मत्ती 2:4 - बिलासपुरी नौआं नियम

⁴ फेरी तिने यहूदी समाजा रे सारे मुखियायाजकां कने यहूदी शास्त्रियां जो कट्ठा करीने तिन्हाते पुच्छया, भई “मसीह रा जन्म किति हूणा चाहिन्दा?”

मत्ती 2:4 ပူးပေါင်းရင်းမြစ်များ

मत्ती 13:52

यीशुये तिन्हांने गलाया, “देक्खा, इस खातर हरेक यहूदी शास्त्री सै जे परमेशरा रे राज्जा रा चेला बणीरा, इक येढ़े घरा रे मुखिये साई आ, सै जे अपणे भण्डारा ते नौंईयां कने पुराणियां चिज़ां जो बाहर कड्डां।”

मत्ती 2:3

ताहली जे हेरोदेस राजे ये सुणया तां सै बड़ा बेचैन हुया कने तिस सौगी यरूशलेम रे कई सारे लोक बी चिन्ता करने लगे;

मत्ती 2:5

तिन्हे तिस्सो दस्या, “यहूदिया प्रदेशा रे बैतलहम नगरा च हूणा, काँह्भई परमेशरे मीका भविष्यवक्ते रे जरिये बोल्या भई :

मत्ती 21:15

पर ताहली जे मुखियायाजकां कने यहूदी शास्त्रियें सै चमत्कारा रे काम्म देक्खे, सै जे तिने कित्ते थे, कने परमेशरा रे मन्दरा च बच्चयां जो ऊच्चिया अवाज़ा च दाऊद रे पुत्रा री जय हो, बोलदे हुये सुणया, तां सै बड़े भरी गुस्सा हुईगे,

मत्ती 21:23

ताहली जे सै मन्दरा च जाईने उपदेश देईराँ था, तां मुखियायाजकें कने यहूदी बजुर्गें नेड़े जाईने तिसते पुच्छया, “ये काम्म तू किस अधिकारा ने कराँ? कने ये अधिकार तिज्जो किने दित्या?”

मत्ती 26:3

तां मुखियायाजक कने बजुर्ग नेता कैफा नौआं रे महायाजका रे घरा रे अंगणा च कट्ठे हुये,

मत्ती 26:47

यीशु ताहली जे गलाणे इ लगीरा था भई यहूदा सै जे बाराँ चते इक था आया, तिस सौगी मुखियायाजकां कने लोकां रे बजुर्गां रिया तरफा ते इक बड्डी भीड़, तलवारां कने डन्डे लेईने आई।

मत्ती 27:1

सबेरके जुन्ना सारे मुखियायाजक कने यहूदी बजुर्ग नेतयां यीशुये जो मरवाणे री योजना बणाई।

मत्ती 7:29

काँह्भई सै तिन्हांरे शास्त्रियां साई नीं, पर अधिकारियां साई तिन्हौ उपदेश देआं था।

मरकुस 8:31

तां यीशु चेलयां जो सखाणे लगया भई माहणुये रे पुत्रा यनि मेरे खातर जरूरी आ भई सै बौहत दुख सहो, कने यहूदी बजुर्ग, कने मुखियेयाजकां, कने शास्त्रियां तिस्सो घटिया समझीने मारी देणा, कने तिस तिज्जे दिन मूईरयां चते भीं ते जिऊंदा हुई जाणा।

लूका 20:19

शास्त्रियें कने मुखियायाजकां तिस बेले जे ये उदाहरण दित्या, तां सै इकदम तिस्सो पकड़ना चाँह थे, काँह्भई सै जाणीगे भई यीशु अहांरी तरफ ईशारा करी रां भई इस कहाणिया रे करसाण अहें लोक ये, पर सै लोकां ते डराँ थे।

लूका 23:10

इस पर मुखियायाजक कने धर्म शास्त्री ऊथी खड़े हुईने जोरा-जोरा ने हल्ला पाईने यीशुये पर दोष लगाणे लगे।

यूहन्ना 18:3

तांई यहूदा, अपणे सौगी रोमी सेना रे हथियारा औल़े माहणुआं, कने मुखियायाजकें कने फरीसियां रे भेजीरे सपाईयां जो मशालां कने हथियाराँ समेत लईने, तित्थी आईग्या।

यूहन्ना 3:10

ये सुणीने यीशुये तिसजो जबाब दित्या, “तू इस्राएलियां रा गुरू हुईने बी इन्हां गल्लां जो नीं समझदा?

यूहन्ना 7:32

फरीसियें लोकां जो यीशुये रे बारे च हौल़यां-हौल़यां ये गल्लां गलान्दे हुए सुणया; कने मुखियायाजकें कने फरीसियें तिस्सो पकड़ने जो मन्दरा रे पैहरेदार भेज्जे।

यूहन्ना 8:3

फेरी यहूदी शास्त्री कने फरीसी व्यभिचार करदी हुई इक्की जनानां जो पकड़ीने ली आये, कने तिसाजो लोकां रे बिच खड़ा करीने यीशुये ने गलाया,

प्रेरितां 23:9

तां बड़ा हल्ला मचया कने किछ शास्त्री सै जे फरीसी थे, उट्ठीने ये बोलीने बैहस करने लगे, “अहें इस माहणुये च कोई बुराई नीं देखदे, जे कोई आत्मा या स्वर्गदूत तिसने बोलां तां फेरी क्या?”

प्रेरितां 4:5

अगले दिन येढ़ा हुआ भई तिन्हांरे सरदार कने बजुर्ग कने शास्त्री यरूशलेम च कट्ठे हुये

प्रेरितां 6:12

तिन्हें स्तिफनुस रे खलाफ लोकां, बजुर्गां कने शास्त्रियां जो भड़काया कने सै तिस्सो पकड़ीने महासभा रे सामणे ली आये।