मत्ती 13:44 - बिलासपुरी नौआं नियम

⁴⁴ परमेशर तिन्हां लोकां पर राज कराँ सै जे खेता च छिपीरे धन-दौलता साई आ, सै किसी माहणुये जो मिलया कने फेरी तिने सै तित्थी गड्डीत्या, कने खुशिया रे मारे अपणा सारा किछ बेच्चीने तिस खेता जो खरीदिल्या।

मत्ती 13:44 ပူးပေါင်းရင်းမြစ်များ

मत्ती 13:24

यीशुये भीड़ा जो इक होर उदाहरण दित्या। तिने बोल्या, “ताहली जे परमेशरे अप्पूँजो राजे रे रुपा च दसणा शुरु कित्या, सै खेता रे इक्की मालका साई आ तिने जे अपणे दास्सां जो अपणे खेता च खरे ब्यू बाहणे जो भेज्या।

मत्ती 13:46

ताहली जे तिस्सो इक अनमोल मोती मिलया, तां जाईने सै जे किछ तिसले था, तिस्सो बेचीत्या कने मोती खरीदिल्या।

मत्ती 13:47

स्वर्गा रा राज मच्छी पकड़ने खातर नदिया च पाईरे इक्की जाल़ा साई आ, तिसच कई किस्मा री मच्छियां पकड़ोईयां।

मत्ती 19:21

यीशुये तिसने गलाया, “जे तू सिद्ध हूणा चाँह, तां जा, अपणा सब किछ बेच्चीने गरीबां जो बंडी दे; कने तिज्जो स्वर्गा च धन मिलणा; कने आईने मेरा चेला बण।”

मत्ती 19:27

इस पर पतरसे तिस्सो जवाब दित्या, “देख, अहें त अपणा सारा किछ छड्डिने तेरे पिच्छे आई गरे तां अहांजो क्या मिलणा?”

मत्ती 19:29

कने तिन्हे जे मेरे खातर अपणा घर-बार, या भाईयां, या बैहणां, या माता-पिता, या बच्चे, या खेतां जो छड्डीतरा, तिसजो सौ गुणा मिलणा, कने परमेशरा तिसजो अनन्त जीवना रा बारस बनाणा।

मत्ती 6:21

काँह्भई तित्थीजे तेरा धन आ, ऊत्थी तेरा मन बी लगीरा रैहणा।”

लूका 14:33

तियां इ तदुआं तक जे कोई अपणा सब किछ छड्डी नीं देओ, तालुआं तक सै मेरा चेला नीं बणी सकदा।”

यूहन्ना 6:35

यीशुये तिन्हांने गलाया, “जीवना री रोटी हऊँ इ : सै जे मेरले औंगा तिस कदीं भूखे नीं रैहणा कने सै जे माह पर विश्वास करगा, तिस कदीं प्यासे नीं हूणा।

रोमियो 15:4

हर गल्ल सै जे पवित्रशास्त्रा च पैहले ते लिखिरी, सै अहांजो शिक्षा देणे खातर थी भई सै तसल्ली कने हिम्मत जे अहांजो पवित्रशास्त्रा ते मिलाँ इ, अहें तिसते आशा पाई सक्को।

कुलुस्सियां 2:3

तिसच जे बुद्धि कने ज्ञाना रे सारे भण्डार छुपीरे।

कुलुस्सियां 3:16

मसीह रे वचना जो अपणे दिला च पूरे तरिके ने बसणे देआ, कने पूरे ज्ञाना समेत इक्की दुज्जे जो सखावा कने निर्देश देन्दे रौआ, कने अपणे मना च धन्यवाद सौगी परमेशरा खातर भजन, स्तुति कने आत्मा रे गीत गावा।

इब्रानियों 10:34

काँह्भई तुहें कैदियां सौगी दुख सैया, कने ताहली जे अधिकारियें तुहांरी सम्पत्ति जफ्त कित्ती थी तिस्सो बी तुहें खुशिया ने सैईल्या। काँह्भई तुहें जाणाँ थे भई तुहें सै सम्पत्ति पाईरी तिस राजे परमेशरे वायदा कित्तिरा, सै जे उत्तम इ कने हमेशा रे खातर इ।

प्रकाशितवाक्य 3:18

इस खातर हऊँ तिज्जो सलाह देआं भई अग्गी च सेक्कीरा सोना मेरते खरीदी लै ताकि तू अमीर हुई जाओ, कने पैहनणे खातर चिट्टे कपड़े लई लै ताकि तिसजो पैहनीने तिज्जो अपणे नंगे हुणे री शर्म नीं हो, कने अपणियां आक्खीं च लाणे खातर सुरमा लैं ताकि तू साफ-साफ देखणे लगो।