्जा रे लोक ये, कने जंगली ब्यू शैतान्ना रे लोक ये।

मत्ती 22:9

इस खातर तुहें गलियां कने चौकां पर जावा, तित्थी तुहांजो जितने बी लोक मिलो, सब्बीं जो ब्याह रिया धाम्मा च सद्दीने ली औआ।’

मत्ती 25:10

ताहली जे सै खरीदी ने लौणे जो जाणे लगियां तां लाड़ा आई पुज्जया, कने सै कन्यां जे त्यार थिआं, सै तिस सौगी ब्याह रे घरा च चलीगियां कने दरवाजा बन्द करित्या।

मत्ती 9:15

यीशु तिन्हांजो उदाहरण देईने ये दसणा चाँह, भई “क्या बरातिये, तदुआं तक जे लाड़ा तिन्हां सौगी आ, दुख मनाई सक्कां ये? पर सै दिन औणे भई ताहली जे लाड़ा तिन्हाते लग कित्या जाणा, तिस बगत सै दुखी हुणे कने उपवास रखणा।

2 कुरिन्थियों 12:21

मिन्जो डर आ भई ताहली जे हऊँ फेरी तुहांजो मिलणे आऊं, तां तुहांरे सामणे मेरा परमेशर किति मेरी बेज्जति नीं करो, कने मिन्जो तिन्हां बौहत लोकां रे खातर बिलाप नीं करने पौ, तिन्हेंजे पैहले पाप कित्तिरा था, कने गन्दे काम्म, कने व्याभिचार, कने भोग-विलासा च डुब्बीरे मन नीं फिराया।

1 यूहन्ना 2:19

सै मसीह रा बरोध करने औल़े अहांरा साथ छड्डी ने चली गरे, पर सै अहांरे अपणे नीं थे। जे सै अहांरे अपणे हुन्दे, तां अहांने सौगी रैहन्दे। पर सै अहांजो छड्डी गरे ताकि परमेशर अहांजो ये दस्सी सक्को भई तिन्हां चते कोई बी अहांरा निआं।

प्रकाशितवाक्य 5:9

कने सै ये नया गीत गाणे लगे भई, “तू इसा कताबा जो लेणे, कने इस रियां सीलां खोलणे लायक आ; काँह्भई तैं बध हुईने अपणे खून्ना ने हरेक कुल़, भाषा, लोक कने जातियां चते परमेशरा खातर लोकां जो खरीदी लरा,

प्रकाशितवाक्य 7:9

इन्हां गल्लां रे बाद मैं हर इक जाति, कने कुल़, कने लोक, कने भाषा चते इक येढ़ि बड्डी भीड़ देक्खी, तिसाजो जे कोई गिणी नीं सकदा था। सै चिट्टे कपड़े पैहनीने कने अपणे हत्थां च खजूरा रियां डाल़ियां लेईरी संघासणा रे सामणे कने मेमने रे सामणे खढ़िरे;