मत्ती 17:3 - बिलासपुरी नौआं नियम

³ फेरी अचानक मूसा कने एलिय्याह तिन्हारे सामणे परगट हुये कने यीशुये ने गल्ल करने लगे।

मत्ती 17:3 ပူးပေါင်းရင်းမြစ်များ

मत्ती 17:2

तित्थी तिन्हारे सामणे तिसरा रुप बदलिग्या, तिसरा मुँह सूरजा साई चमकया कने तिसरे कपड़े इयां चमकणे लगे तियां जे लोय चमकां इ।

मत्ती 17:4

येढ़ा देखीने पतरसे यीशुये ने गलाया, “प्रभु, ये ठीक आ भई अहें येत्थी ये; जे तुहें चाओ तां हऊँ येत्थी तिन्न तम्बू बणाई दूँ; इक तेरे खातर, इक मूसा रे खातर, कने इक एलिय्याह रे खातर।”

मरकुस 9:4

फेरी ये दो भविष्यवक्ते मूसा कने एलिय्याह सै जे बौहत पैहले थे तिन्हांजो यीशुये सौगी गल्लां करदे दिक्खे।

लूका 1:17

यूहन्ना परमेशरा रे सेवक एलिय्याह री आत्मा च कने सामर्थया च भरी ने तिसरे अग्गे-अग्गे चलना। ताकि परमेशरा रे औणे ते पैहले लोकां रे मनां जो परमेशरा जो ग्रहण करने खातर त्यार करी सक्को। तेरे पुत्रा, मौ-बुढ़यां रा मन अपणे बच्चयां री तरफ फेरना, कने तिस हुक्मा जो नीं मनणे औल़े लोकां जो हुक्म मनणे रा ज्ञान सखाणा।”

लूका 16:16

तदुआं तक जे मूसा री व्यवस्था कने भविष्यवक्तयां रे लिखिरे सन्देश, बपतिस्मा देणे औल़े यूहन्ने रे औणे तक परमेशरा रे राजा रे बारे च प्रचार कित्या। पर हुण परमेशरा रे राज्जा री खुशखबरी सुणाई जाया राँई कने हर कोई तिसच इच्छुक हुईने दाखल हुया राँ।

लूका 24:27

फेरी यीशुये मूसा ते कने सारे भविष्यवक्तयां ते शुरु करीने सारे पवित्रशास्त्रा चते अपणे बारे च लिखी रियां गल्लां रा मतलब, तिन्हांजो समझाईत्या।

लूका 24:44

फेरी यीशुये गलाया, “ताहली जे हऊँ तुहांजो इ था, तिस वगत मैं तुहांजो गलाया था भई मूसा री व्यवस्था कने भविष्यवक्तयां रियां कतावां च कने भजन संहिता च मेरे बारे च सै जे लिखिरा, सै सारी गल्लां पूरियां हुणियां।”

लूका 9:33

जिस बगत मूसा कने एलिय्याह जाणे लगे तां पतरस नां जाणदे हुये ये क्या बोलीराँ, “गुरू जी, ये खरा हुआ भई अहें येत्थी थे! अहां येत्थी तिन्न तम्बू बनाणे, इक तेरे खातर, इक मूसा खातर कने इक एलिय्याह रे खातर।”

यूहन्ना 1:17

अहांजो व्यवस्था देणे औल़ा मूसा था, पर अनुग्रह कने सच्चाई परमेशरे अहांजो यीशु मसीह रे जरिये दस्से।