मत्ती 14:6 - बिलासपुरी नौआं नियम

⁶ पर ताहली जे हेरोदेस रा जन्म दिन आया, तां हेरोदियास रिये कुड़िये हेरोदेस कने तिसरे मेहमान्नां रे सामणे नच्ची ने इतणा खुश कित्या।

मत्ती 14:6 ပူးပေါင်းရင်းမြစ်များ

मत्ती 14:3

हेरोदेस रे सोचणे री वजह ये थी काँह्भई तिने अपणे भाई फिलिप्पुस रे जिऊंदा हुन्दे हुये तिसरी जनाना हेरोदियासा ने ब्याह रचाया था। काँह्भई यूहन्ना तिसने बोलां था, भई तैं जो किछ कित्या सै परमेशरा रिया व्यवस्था रे खिलाफ आ! फेरी हेरोदियासा जो खुश करने रे खातर हेरोदेसे यूहन्ने जो पकड़ने जो सिपाईयां जो बोल्या। तिन्हें यूहन्ने जो पकड़ीने बन्हया कने जेल्ला च पाईत्या।

मत्ती 14:7

भई इस पर तिने सगन्द खाई ने बचन दित्या, “जो किछ तू मंगगी, माह तिज्जो देणा।”

मत्ती 22:24

“गुरू जी, मूसे गलाया था भई जे कोई माहणु बिणा सन्तान मरी जाओ, तां तिसरा भाई तिसरिया बिधवा ने ब्याह करीने अपणे भाईये रा बंश बढ़ाणे खातर सन्तान पैदा करी सक्कां।

मरकुस 6:14

हुण राजा हेरोदेस अन्तिपासे बी तिन्हां कम्मां री चरचा सुणी सै जे यीशु करया रां था, काँह्भई बौहत सारे लोक तिसरे बारे च जाणां थे कने तिसरे बारे च चरचा करया राँ थे, भई “ये यूहन्ना बपतिस्मा देणे औल़ा हूणा चाहिन्दा! सै मूईरयां चते जिऊंदा हुईगरा! तिसले परमेशरा री शक्ति तिसा वजह ने जे सै सामर्था रे काम्म करया राँ।”

मरकुस 6:17

हेरोदेस राजे खुद यूहन्ने जो पकड़ीने जेल्ला च पाणे रा हुक्म दित्या था। राजे ये काम्म हेरोदियासा रिया वजह ने कित्या था तिसाने जे तिने ब्याह कित्या था, हलांकि सै राजे रे भाई फिलिप्पुस री जनाना थी।

मरकुस 6:19

इस खातर हेरोदियास यूहन्ने ने बैर रखां थी कने तिस्सो मरवाई देणे चाँह थी; पर येढ़ा नीं हुई सक्कया,

मरकुस 8:15

तिने तिन्हांजो खबरदार कित्या भई, “फरीसियां कने हेरोदेस रे मलेड़े ते कने तिन्हांरे अविश्वासा कने झुट्ठिया शिक्षा ते बचीने रौआ।”

लूका 13:31

किछ बगत गुजरने ते बाद फरीसियें आईने यीशुये जो गलाया, “जे तू जीणा चाँह तां इत्थीते किसी सुरक्षित जगह च चली जा, काँह्भई राजा हेरोदेस अन्तिपास तिज्जो मरवाई देणा चाँह!”

लूका 23:11

हेरोदेस बी अपणे सपाईयां समेत तिसने बुरा बरताव कित्या कने तिसरा मजाक चक्कया। फेरी तिन्हे तिस्सो इक शाही बस्त्र पैहनाईने वापस पिलातुस ले भेजित्या।

लूका 23:7

ताहली जे तिन्हे तिस्सो हाँ करदे हुये सुणया, फेरी पिलातुसे तिन्हाजो हेरोदेस अन्तिपास ले भेज्या। काँह्भई गलील प्रदेशा रा राजा हेरोदेसा रे अधिकारा च था, कने तिन्हे दिनें सै बी यरूशलेम ची था।

लूका 3:1

रोम देशा रे बादशाह तिबिरियुस रे राज्जा रे पन्द्रहवे साल्ला च ताहली जे पुन्तियुस पिलातुस यहूदिया प्रदेशा रा राजपाल था, कने तिस देशा रे चौथे हिस्से रे राजयां च हेरोदेस गलील इलाके रा कने तिसरा भाई फिलिप्पुस इतुरैया कने त्रखोनीतिस जिले रा, कने लिसानियास अबिलेने प्रदेशा रे चौथे हिस्से बिच राज कराँ था।

लूका 3:19

पर तिने चौथाई देशा रे राजा हेरोदेस जो तिसरे भाई फिलिप्पुस रिया जनाना हेरोदियासा रे बारे च, कने सारे बुरयां कम्मां च सै जे तिने कित्तिरे थे, लुहामा दित्या।

लूका 8:3

योअन्ना राजा हेरोदेस रे भण्डारीये खुज़ा री जनाना थी कने सुसन्ना कने होर बौहत जनानां बी इन्हां सौगी थिआं। ये सब जनानां अपणी कमाईया रे पैसयां ने यीशु कने तिसरे चेलयां री सेवा कराँ थिआं।

प्रेरितां 12:1

तिस बगत हेरोदेस राजा कलीसिया रे किछ लोकां जो सताणे खातर तिन्हौं बन्दी बणाईल्या।

प्रेरितां 4:27

“काँह्भई सचमुच तेरे सेवक यीशुये रे बरोधा च, तिस राजे तैं अभिषेक कित्या, हेरोदेस कने पुन्तियुस पिलातुस बी अन्यजातियां कने इस्राएलियां ने सौगी इस नगरा च कट्ठे हुये,