मत्ती 2:13 - बिलासपुरी नौआं नियम

¹³ ताहली जे जोतषी चलीगे, तां यूसुफा जो सुफने च परमेशरा रे इक्की दूते दर्शण देईने बोल्या, “उट्ठ बच्चे जो कने तिसरिया मौआ जो लेईने चुपचाप मिस्र देशा जो चली जा; कने तदुआं तक जे हऊँ तिज्जो नीं बोलूं, तू ऊत्थी रुकयां; काँह्भई हेरोदेस राजा इस बच्चे जो मरवाणे खातर टोल़ी कराँ।”

मत्ती 2:13 ပူးပေါင်းရင်းမြစ်များ

मत्ती 1:20

पर ताहली जे यूसुफ इस बारे च सोच्ची कराँ था, तां परमेशरा रा इक दूत सपने च तिसरे सामणे आया कने तिसने बोलणे लगया, “ओ यूसुफ! तू सै जे दाऊद राजे रे खानदाना ते आ, मरियमा जो अपणी घरा औल़ी बनाणे ते मत डर, काँह्भई सै बच्चा जे तिसारे पेट्टा चा सै पवित्र आत्मा रिया सामर्था ते आ।

मत्ती 10:23

ताहली जे सै तुहांजो इक्की नगरा च सताणे लगो, तां दुज्जे नगरा जो चली जायों। हऊँ तुहांजो सच्च बोलां भई तुहें माहणुये रे पुत्रा रे औणे ते पैहले इस्राएल रे सारे नगराँ चियें गये बी नीं हुणे।

मत्ती 2:12

पर परमेशरे सुफने च तिन्हांजो सावधान करित्या, भई तुहें हटिने हेरोदेस राजे ला देक्खां जान्दे, इस खातर सै किसी दुज्जे रस्ते अपणे देशा जो मुड़ीने चलीगे।

मत्ती 2:14

इस खातर यूसुफ उट्ठया कने बच्चे कने तिसरिया माता जो लेईने तिसा राति मिस्र देशा जो चलीप्या,

मत्ती 2:16

ताहली जे राजा हेरोदेस ये जाणिग्या, भई जोतषियें तिसने चाल खेल्ही, तां सै गुस्से च लाल पील़ा हुईग्या, तिने अपणे सिपाईयां जो हुक्म दित्या भई बैतलहम कने तिसरे अक्खा-बक्खा रे इलाके रे दुईं साल्लां रे या इसते छोट्टयां बच्चयां री, हत्या करी दित्ति जाओ। (जोतषियां रे दस्सीरे बगता जो आधार बणाईने)

मत्ती 2:22

पर ताहली जे यूसुफे ये सुणया भई यहूदिया प्रदेशा च अपणे पिता हेरोदेस रिया मौती ते बाद तिसरिया जगह पर अरखिलाउस राज करीराँ, तां सै ऊत्थी जाणे ते डरिग्या। पर सुखने च सै परमेशरा ते चेतावनी पाईने गलील प्रदेशा जो चलिग्या,

प्रेरितां 10:22

तिने गलाया, “कुरनेलियुस सुबेदार सै जे धर्मी कने परमेशरा ते डरने औल़ा कने जितने यहूदी लोक तिसरे बारे च जाणाँ ये सै बोलां ये भई सै बौहत भला माहणु आ। इक पवित्र स्वर्गदूते तिसजो गलाया, भई शम्मौन, पतरसा जो मिलणे खातर किसी जो जोप्पा जाणे जो बोल कने तिन्हांजो येत्थी ल्याव भई जो किछ सै बोलणा चाँह तिस्सो तू सुणी पाओ।”

प्रेरितां 10:7

ताहली जे सै स्वर्गदूत तिने जे कुरनेलियुस ने गल्लां कीतियां थिआं चलिग्या, तां तिसरे दो सेवक, कने सै जे सिपाही तिसरे सामणे मौजूद रैं थे तिन्हां चते इक परमेशरा ते डरने औल़े सिपाहिये जो सदया,

प्रेरितां 12:11

फिर पतरसे होशा च आईने गलाया, “हुण मैं ये जाणील्या भई प्रभुये अपणा स्वर्गदूत भेज्जीने मिन्जो हेरोदेस रे अधिकारा ते छडवाईल्या, कने यहूदी अगुवेयां री सारी आशा तोड़ी तियां।”

प्रेरितां 12:7

फेरी अचानक, प्रभुये रा इक स्वर्गदूत तित्थी पतरसा ले आईने खड़ा हुईग्या कने तिसा ओवरिया च जोति चमकी, कने तिने पतरसा रिया बखिया पर हाथ मारीने तिस्सो ठुआली ने गलाया, “उट्ठ, छोड़े कर।” कने तिसरे हत्था ते जंजीराँ खुल्ही ने पई गियां।

प्रेरितां 16:36

दरोगे ये गल्लां पौलुसा ने बोलियां, “हाक्में तिज्जो छड्डी देणे रा हुक्म दित्तिरा। इस खातर शान्तिया ने निकल़ीने चली जा।”

प्रेरितां 5:19

पर राति जो प्रभुये रे इक्की स्वर्गदूते जेल्ला रे दरवाजे खोली ने तिन्हांजो बाहर लयाई ने गलाया,

प्रेरितां 7:19

“तिने अहांरी जातिया ने चलाकी करीने अहांरे पूर्वजां सौगी येत्थी तका बुरा वर्ताव कित्या, भई माता-पिता जो अपणे बालकां जो सट्टणा पैया, भई सै ज्यूंदे नीं रौ।

प्रकाशितवाक्य 12:14

पर तिसा औरता जो बड़े ऊकाबा रे दो फंग दित्ते गये, भई सै सर्पा रे सामणे ते उडीने सुनसान जगह च तिसा जगह पुज्जी जाओ, तित्थी जे सै साडे तिन्न साल्लां तक पाल़ी जाओ।

प्रकाशितवाक्य 12:4

तिने अपणिया फूंटिया ने अम्बरा रे तारयां रा इक तिहाई खिंज्जी ने धरतिया परा सट्टीत्या। सै अजगर तिसा औरता रे सामणे खड़ा हुईग्या सै जे बच्चे जो जणने औल़ी थी, ताकि ताहली जे सै बच्चा जणे तां अजगर बच्चे जो खाई सक्को।

प्रकाशितवाक्य 12:6

कने सै औरत तिस सुनसान जगह पर नट्ठीने चलीगी तित्थी जे परमेशरा रिया तरफा ते तिसा खातर इक जगह त्यार कित्ती गई थी, ताकि तित्थी सै बारा सौ साठ दिनां तका पाल़ी जाओ।