मत्ती 2:2 - बिलासपुरी नौआं नियम

² “सै जे यहूदियां रा राजा हूणा तिसरा जे जन्म हुईरा, सै किति आ? काँह्भई पूर्व दिशा च तारा सै जे तिसरे जन्मा रे बारे च परगट कराँ तिसजो अहें अम्बरा च देख्या, इस खातर तिसजो मत्था टेकणे आईरे।”

मत्ती 2:2 ပူးပေါင်းရင်းမြစ်များ

मत्ती 2:3

ताहली जे हेरोदेस राजे ये सुणया तां सै बड़ा बेचैन हुया कने तिस सौगी यरूशलेम रे कई सारे लोक बी चिन्ता करने लगे;

मत्ती 21:5

“यरूशलेम रे लोकां ने बोल्ला, ‘देख! तेरा राजा तेरले आई कराँ; सै नम्र आ, कने गधे पर स्वार आ; हाँ गधिया रे बच्चे पर सै जे इक मजदूरा रे पशुये रा बच्चा।’ ”

मत्ती 27:11

इस दौरान यीशु राजपाला रे सामणे पेश हुया तां राजपाले तिसते पुच्छया, “क्या तू यहूदियां रा राजा?” यीशुये तिसने गलाया, “तू खुद बोलीराँ।”

लूका 19:38

“भला हो तिस राजे रा, सै जे प्रभुये रे नौआं ते औआं!” “स्वर्गा च सुख शान्ति, कने परमप्रधान परमेशरा री जय-जयकार ओ!”

लूका 2:11

भई आज्ज राजा दाऊद रे नगर बैहतलम च तुहांरे खातर पापां ते छुटकारा देणे औल़े मुक्तीदाते रा जन्‍म हुया कने सैई मसीह प्रभु आ।

लूका 23:3

इस पर पिलातुसे यीशुये ते पुच्छया, “क्या तू यहूदियां रा राजा?” यीशुये जबाब दित्या, “हाँ, तूंई त बोलीराँ हऊँ सैई हाया।”

लूका 23:38

यीशुये रे क्रूसा पर इक पट्टी लगाई तिस पर जे येढ़ा लिखिरा था, “येआ यहूदियां रा राजा।”

यूहन्ना 1:49

नतनएले तिसजो जबाब दित्या, “गुरू, तू परमेशरा रा पुत्र आ, तू इस्राएल रा राजा।”

यूहन्ना 12:13

इस खातर तिने खजूरा रियां डालियां लईयां कने तिसने मिलणे जो चलीपे, कने बोलणे लगे, “परमेशरा री जय हो!” “आशीषित आ सै माहणु सै जे प्रभुये रे नौआं ते औआं।” “आशीषित आ इस्राएल रा राजा!”

यूहन्ना 18:37

पिलातुसे तिस्सो गलाया, तां क्या तू राजा? यीशुये जबाब दित्या, “तू बोलां भई हऊँ राजा। हऊँ इस खातर पैदा हुईने संसारा च आया भई सच्चाईया रे बारे च सखाई सक्कूँ। सै माहणु जे सच्चाईया ने प्यार रक्खां ये सै मेरा बचन सुणां ये।”

यूहन्ना 19:19

कने पिलातुस राजपाले दोषपत्र लिखीने क्रूसा पर लगवाया। तिसच लिखिरा था, यीशु नासरी, यहूदियां रा राजा।

यूहन्ना 20:28

थोमे जबाब दित्या, “मेरे प्रभु, हे मेरे परमेशरा!”

यूहन्ना 5:23

इस खातर भई सारे लोक तियां जे पिता परमेशरा रा आदर कराँ ये तियां इ पुत्रा रा आदर बी करो। सै माहणु जे पुत्रा रा आदर नीं करदा, सै तिस पिता परमेशरा रा आदर बी नीं करदा तिने जे मिन्जो भेज्जिरा।

यूहन्ना 9:38

तिने गलाया, “प्रभु जी, हऊँ तूह पर विश्वास कराँ।” कने तिसरे पैराँ पर मत्था टेक्कीने अराधना कित्ती।

इब्रानियों 1:6

कने फेरी परमेशरे अपणे पैहलौठे पुत्रा जो संसारा च भेजणे ते पैहले ये बोल्या, “परमेशरा रे सब स्वर्गदूत तिसरे अग्गे मत्था टेक्कें।”

प्रकाशितवाक्य 22:16

“मैं यीशुये अपणे स्वर्गदूता जो इस खातर भेज्या, भई तुहांरे अग्गे कलीसियां रे बारे च इन्हां गल्लां री गवाही देओ। हऊँ दाऊद रा मूल कने वंश, कने चमकदा हुआ तड़के रा तारा।”