मत्ती 13:52 - बिलासपुरी नौआं नियम

⁵² यीशुये तिन्हांने गलाया, “देक्खा, इस खातर हरेक यहूदी शास्त्री सै जे परमेशरा रे राज्जा रा चेला बणीरा, इक येढ़े घरा रे मुखिये साई आ, सै जे अपणे भण्डारा ते नौंईयां कने पुराणियां चिज़ां जो बाहर कड्डां।”

मत्ती 13:52 ပူးပေါင်းရင်းမြစ်များ

मत्ती 12:35

खरे माहणु खरियां गल्लां कराँ ये काँह्भई सै खरियां गल्लां कट्ठा करीने अपणे मना रे भण्डारा च रक्खां ये, कने बुरा माहणु बुरे भण्डारा ते बुरियां गल्लां कड्डां।

मत्ती 13:51

यीशुये अपणयां चेलयां ते पुच्छया, “क्या तुहें इन्हां सारियां गल्लां जो समझे?” तिन्हे जबाब दित्या, “हाँ।”

मत्ती 13:53

ताहली जे यीशु ये सारे उदाहरण देई चुक्कया, तां ऊत्थीते चलिग्या।

मत्ती 23:34

इस खातर देक्खा, हऊँ तुहांले भविष्यवक्तयां कने बुद्धिमानां कने शास्त्रियां जो भेज्जां; कने तुहें तिन्हां चते किछ जो मारी देणा, कने किछ लोक क्रूसा पर चढ़ाणे कने किछ जो अपणे यहूदी सभा घराँ च कोड़े मारने कने इक्की नगरा ते दुज्जे नगरा च खदेड़दे फिरगे।

मत्ती 28:19

इस खातर तुहें जाईने सारी जातियां रे लोकां जो चेला बणावा; कने तिन्हांजो पिता, पुत्र, कने पवित्र आत्मा रे नौआं ते बपतिस्मा देआ,

लूका 11:49

परमेशरे अपणिया बुद्धिया ने तुहांरे खातर येढ़ा गलाया, ‘हऊँ तिन्हाले भविष्यवक्तयां कने प्रेरितां जो भेजगा, तिन्हांजे इन्हां चते किछ मारी देणे कने किछ पर जुल्म करने।’

यूहन्ना 13:34

“हऊँ तुहांजो इक नया हुक्म देआं भई तुहें इक्की दुज्जे ने प्यार करा; तियां जे मैं तुहांजो प्यार कित्या तियां इ तुहें इक्की दुज्जे ने बी प्यार करा।

2 कुरिन्थियों 6:10

अहें दुखां रे वगता च बी, हमेशा खुश ये; हलाँकि अहें गरीब ये, फेरी बी बौहत लोकां जो आत्मिकता च अमीर बणाई दें। लोक समझां ये अहांले किछ निआं, जबकि अहांले त सब किछ आ।

इफिसियां 3:4

कने जे तुहें तिस्सो पढ़गे तां जाणी सक्कां ये भई हऊँ मसीह रा सै भेत किति तक समझां।

इफिसियां 3:8

हलाँकि हऊँ सब पवित्र लोकां च छोट्टयां ते बी छोट्टा, परमेशरे अनुग्रह ने मिन्जो ये मौका दित्या ताकि हऊँ अन्यजातियां जो मसीह री अपार आशीषां री खुशखबरी सुणाऊँ।

कुलुस्सियां 1:7

ये सन्देश तुहें अहांरे प्यारे साथी इपफ्रास ते सिक्खया, सै जे अहांरे खातर मसीह रा विश्वास लायक सेवक आ।

कुलुस्सियां 3:16

मसीह रे वचना जो अपणे दिला च पूरे तरिके ने बसणे देआ, कने पूरे ज्ञाना समेत इक्की दुज्जे जो सखावा कने निर्देश देन्दे रौआ, कने अपणे मना च धन्यवाद सौगी परमेशरा खातर भजन, स्तुति कने आत्मा रे गीत गावा।

1 तिमुथियुस 3:6

फेरी येआ भई सै अगवा नया विश्वासी नीं हूणा चाहिन्दा, काँह्भई सै घमण्ड करी सक्कां कने शैतान्ना साई सजा पांगा।

तीतुस 1:9

कने तिसा सखाई रिया खुशखबरिया पर तिस्सो मजबूतिया ने विश्वास करना चाहिन्दा, सै सन्देश जे सच्चा कने कदीं बदलदा नींआ ताकि सै दुज्जे लोकां जो सही शिक्षा कने हौंसला देई सकगा कने बैहस करने औल़यां जो गल़त साबित करगा।