मत्ती 19:3 - बिलासपुरी नौआं नियम

³ फेरी किछ फरीसी यीशुये जो परखणे रे मकसदा ते तिसले आए कने तिसने स्वाल कित्या, “क्या किसी बी वजह ते अपणिया घराऔल़िया जो छडणा ठीक आ?”

मत्ती 19:3 ပူးပေါင်းရင်းမြစ်များ

मत्ती 16:1

फेरी फरीसी कने सदूकी यीशुये ले आये, सै तिस्सो परखणा चाँह थे इस खातर तिन्हे तिसजो कोई स्वर्गीय नशाण दसणे जो बोल्या ताकि पता लगी सक्को भई तिस्सो परमेशरे भेज्जिरा।

मत्ती 22:35

तिन्हां चते इक व्यवस्थापके तिस्सो परखणे खातर तिसते पुच्छया,

मरकुस 10:2

तां फरीसियें तिसले आईने तिस्सो परखणे खातर तिसते पुच्छया, “क्या ये यहूदी व्यवस्था रे मुतावक ठीक आ भई पुरुष अपणी पत्नियां जो छड्डी दो?”

मरकुस 12:13

फेरी यहूदी अगबेयां यीशुये जो गल्लां च फसाणे खातर किछ फरीसी अगुवेयां कने राजा हेरोद रे समर्थकां जो तिसले भेज्या।

मरकुस 12:15

अहें कर दईये की नीं दईये?” पर यीशुये तिन्हारा कपट जाणीने, तिन्हाजो गलाया, “हऊँ जाणा भई तुहें मेरे मुँआं ते किछ गल़त निकलवाणे री कोशिश करी रायें ताकि माह पर कोई दोष लाई सक्को।” कने तिने बोल्या, “इक दिनार (इक्की दिना रिया मजदूरिया रे बराबर था) मेरे लौ ल्यावा, भई हऊँ तिस्सो देक्खुँ।”

यूहन्ना 8:6

तिन्हे यीशुये जो परखणे रे खातर ये गल्ल बोल्ली ताकि तिन्हाजो कोई येढ़ा बहान्ना मिली जाओ तिसते जे सै तिस पर कोई दोष लगाई सक्को। पर यीशु थल्ले खौ झुकीने अपणिया गुट्ठिया ने धरतिया पर लिखणे लगया।

1 कुरिन्थियों 7:10

पर तिन्हांरा जे ब्याह हुईगरा, तिन्हांजो हऊँ नीं, पर प्रभु हुक्म देआं भई जनाना अपणे मर्दा ते लग नीं रौ।

इब्रानियों 3:9

तित्थी तुहांरे पूर्वजें मेरे धैर्य जो परखया, हलाँकि तिन्हें मेरे अदभुत कम्मां जो चाल़ियां साल्लां तकौ देख्या।