मत्ती 15:3 - बिलासपुरी नौआं नियम

³ यीशुये तिन्हांजो जबाब दित्या, “अपणे रीति-रिवाजां रिया वजह ने तुहें परमेशरा रे हुक्मा जो तोड़ां ये?

मत्ती 15:3 ပူးပေါင်းရင်းမြစ်များ

मत्ती 15:2

“तेरे चेले अहांरे पूर्वजां रे रीति-रिवाजां रा पालन काँह नीं करदे, कने बगैर हात्थ धोये रोटी खांये।”

मत्ती 15:4

काँह्भई परमेशरे त गलाया था, ‘तू अपणे माता-पिता रा आदर कर’, कने ‘सै जे कोई अपणे माता-पिता री बेज्जति कराँ, तिसजो जरूर मारी दित्या जाणा चाहिन्दा।’

मरकुस 7:13

इयां इ तुहें अपणिया बणाई रिया रितिया जो मनणे खातर लोकां जो बोलां ये, कने तुहें ये करने पर परमेशरा रे हुक्मां रा आदर नीं करदे।”

कुलुस्सियां 2:23

ये नियम हकीकत च ज्ञाना साई लगां ये, काँह्भई ये लोकां जो परमेशरा ने बौहत प्यार करने रे खातर कने अप्पूँजो नम्र करने, कने अपणे शरीरा जो दुख देणे रे खातर सखां, पर ताहली जे भई लोक इन्हां सारयां नियमां रा पालन कराँ ये फेरी बी अपणियां बुरियां इच्छां जो रोकी नीं सकदे।

कुलुस्सियां 2:8

ध्यान रखा, भई कोई तुहांजो अपणे तिस संसारिक ज्ञाना च कने बेमतलब गल्लां च नीं फसाओ सै जे माहणुआं रियां बणाईरी रीतियाँ ते कने संसारा रिया आदी शिक्षा रे मुतावक त हाया, पर मसीह रे मुतावक निआं।

तीतुस 1:14

कने सै यहूदियां री मन-घड़न्त कहाणियाँ कने तिन्हां माहणुआं रे हुक्मां पर ध्यान नीं देणा, सै जे सच्चाईया रा इन्कार कराँ ये।