मत्ती 13:32 - बिलासपुरी नौआं नियम

³² सै सारयां ब्यूआं च सब्बींते छोट्टा त हुआं पर ताहली जे बधां तां सारे साग पत्तयां ते बड्डा हुई जां; कने सै येढ़ा डाल़ बणी जां भई अम्बरा रे पंछी आईने तिसरियां डाल़ियां पर शरण लैं।”

मत्ती 13:32 ပူးပေါင်းရင်းမြစ်များ

मरकुस 4:30

फेरी यीशुये गलाया, “अहें परमेशरा रे राज्जा री बराबरी इस तरिके ने करी सक्कां ए। हऊँ तुहांजो इक उदाहरण दस्सां।

मरकुस 4:32

पर तंजे बाही दें, तां उगीने सारे सागापाता ते बड्डा हुई जां, कने तिसरी येढ़ि बड्डियां डाल़ियां निकल़ां इयां भई अम्बरा रे पंछी तिसरी छावां च बसी सक्कां ये।”

लूका 13:18

यीशुये गलाया, “परमेशरा रा राज किस रे बराबर आ? हऊँ इसरी तुलना किसने करूँ?

प्रेरितां 1:15

तिन्हांई दिनां च पतरस भाईयां रे बिच सै जे तकरीवन इक सौ बीह माहणु थे, खड़ा हुईने बोलणे लगया,

प्रेरितां 21:20

तिन्हें ये सुणीने परमेशरा री महिमा कित्ती, फेरी तिसने गलाया, “भाई तू जाणाँ भई यहूदी लोकां चते कई हजारें विश्वास कित्या; कने सब मूसा रिया व्यवस्था जो मनणे खातर जोशा ने भरीरे।

प्रकाशितवाक्य 11:15

ताहली जे सतवें स्वर्गदूते अपणी तुरही बजाई, तां स्वर्गा च बड़ियां आवाज़ां हुणे लगियां; “संसारा रा राज अहांरे प्रभुये रा कने तिसरे मसीह रा बणीग्या कने तिस युग-युग राज करना।”