मत्ती 13:11 - बिलासपुरी नौआं नियम

¹¹ तिने जबाब दित्या, तुहांजो परमेशरा रे राज्जा री छुपी रियां गल्लां जो समझणे री अक्कल दित्तिरी, पर तिन्हांजो नीं।

मत्ती 13:11 ပူးပေါင်းရင်းမြစ်များ

मत्ती 13:10

यीशुये रे चेलयां तिसले आईने तिसते पुच्छया, “तू लोकां ने उदाहरणां च कजो गल्लां कराँ?”

मत्ती 16:17

यीशुये तिस्सो जबाब दित्या, योना रे पुत्र, शमौन, परमेशर आशीष देओ तिज्जो, काँह्भई माहणुये नीं, पर स्वर्गा च रैहणे औल़े मेरे पिता, तूह पर जाहिर किति।

मत्ती 19:11

फेरी यीशुये तिन्हांने गलाया, “हर कोई त इस उपदेशा जो ग्रहण नीं करी सकदा, इसजो सिर्फ सैई ग्रहण करी सक्कां ये तिन्हाजो जे ये दान परमेशरे दित्तिरा।

मत्ती 20:23

यीशुये तिन्हांने गलाया, “तुहें मेरे साई दुख त सैही लेंगे, पर मेरे दायें कने बायें बठाल़ना मेरा काम्म निआं, पर तिन्हांरे खातर जे मेरे पिता परमेशरा रिया तरफा ते त्यार कित्तिरा, तिन्हारे खातर इ आ।”

मरकुस 10:40

पर तिन्हां खातर जे त्यार कित्तिरा, तिन्हां छड्डिने होर किसी जो अपणे सज्जे कने खब्बे बठाणा मेरा काम्म निआं।”

मरकुस 4:11

यीशुये तिन्हांने गलाया, “परमेशरे अपणे राज्जा रे भेत्तां जो तुहां पर परगट कित्या, पर तिन्हांजो सै जे माह पर विश्वास नीं करदे तिन्हांरे खातर ये सारियां गल्लां उदाहरणां च हुआं इयां।

लूका 8:10

तिने जवाब दित्या, “तुहांजो परमेशरा रे राज्जा री छुपी रियां गल्लां जो समझणे री अक्कल दितिरी। पर हऊँ इन्हां कहाणियां रा इस्तेमाल बाहरल्यां लोकां ते इस बारे च सब किछ छिपाणे खातर करया राँ, ताकि पवित्र शात्रा रा लिखिरा पूरा हुई सक्को: ‘सै देखां ये भई हऊँ क्या कराँ, पर सै हकीकता च नीं देखदे; सै सुणां ये भई हऊँ क्या बोलां, पर सै तिन्हां रिया समझा च नीं औन्दा।’

यूहन्ना 6:65

कने तिने गलाया, “इस खातर मैं तुहांजो गलाया था भई तदुआं तक मेरले कोई नीं आई सकदा तदुआं तक जे पिता परमेशर तिस्सो मेरले औणे री इजाज़त नीं देई दो।”

यूहन्ना 7:17

जे कोई परमेशरा रिया मर्जिया पर चलना चाओ, तां सै इस उपदेशा रे बारे च समझी जांगा भई जो उपदेश हऊँ देआं सै परमेशरा रिया तरफा ते आया या हऊँ अपणिया तरफा ते देई कराँ।

प्रेरितां 16:14

लुदिया नौआं री थुआतीरा नगरा री बैंगणी कपड़े बेचणे औल़ी परमेशरा री इक भगतणी सुणया राँ थी। परमेशरे तिसारा मन खोल्या भई सै पौलुसा रिया गल्लां पर चित लगाओ।

रोमियो 11:25

अन्यजातियां रे मेरे साथी विश्वासियो, हऊँ चाँह भई तुहें इस भेता जो समझो ताकि तुहें अपणे बारे च घमण्ड नीं करो। इस्राएल रे किछ लोक येढ़े इ कठोर बणाई दित्तिरे, कने येढ़े इ कठोर बणीने रैहणे तदुआं तक जे भई कई अन्यजातियां रे लोक मसीह च नीं आई जाणे।

रोमियो 16:25

हुण सारी महिमा परमेशरा री ओ, सै जे तुहांजो विश्वासा च मजबूत करी सक्कां, तियां जे खुशखबरी बोलां इ। यीशु मसीह रे बारे री ये खुशखबरी अन्यजातियां रे लोकां रे खातर तिसरी योजना परगट कित्तिरी सै जे युगां-युगां ते छुपीरी थी।

1 कुरिन्थियों 13:2

कने जे हऊँ भविष्यवाणी करी सक्कूँ, कने सब्बीं भेतां कने सब प्रकारा रे ज्ञाना जो समझूं, कने मिन्जो येत्थी तका पूरा विश्वास हो भई हऊँ पहाड़ां जो हटाई सक्कां, पर प्यार नीं रखूं, तां हऊँ किछ निआं।

1 कुरिन्थियों 15:51

देक्खा, हऊँ तुहांजो भेता री गल्ल बोलां, भई अहां सब्बीं नीं मरना, पर ताहली जे आखरी तुरही बजणी अहें सब पला च कने पलक झपकदे इ बदली जाणे। काँह्भई ताहली जे तुरही बजाई जाणी मुड़दे जिऊंदा हुई जाणे कने फेरी कदी नीं मरने कने अहां बदली जाणा।

1 कुरिन्थियों 2:14

पर तिस माहणुये ले जे पवित्र आत्मा नींआ सै परमेशरा रे आत्मा रियां गल्लां ग्रहण नीं करदा, काँह्भई सै तिसरियां नज़राँ च मूर्खता रियां गल्लां इयां, कने सै तिन्हांजो नीं जाणी सक्कां, काँह्भई तिन्हांरी परख आत्मिक रितिया ने हुआं इ।

1 कुरिन्थियों 2:7

पर अहें सै जे ज्ञान्ना रियां गल्लां दस्सां ये सै परमेशरा रा ज्ञान आ सै जे माहणुआं ते छिपिरा था, काँह्भई तिसजो जे परमेशरे संसारा जो बनाणे ते पैहले अहां रिया महिमा रे खातर तैह कित्या था।

1 कुरिन्थियों 4:1

तां माहणु अहौं मसीह रे सेवक कने परमेशरा रे भेतां रे भण्डारी समझो।

1 कुरिन्थियों 4:7

काँह्भई किसी माहणुये तुहौं दुज्यां ते जादा खास नीं बणाया कने सै किछ जे तेरले आ सै तिज्जो परमेशरे दित्तिरा। कने तंजे तिज्जो मिलीरा, तां अपणे बारे च घमण्ड करना तेरे खातर ठीक नींआ।

इफिसियां 1:18

हऊँ परमेशरा ने ये बी प्राथना कराँ भई सै तुहौं सच्चाईया जो समझणे च तुहांरी मदद करगा, भई तुहें तिसा आस्सा जो जाणी लो तिसरे खातर जे तिने तुहांजो सद्दीरा; कने तुहें इसा गल्ला जो जाणो भई सै आशीषां जे परमेशर अपणयां लोकां जो देणे रा वायदा कराँ सै कितणियां महान इ।

इफिसियां 1:9

परमेशरे अपणिया इच्छा रा भेत भली योजना रे मुतावक अहां पर परगट कित्या, सै जे तिने मसीह च तैह कित्या था।

इफिसियां 5:32

ये इक बौहत गैहरा भेत आ; पर ये हऊँ मसीह कने कलीसिया रे बारे च बोलां।

इफिसियां 6:19

कने तुहें मेरे खातर बी प्राथना करा, भई मिन्जो बोलणे रा मौका मिलणे पर परमेशर मिन्जो सही शब्दां जो देओ ताकि हऊँ खुशखबरिया रे भेता जो हिम्मता ने लोकां जो दस्सी सक्कूं।

कुलुस्सियां 2:2

ताकि तिन्हांरे मनां जो तसल्ली मिलो कने सै अप्पूँ चियें प्यारा ने इक हुईने रौ, कने हऊँ चाँह भई तिन्हां लोकां रा पूरा भरोसा ओ, काँह्भई सै परमेशरा रिया योजनां रा भेत पूरे तरिके ने समझी सक्को, सै जे खुद मसीह आ।

1 तिमुथियुस 3:16

इसच शक निआं भई अहांरे विश्वासा च महान भेत आ : मसीह सै जे माहणु बणीने आया, पवित्र आत्मे दिखाया भई सै सच्चमुच परमेशरा रा पुत्र था, स्वर्गदूतें तिसजो देख्या, सारी जातियां रे लोकां च तिसरे बारे रा प्रचार हुया, संसारा रे लोकें तिस पर विश्वास कित्या, कने परमेशर तिस्सो स्वर्गा च लेईग्या।

1 तिमुथियुस 3:9

पर तिन्हांरी साफ अन्तरात्मा हूणी चाहिन्दी, तियां जे सै लगातार तिस सच्चे सन्देशा पर विश्वास कराँ ये तिस्सो जे परमेशरे परगट कित्या।

याकूब 1:5

पर जे तुहां चते किसी च बुद्धिया री कमी हो, तां सै परमेशरा ते प्राथना करो, तिस्सो सै मिलणी; काँह्भई सै सारयां जो खुशी-खुशी पूरे दिला ते देआं।

1 यूहन्ना 2:20

पर यीशु मसीह तिने पवित्र आत्मा तुहांजो दित्या, इस खातर तुहें सारे सच्चाई जो जाणाँ ये।

1 यूहन्ना 2:27

पर तुहांरे खातर यीशु मसीह पवित्र आत्मा दित्तिरा कने सै पवित्र आत्मा तुहां चा; इस खातर सच्चाईया रे बारे च कोई होर माहणु तुहांजो सखाओ इसरी जरूरत नीं। बरन पवित्र आत्मा सारी सच्चाईया रे बारे जाणने च तुहांरी मदद करो। जो किछ पवित्र आत्मा तुहांजो सखां सै विल्कुल सच्च आ, तिसच कोई झूट्ठ निआं। इसी खातर तियां जे पवित्र आत्मा तुहांजो बोलीरा, तियां इ तुहें मसीह च बणीरे रौआ।