मत्ती 13:6 - बिलासपुरी नौआं नियम

⁶ पर ताहली जे सूरज निकल़या सै डाल़ू धुप्पे ने झुलसिगे, कने जड़ नीं पकड़ने ते सुकीगे।

मत्ती 13:6 ပူးပေါင်းရင်းမြစ်များ

मत्ती 13:21

पर वचन तिन्हांरे दिलां री गहराईया तक नीं जान्दा, सै सिर्फ किछ वगता खातर विश्वास कराँ ये। सै तिन्हां बुटयां साई हुआं ये तिन्हांरियां जड़ां जे डुग्गियां नीं हुन्दियां; ताहली जे कोई दुज्जा तिन्हां सौगी बुरा बर्ताव करो या परमेशरा रे बचना पर विश्चास करने रिया वजह ने तिन्हांजो परेशान करो, तां सै लोक परेशान हुईने इकदम बचना पर विश्वास करना छड्डी दें।

मत्ती 13:5

किछ ब्यू पत्थरीली धरतिया पर पै, तित्थी तिन्हांजो बौहत मिट्टी नीं मिली कने तिसरिया वजह ते सै इकदम उगीने बाहर निकल़िये।

मत्ती 13:7

किछ ब्यू झाड़ियां च पै कने झाड़ियें बड्डी हुईने सै डाल़ू दब्बी ले।

मरकुस 4:6

कने तंजे सूरज निकल़या, तां डाल़ू फुखीगे, काँह्भई जड़ कमजोर हुणे रिया वजह ते सै सुकीगे।

लूका 8:13

किछ लोक येढ़े तिन्हांरी बराबरी तिन्हां ब्यूआं ते कित्ती जाई सक्कां इ सै जे पत्थरीली जमीन्ना पर पैया। ये सैए सै जे परमेशरा रा बचन खुशिया ने सुणां ये कने इकदम ग्रहण बी कराँ ये। पर वचन तिन्हांरे दिलां री गहराईया तक नीं जान्दा, काँह्भई सै सिर्फ थोड़े इ वगता तक विश्वास कराँ ये; सै तिन्हां पौध्यां साई ये तिन्हांरियां जड़ां जे डुग्गियां नीं हुन्दियां। ताहली जे परमेशरा रे सन्देशा पर विश्वास करने रिया वजह ने तिन्हां पर दुख कने तकलीफां औईयां, तां सै विश्वासा ते भटकीने पाप कराँ ये।

इफिसियां 3:17

ताकि विश्वासा रे जरिये मसीह तुहांरे दिलां च वास करी सक्को। हऊँ प्राथना कराँ भई परमेशरा रे परति कने इक्की दूये रे परति तुहांरा प्यार तुहांजो मजबूत करो कने तिसच बणाई रखो,

कुलुस्सियां 1:23

ये तांई हुई सक्कां तां जे तुहें अपणे विश्वासा च मजबूतिया ने टिक्कीरे रैहन्गे, कने खुशखबरिया रे जरिये दित्ति रिया तिसा आशा रा त्याग नीं करी दो, तिसौ जे तुहें सुणया। ये खुशखबरी इसा धरतिया पर रैहणे औल़े सारयां लोकां जो प्रचार कित्या गईरा, कने हऊँ पौलुस तिसरा इ सेवक बणीरा।

कुलुस्सियां 2:7

कने तिस ची मजबूत हुन्दे जावा तियां जे इक पेड़ धरतिया च जड़ पकड़ां; कने लगातार तिस ची अपणे विश्वासा जो बधान्दे जावा, कने परमेशरा रा जादा ते जादा धन्यवाद करदे रौआ।

प्रकाशितवाक्य 7:16

फेरी सै कदीं भुक्खे कने प्यासे नीं हुणे; सूरज कदीं तिन्हाजो जल़ाई नीं पांगा, कने नां कोई भयंकर गर्मी।