मत्ती 2:11 - बिलासपुरी नौआं नियम

¹¹ सै घरा रे अन्दर गये कने तिन्हे तिसरी माता मरियमा सौगी बच्चे रे दर्शण कित्ते; तिन्हे बच्चे रे अग्गे मत्था टेक्कीने अराधना कित्ती, कने अपणा-अपणा झोल़ा खोल्ली ने कीमती तोहफे तियां जे सोना, लोबान, कने गन्धरसा (मुर्र) री भेन्ट चढ़ाई।

मत्ती 2:11 ပူးပေါင်းရင်းမြစ်များ

मत्ती 1:18

यीशु मसीह रा जन्म इस तरिके ने हुया था : ताहली जे तिसरी माता मरियमा री मंगणी यूसुफा सौगी हुई थी, पर तिन्हांरे ब्याह ते पैहले ताहली जे सै कवारी थी पवित्र आत्मा रिया सामर्था ते भारहत्थी हुई।

मत्ती 12:46

सै हल्तियें लोकां ने गल्ल बात करया इ कराँ था, भई तिसरी माता कने भाई-बन्धु तित्थी आई ने बाहर खड़ीगे; सै तिसने गल्ल करना चाँह थे।

मत्ती 14:33

किश्तिया परा रे लोकें यीशुये री अराधना करीने बोल्या, “तू सच्ची जो परमेशरा रा पुत्र आ।”

मत्ती 2:10

ताहली जे तिन्हें ये देख्या तां सै बड़े खुश हुये।

मत्ती 2:2

“सै जे यहूदियां रा राजा हूणा तिसरा जे जन्म हुईरा, सै किति आ? काँह्भई पूर्व दिशा च तारा सै जे तिसरे जन्मा रे बारे च परगट कराँ तिसजो अहें अम्बरा च देख्या, इस खातर तिसजो मत्था टेकणे आईरे।”

लूका 2:16

फेरी सै झट-पट गये कने गोयडा च मरियम कने यूसुफ जो देख्या कने खुरलिया च तिस न्याणे जो बी देख्या।

लूका 2:38

ताहली जे शमौन, मरियम कने यूसुफा ने गल्ल-बात करी रां था, तिस बगत हन्नाह बी ऊथी पुज्जी कने परमेशरा री स्तुति करने लगी। फेरी तिसे जाईने तिन्हां सारयां जो यीशुये रे बारे च दस्या, सै जे तिस राजे री निहाल़पा च थे, कने सै आईने यरूशलेम नगरा जो छडवाणे औल़ा था।

यूहन्ना 19:39

निकुदेमुसे बी, तित्थी तकरीवन तेती किलो गन्धरस कने एलोवेरा मलाईने ल्या। ये सैई नीकुदेमुस था सै जे यीशुये लौ राति रे बगत आया था,

प्रकाशितवाक्य 19:10

फेरी तिसरी अराधना करने खातर हऊँ तिसरे पैराँ पर पैईग्या। तिने मेरने गलाया, “देख, येढ़ा मत करा! हऊँ तेरा कने तेरे साथी विश्वासियां साई इक दास इ हाया, सै जे यीशुये री गवाही देणे पर मजबूत आ। परमेशरा री अराधना कर; काँह्भई यीशु मसीह री गवाही भविष्यवाणिया री आत्मा इ।”

प्रकाशितवाक्य 5:8

ताहली जे तिने कताब लेई ली, तां सै चारों प्राणी कने चौबी प्राचीनें तिस मेमने रे सामणे धरतिया पर मुँआ रे भार पैईने प्रणाम कित्या। तिन्हां चते हरेक रे हत्था च वीणा कने धूपा ने भरीरे सोने रे कटोरे थे, ये परमेशरा रे लोकां रियां प्राथनां इयां।